agriculture news in marathi, summer crops sowing status, satara, maharashtra | Agrowon

सातारा जिल्ह्यात ५८ टक्के उन्हाळी पेरणी

टीम अॅग्रोवन
रविवार, 8 एप्रिल 2018

सातारा : जिल्ह्यात उन्हाळी हंगामातील पेरणीस वेग आला आहे. जिल्ह्यात आतापर्यंत ५८.६६ टक्के क्षेत्रावर पेरणी झाली आहे. रब्बी हंगामातील ज्वारी, हरभरा पिकांची अंतिम, तर गहू पिकांची काढणी व मळणीची कामे सुरू आहेत, अशी माहिती कृषी विभागाच्या सूत्रांनी दिली.

पश्चिम भागातील तालुक्‍यांत पाण्याची उपलब्धतता असल्याने तेथील शेतकरी उन्हाळी पिकांची पेरणी करतात. सातारा, कऱ्हाड, जावली, पाटण, वाई, खंडाळा या तालुक्‍यांत भुईमूग, तर पूर्वेकडील दुष्काळी तालुक्‍यांत सूर्यफूल, मका व चारा पिके घेतली जातात.

सातारा : जिल्ह्यात उन्हाळी हंगामातील पेरणीस वेग आला आहे. जिल्ह्यात आतापर्यंत ५८.६६ टक्के क्षेत्रावर पेरणी झाली आहे. रब्बी हंगामातील ज्वारी, हरभरा पिकांची अंतिम, तर गहू पिकांची काढणी व मळणीची कामे सुरू आहेत, अशी माहिती कृषी विभागाच्या सूत्रांनी दिली.

पश्चिम भागातील तालुक्‍यांत पाण्याची उपलब्धतता असल्याने तेथील शेतकरी उन्हाळी पिकांची पेरणी करतात. सातारा, कऱ्हाड, जावली, पाटण, वाई, खंडाळा या तालुक्‍यांत भुईमूग, तर पूर्वेकडील दुष्काळी तालुक्‍यांत सूर्यफूल, मका व चारा पिके घेतली जातात.

जिल्ह्यात उन्हाळी हंगामातील पिकांचे सरासरी क्षेत्र सुमारे ७४३६ हेक्‍टर आहे. यामध्ये सर्वाधिक ५२८० हेक्‍टरवर भुईमूग, तर उर्वरित क्षेत्रावर सूर्यफूल, मका व काही प्रमाणात चारा पिके घेतली जातात. उन्हाळी पेरणीची कामे वेगात सुरू आहेत.

एकूण क्षेत्रापैकी सध्या ४३६२ हेक्‍टर क्षेत्रावर पेरणी झाली आहे. यामध्ये भुईमुगाची २४७६, तर मक्‍याची १८८६ हेक्‍टर क्षेत्रावर लागवड झाली आहे. भाजीपाल्याच्या दरात वाढ न झाल्यामुळे भाजीपाला क्षेत्रात घट होणार आहे.

पाण्याची बचत, कमी तण, तसेच चांगले उत्पादन मिळावे यादृष्टीने भुईमूग पिकासाठी काही शेतकरी ठिबक संच व मल्चिंग पेपरचा वापर करतात. कृषी विभागाकडून उन्हाळी हंगामासाठी लागणारे बियाणे व खते मुबलक प्रमाणात उपलब्ध करून देण्यात आली आहेत.

शेतकरी भुईमूग पेरणीसाठी घरातील बियाणे वापरास प्राधान्य देत आहेत. अनेक शेतकरी पावसाळ्याच्या सुरवातीस भुईमुगाच्या ओल्या शेंगा विकता याव्यात, यासाठी मार्चच्या सुरवातीस भुईमुगाची पेरणी करतात.


इतर ताज्या घडामोडी
पुणे विभागात गव्हाचा १ लाख ६८ हजार...पुणे  ः पुणे विभागात गव्हाच्या पेरण्या...
खासदार औद्योगिक महोत्सवाच्या माध्यमातून...नागपूर  ः खासदार औद्योगिक महोत्सवाच्या...
अकोला कृषी विद्यापीठात विद्यार्थ्यांचे...अकोला  : ‘कृषी’चे पदव्युत्तर शिक्षण हे...
तीन जिल्ह्यांत तूर विक्रीसाठी २९...नांदेड  ः मराठवाड्यातील नांदेड, परभणी,...
आळसंद येथील पशुवैद्यकीय दवाखाना उद्‌...आळसंद, जि. सांगली : आळसंद (ता. खानापूर) येथे...
तीन जिल्ह्यांत सतरा लाख ४१ हजार क्विंटल...नांदेड  ः नांदेड, परभणी, हिंगोली जिल्ह्यांत...
जावळी तालुक्यात वन्यप्राण्यांकडून... मेढा, जि. सातारा : जावळी तालुक्‍यात...
कातळावरील गोड्या पाण्यातील मत्स्यशेतीचा...सिंधुदुर्ग : जिल्ह्यातील कांदळगाव (ता. मालवण)...
सुरक्षित प्रवासासाठी प्रवाशांना सुविधा...नाशिक : प्रवाशांना अधिकाधिक सुविधा देऊन त्यांचा...
महाशिवरात्रीनिमित्त पुण्यात रताळी,...पुणे  ः गुलटेकडी येथील पुणे कृषी उत्पन्न...
बदलत्या हवामानात कृषी जैवविविधतेचे...संयुक्त राष्ट्रसंघाच्या कृषी जैवविविधता आणि अन्न...
हरितगृह वायू कोणते?मागील लेखामध्ये हरितगृह परिणाम म्हणजे काय, ते आपण...
जागतिक तापमानवाढीवर हरितगृह वायूंचा...सध्या सर्वत्र तापमानवाढीची चर्चा असली, तरी...
गिरणा परिसरात कांदा लागवडीकडे कलमेहुणबारे, जि. जळगाव  ः चाळीसगाव तालुक्‍यात...
घराघरांत पोचणार नळ कनेक्‍शन, बसणार मीटर...जळगाव  : जिल्ह्यात ग्रामीण भागातील जनतेला...
जळगाव जिल्ह्यात कर्जमुक्ती योजनेतून...जळगाव : राज्यातील महाविकास आघाडी शासनाने महात्मा...
शेतकऱ्यांना सन्मानपूर्वक कर्जमुक्तीचा...अकोला ः शेतकरी कर्जदार नसून तो भूमीचा राजा आहे....
केंद्राच्या पथकाकडून लासलगावला कांदा...नाशिक  : कांद्याचे घसरते बाजार भाव पाहता...
`रेशीम प्रकल्पाच्या मंजुरीसाठी...औरंगाबाद : राज्यातील रेशीम उद्योगाच्या एकूणच...
अमरावती येथे जिल्हा परिषद अधिकाऱ्यांना...अमरावती ः जिल्हा परिषदेत आठवड्यातील दोन दिवस...