‘कुकडी’चे उन्हाळी आवर्तन सहा जूनला सुटणार : रोहित पवार

नगर : ‘कुकडी’च्या उन्हाळी आवर्तनासाठी पुणे येथे झालेल्या बैठकीत येत्या सहा जून रोजी ‘कुकडी’चे उन्हाळी आवर्तन सुटणार असल्याची माहिती आमदार रोहित पवार यांनी दिली. उन्हाळी आवर्तनाच्या नियोजनासाठी शुक्रवारी पुणे येथील सिंचन भवनात बैठक आयोजित करण्यात आली होती.
Summer season of 'Kukdi' to be released on June 6: Rohit Pawar
Summer season of 'Kukdi' to be released on June 6: Rohit Pawar

नगर : ‘कुकडी’च्या उन्हाळी आवर्तनासाठी पुणे येथे झालेल्या बैठकीत येत्या सहा जून रोजी ‘कुकडी’चे उन्हाळी आवर्तन सुटणार असल्याची माहिती आमदार रोहित पवार यांनी दिली. उन्हाळी आवर्तनाच्या नियोजनासाठी शुक्रवारी पुणे येथील सिंचन भवनात बैठक आयोजित करण्यात आली होती.

पुणे येथे झालेल्या बैठकीसाठी जलसंपदामंत्री जयंत पाटील, जलसंपदा विभागाचे सचिव राजेंद्र पवार, कृष्णा खोरे विकास महामंडळाचे संचालक खलील अन्सारी, कुकडी सिंचन मंडळाचे अधीक्षक अभियंता हनुमंत धुमाळ, कुकडी पाटबंधारे विभागाचे कार्यकारी अभियंता स्वप्नील काळे, कुकडी वितरण बांधकाम विभागाचे कार्यकारी अभियंता रामदास जगताप, आमदार रोहित पवार, राष्ट्रवादीचे माजी जिल्हाध्यक्ष घनश्‍याम शेलार, उपस्थित होते.

उन्हाळी आवर्तनासाठी एप्रिल महिन्याच्या शेवटच्या आठवड्यात जलसंपदामंत्री जयंत पाटील यांनी व्हिडिओ कॉन्फरन्सिंगद्वारे बैठक घेतली. त्यानंतर पाणी नियोजनासाठी मे महिन्याच्या शेवटच्या आठवड्यात बैठक होणार असल्याचे सांगितले. त्याच अनुषंगाने ही बैठक पार पडली. जलसंपदामंत्री जयंत पाटील यांनी येत्या सहा तारखेला आवर्तने सोडण्यात येणार असल्याची माहिती दिली.

‘कुकडी’वर अवलंबून असलेल्या सर्वच तालुक्‍यांना समान पाणीवाटप व्हावे, असा रोहित पवार यांचा वारंवार आग्रह होता. घाणीच्या विळख्यात असलेल्या चाऱ्यांची दुरुस्ती करण्यात आली. कुकडी अस्तरीकरणाचा प्रश्नही काही प्रमाणात मार्गी लागला. पाण्याचे समान वाटप व्हावे, म्हणून स्वयंचलित मीटर बसवण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com