agriculture news in Marathi summer onion arrival in market Maharashtra | Agrowon

उन्हाळ कांद्याची बाजारात ‘एन्ट्री’ 

मुकुंद पिंगळे
बुधवार, 24 फेब्रुवारी 2021

जिल्ह्यात रब्बी हंगामातील आगाप उन्हाळ कांद्याची आवक लासलगाव व पिंपळगाव बाजार समितीमध्ये सुरू झाली आहे.

नाशिक : जिल्ह्यात रब्बी हंगामातील आगाप उन्हाळ कांद्याची आवक लासलगाव व पिंपळगाव बाजार समितीमध्ये सुरू झाली आहे. दरवर्षी होणाऱ्या आवकेच्या कालावधीच्या दोन ते तीन आठवडे अगोदर कांदा दाखल झाला आहे. मात्र सध्या आवक अत्यंत कमी असून कांद्याला सरासरी ३६०० रुपये प्रतिक्विंटल दर मिळत आहे. 

जिल्ह्यातील लासलगाव, पिंपळगाव बसवंत या बाजार आवारात मार्चपासून हळूहळू नवीन उन्हाळ कांद्याची आवक सुरू होते. मात्र यंदा फेब्रुवारीच्या मध्यातच आवक सुरू झाली आहे. अतिवृष्टीमुळे लाल कांद्याच्या रोपवाटिका बाधित झाल्या. त्यामुळे घरगुती उन्हाळ कांद्याच्या बियाण्यांपासून शेतकऱ्यांनी रोपवाटिका हंगामपूर्व तयार केल्या. त्यामुळे नोव्हेंबर सुरुवातीला आगाप उन्हाळ कांद्याच्या लागवडी झाल्या. त्याचे उत्पादन हाती येत आहे. मात्र होणारी आवक अत्यंत कमी असून प्रतवारीमध्ये कांद्याचा अपेक्षित आकार झाला नसल्याचे दिसून येते. 

अतिवृष्टी, अवकाळी यासह रोगाचा प्रादुर्भाव असल्याने खरीप कांदा लागवडी बाधित झाल्याने उत्पादनात मोठी घट आहे. तर अवकाळीचा फटकाही उन्हाळ कांद्याला बसलेला आहे. त्यामुळे थोड्याफार प्रमाणात उन्हाळ कांद्याची आवक होत असल्याने पुरवठ्याला थोडाफार आधार होत आहे. 

मिळणारा परतावा व्यवहार्य नाहीच... 
आगाप लागवडीमुळे उन्हाळ कांदा बाजारात येऊ लागला आहे. तर काही शेतकरी लॉककडाऊन होण्याच्या भीतीपोटी पक्व नसलेला माल आणत असल्याची चर्चा आहे. त्यामुळे अपेक्षित उत्पादन नाही. दर सध्या चांगले असले तरी वाढलेला उत्पादन व पीक संरक्षण खर्च, घटलेले एकरी उत्पादन व इंधन दरवाढीमुळे वाढलेला वाहतूक खर्च यामध्ये यामुळे मिळणारा परतावा व्यवहार्य नसल्याची स्थिती आहे. 

पिंपळगाव बसवंत येथे आवक मर्यादित 
पिंपळगाव बसवंत बाजार आवारात १३ फेब्रुवारीपासून आवक सुरू झाली आहे. सुरुवातीला १० क्विंटल आवक झाली होती. त्यास प्रतिक्विंटल ३५०० रुपये दर मिळाला होता. तर २० फेब्रुवारीला २५० क्विंटल आवक झाली. त्यास ३६५१ दर मिळाला. सोमवारी (ता.२२) ३२५ क्विंटल आवक होऊन प्रतिक्विंटल ३९०० सरासरी दर मिळाला. 

बाजारातील आवकेची स्थिती 

  • उन्हाळ कांद्याला खरीप कांद्याप्रमाणे दर चांगला 
  • कांद्याचा आकार व प्रतवारी जेमतेम 
  • नियमित आवकेच्या तुलनेत आवक किरकोळ 
  • शेतकऱ्यांचा उत्पन्न, खर्चाचा ताळमेळ बसेना 

लासलगाव बाजार समितीत दराची स्थिती

दिनांक आवक किमान कमाल सरासरी
१६ फेब्रुवारी ४९० २००१ ४०११ ३५०० 
१७ फेब्रुवारी ६६० १००० ४२४१ ३५७० 
१८ फेब्रुवारी ५९८ १५०० ४०८५ ३५५१ 
१९ फेब्रुवारी १६६ ३४५२ ४२०१ ४००० 
२० फेब्रुवारी ५४४ १६०१ ४११२ ३८०१ 
२२ फेब्रुवारी ११०० ११०० ४२२० ३७५०
२३ फेब्रुवारी २०० २१०० ३८९० ३६०० 

प्रतिक्रिया 
सध्या देशांतर्गत मागणी असल्याने दर मिळतो आहे. मात्र निर्यातीसाठी अपेक्षित आकार, प्रतवारी व दरात सुधारणा असल्याने असल्याने निर्यात सध्या कमीच आहे. 
- मनोज जैन, कांदा व्यापारी व निर्यातदार, लासलगाव, जि. नाशिक 

लाल कांद्याची रोपे खराब झाल्याने काहींनी लवकर उन्हाळ कांद्याचे रोपे टाकून लागवडी केल्या. त्यामुळे सध्या लवकर कांदा बाजारात येत आहे. मात्र आवक अत्यंत कमी आहे. 
- नरेंद्र वाढवणे, सचिव, बाजार समिती, लासलगाव, जि. नाशिक 


इतर बातम्या
दूध विक्री कमिशनवर नियंत्रण आणा पुणे : राज्यातील दूध उत्पादक शेतकऱ्यांना...
किमान तापमानात वाढ पुणे ः मध्य महाराष्ट्राच्या परिसरात चक्रीय...
देशी कोंबडी पिलांच्या मागणीत ७० टक्के...नगर ः बर्ड फ्लूची लाट ओसरली आहे. मात्र तरीही...
‘पीएम-किसान’चे काम करण्यास महसूलचा नकार अकोला ः पंतप्रधान शेतकरी सन्मान योजना...
अकोला : अवकाळी, गारपीटग्रस्तांना १७...अकोला ः गेल्या वर्षात जिल्ह्यात फेब्रुवारी ते मे...
खरिपात सोयाबीन पेरणीवेळी जोड ओळ पद्धत...जालना ः ‘‘येणाऱ्या खरीप हंगामात सोयाबीन पिकात जोड...
अकोला परिमंडळात ४८ तासांत ३४० चोऱ्या उघडअकोला ः अकोला परिमंडळात वीजचोरीच्या घटनांमध्ये...
मराठवाडा रेशीम शेतीचा केंद्र बिंदू ः डॉ...जालना : ‘‘हवामान बदलानुसार योग्य त्या पिकांच्या...
‘पोकरा’मध्ये कामाची प्रक्रिया आता ऑनलाइनमुंबई/औरंगाबाद : नानाजी देशमुख कृषी संजीवनी...
राज्यात गहू क्षेत्रात ३८ टक्क्यांनी वाढनगर ः परतीच्या पावसाने पाण्याची बऱ्यापैकी...
‘महाबीज’चे २१० हेक्टरवर सोयाबीन...परभणी ः ‘महाबीज’च्या परभणी विभागांतर्गत सहा...
‘युटोपियन’कडून पाच लाख मेट्रिक टन उसाचे...सोलापूर ः ‘‘यंदा जास्त ऊस गाळपाचे उद्दिष्ट ठेवले...
म्हैसाळच्या आवर्तनासाठी पाणी मागणीची...सांगली ः मिरज पूर्व भागासह कवठेमहांकाळ, जत तालुक्...
`सुधारित शिफारशींसाठी शेतकऱ्यांमध्ये...परभणी ः ‘‘सोयाबीन उत्पादकता वाढ तसेच उत्पादन खर्च...
बूथ कमिट्या सक्षम करा : नाना पटोले मुंबई : काँग्रेस पक्ष संघटन मजबूत करण्यासाठी सर्व...
प्रत्येक गावांनी पाण्याचे अंदाजपत्रक...पुणे : गावात पडणारा पाऊस व पिकांना लागणारे पाणी...
नेपाळच्या कांदा व्यापाऱ्याला ...नाशिक : जिल्ह्यात शेतमाल विक्री पश्चात...
वीज जोडणी तोडल्यास राज्यभर आंदोलन :...अकोला : आधीच कोरोनामुळे गेले वर्षभर शेतकरी व...
पालखेड उपबाजार आवारात द्राक्ष मण्यांचे...नाशिक : पिंपळगाव बसवंत कृषी उत्पन्न बाजार समितीचा...
तीनच दिवसांत कांदा उत्पादक शेतकऱ्यांना ...नाशिक : सोमवारी ४२३०, बुधवारी ३४८१ आणि गुरुवारी...