Agriculture News in Marathi Summer red onions Comparison is getting higher price | Page 2 ||| Agrowon

लाल कांद्याला उन्हाळच्या  तुलनेत मिळतोय अधिकभाव 

टीम अॅग्रोवन
रविवार, 28 नोव्हेंबर 2021

दिवाळीनंतर जिल्ह्यातील कृषी उत्पन्न बाजार समित्यांमध्ये कांद्याच्या आवकेने आवार पुन्हा गजबजले आहेत. तुलनेत उन्हाळ कांद्याची आवक टिकून तर खरीप लाल कांद्याची आवक चालू नोव्हेंबर महिन्याच्या तुलनेत अगदी नगण्य होत असल्याची स्थिती आहे.

नाशिक : दिवाळीनंतर जिल्ह्यातील कृषी उत्पन्न बाजार समित्यांमध्ये कांद्याच्या आवकेने आवार पुन्हा गजबजले आहेत. तुलनेत उन्हाळ कांद्याची आवक टिकून तर खरीप लाल कांद्याची आवक चालू नोव्हेंबर महिन्याच्या तुलनेत अगदी नगण्य होत असल्याची स्थिती आहे. मात्र दराच्या अनुषंगाने उन्हाळच्या तुलनेत लाल कांद्याला मागणी वाढती असल्याने त्यास अधिक दर मिळत आहे. 

            चालू वर्षी अतिवृष्टीमुळे जिल्ह्यातील कांदा उत्पादक पट्ट्यात प्रामुख्याने नांदगाव, चांदवड, देवळा व येवला तालुक्यांतील अनेक शेतकऱ्यांच्या खरीप कांद्याच्या रोपवाटिकांचे मोठ्या प्रमाणावर नुकसान झाले. परिणामी दर वर्षी प्रमाणे अनेक शेतकऱ्यांच्या अपेक्षित कांदा लागवडी होऊ शकलेल्या नाहीत. त्यामुळे आगाप लागवडीची आवक कमीच आहे. काही शेतकऱ्यांनी पुन्हा रोपे तयार करून लागवडी केल्या; मात्र हे पीक लांबणीवर गेले आहे. लाल कांद्याची आवक कमी तर उन्हाळ कांद्याची आवक प्रमुख बाजार समित्यांमध्ये मागील वर्षीच्या तुलनेत टिकून आहे. 

   जिल्ह्यातील प्रमुख असलेल्या पिंपळगाव बसवंत कृषी उत्पन्न बाजार समितीमध्ये मागील वर्षी १४ ऑक्टोबरपासून नवीन खरीप लाल कांद्याची आवक सुरू झाली होती. तर चालू वर्षी ही आवक २२ नोव्हेंबरपासून सुरू झाली आहे. त्यामुळे जवळपास एक महिना उशिराने आवक या वर्षी आहे. 
शुक्रवारी (ता.२६) रोजी उन्हाळ कांद्याची सरासरी आवक १२ हजार क्विंटल इतकी होत असताना लाल कांद्याची आवक ही १,२९२ क्विंटल झाली. गेल्या सप्ताहापासून त्यात वाढ होत आहे. उन्हाळ कांद्याला प्रति क्विंटलला सरासरी १,७७५ रुपये तर खरीप लाल कांद्याला २,३५१ रुपये दर मिळाला. मात्र तरीही मागील वर्षीच्या तुलनेत लाल कांद्याचे दर कमी आहेत. 

      लासलगाव बाजार समितीत ४ ऑक्टोबरपासून सुरू नवीन खरीप कांद्याची आवक सुरू झाली. मागील महिन्यात उन्हाळ कांद्याची आवक १५ हजार क्विंटल असताना अवघ्या १,०० क्विंटलवर ही आवक होती. त्यावेळी दोन्ही कांद्याचे दर सारखेच राहिले. मात्र चालू महिन्यात उन्हाळ कांद्याची आवक ६० टक्के कमी झाली आहे. गुरुवारी (ता.२५) रोजी उन्हाळ कांद्याची आवक ४ हजार ५०० क्विंटल तर लाल खरीप कांद्याची आवक २०० क्विंटल झाली. त्यास अनुक्रमे सरासरी दर १,८०० ते २,२०० रुपये असा सरासरी दर राहिला. 
 

दराची स्थिती... उन्हाळ कांदा...खरीप कांदा (ता.२७) 
पिंपळगाव बसवंत...१९००....२७०० 
लासलगाव...१८००...२२०० 
चांदवड...१६००...२२०० 
नांदगाव...१६००...१५०० 

प्रतिक्रिया: 
चालू वर्षी आगाप खरीप कांद्याची आवक कमी झालेली आहे. अजूनही उन्हाळ कांद्याची आवक टिकून आहे. मात्र प्रतवारी गुणवत्तेची नाही. त्यात काही खरेदीदारांकडून बीजोत्पादन करण्यासाठी नव्या खरीप कांद्याची मागणी होत असल्याचे दर उंचावत आहेत. 
-मनोज जैन, कांदा व्यापारी व निर्यातदार, लासलगाव, ता. निफाड 

प्रतिक्रिया: 
सध्या लाल कांद्याला मागणी वाढती आहे. तुलनेत उन्हाळ कांद्याची मागणी कमी आहे. लाल कांद्याची आवक कमी असल्याने पश्चिम बंगाल, आसाम राज्यात चांगली मागणी असल्याने उन्हाळ कांद्याच्या तुलनेत लाल कांद्याला दर अधिक आहे. 
-सुनील ठक्कर, कांदा व्यापारी, पिंपळगाव बसवंत, ता. निफाड


इतर बातम्या
खते मुबलक; पण किंमत जादा पुणे : राज्यात रब्बी हंगामात रासायनिक खतांची...
ज्येष्ठ विचारवंत डॉ. एन. डी. पाटील...कोल्हापूर ः ज्येष्ठ पुरोगामी विचारवंत, माजी...
खानदेशात कांदा पिकाची दहा हजार हेक्टरवर...जळगाव ः खानदेशात कांदा पिकाची लागवड सुरूच आहे....
कांदाच बनला टुमदार बंगल्याची ओळख नाशिक ः  या नभाने या भुईला दान...
ईश्‍वेद समूहाच्या टिश्‍युकल्चर ...अकोला : सिंदखेडराजा येथील ईश्‍वेद बायोटेक टिश्‍...
कापूस आयात शुल्क  रद्दच्या विषयावरील...जळगाव ः कापसावरील आयात शुल्क रद्द करण्यासह वायदा...
नाशिकच्या स्टार्टअपचा राष्ट्रीय पातळीवर...नाशिक : केंद्रीय वाणिज्य आणि उद्योगमंत्री पीयूष...
तूर विक्रीसाठी शेतकऱ्यांची  खुल्या...अमरावती : सोयाबीन व कापसानंतर खरीप हंगामातील...
‘गिरणा’चे वस्त्रहरण करणाऱ्यांवर कारवाई...चाळीसगाव, जि. जळगाव ः जळगाव जिल्ह्याची जीवनवाहिनी...
चांदवडमध्ये कांदा लिलाव सुरूनाशिक : अकरा जानेवारीपासून सोमवार (ता. १७) पर्यंत...
पुणे विभागात रब्बीतील कांदा लागवडीत वाढपुणे : आगामी काळात कांद्याला चांगले दर...
‘अशोक’च्या निवडणुकीत ‘लोकसेवा’ची सत्ता...नगर ः श्रीरामपूर तालुक्यातील अशोक सहकारी साखर...
ग्रामपंचायतींना इंटरनेट सेवा त्वरित...सोलापूर : जिल्ह्यातील प्रत्येक ग्रामपंचायतींना...
नगरमध्ये सहाशे शेतकऱ्यांना मिळणार... नगर ः शेतकऱ्यांना शेळीपालन, कुक्कुटपालन...
नांदेड जिल्ह्यात रब्बीत विक्रमी पेरणीनांदेड : पावसाळ्यात झालेल्या विक्रमी पावसामुळे...
शेतीमाल तारण योजनेत सात बाजार समित्याऔरंगाबाद : पणन मंडळाच्या औरंगाबाद विभागातील...
‘स्वाभिमानी’चे पीकविम्यासाठीचे ठिय्या...बुलडाणा : पीकविम्याच्या मुद्यावर चिखलीमध्ये...
उस्मानाबाद जिल्हा बँकेच्या संचालक...उस्मानाबाद : उस्मानाबाद जिल्हा बँकेच्या संचालक...
नगरच्या सहकारावर नागवडे, मुरकुटेंची पकडउस्मानाबाद : नगर ः जिल्ह्यात श्रीगोंदा...
तुरीच्या दरात काहीशी सुधारणाआठवडाभरात तुरीची आवक काहीशी मंदावली होती तसेच...