agriculture news in Marathi sunflower crop deported from Vidarbha Maharashtra | Agrowon

विदर्भातून सूर्यफूलाचे पीक झाले हद्दपार

टीम अॅग्रोवन
शुक्रवार, 7 ऑगस्ट 2020

सूर्यफुलाकरिता प्रसिद्ध असलेल्या भागात लागवड कमी झाली. परिणामी बाजार समित्यांमधील या पीकाची उलाढाल ठप्प झाली आहे.

नागपूर : सूर्यफुलाकरिता प्रसिद्ध असलेल्या भागात लागवड कमी झाली. परिणामी बाजार समित्यांमधील या पीकाची उलाढाल ठप्प झाली आहे. विदर्भात सुमारे ३०० हेक्टरवर सूर्यफुलाची लागवड होती. परंतु हमीभावाअभावी क्षेत्र सध्या शून्यावर आल्याची माहिती सूत्रांनी दिली. 

पूर्व विदर्भातील नक्षलप्रवण गडचिरोली जिल्ह्याचे धान हे प्रमुख पीक. मात्र याच जिल्ह्यातील चामोर्शी तालुक्यात शेतकऱ्यांनी तेलबिया वर्गातील सूर्यफुलाचा पर्याय निवडला होता. गेल्या अनेक वर्षांपासून सूर्यफूल लागवडीवर या भागातील शेतकऱ्यांचा भर होता. या भागात बाजारपेठ नसली तरी गडचिरोली पासून १३५ किलोमीटर अंतर असलेल्या उमरेड बाजार समितीत सूर्यफुलाची विक्री केली जात होती.

सरासरी २५०० रुपये क्विंटलचा दर सूर्यफुलाला मिळत होता. उमरेड बाजार समितीत साधारणत: पाच ते सहा वर्ष सूर्यफुलाची नियमित आवक होती. चामोर्शी सोबतच चांगला दर मिळू लागल्याने नागपूर जिल्ह्यातील शेतकऱ्यांनी देखील सूर्यफूल लागवडीसाठी पुढाकार घेतला. त्यामुळे उमरेड बाजार समितीत दररोजची सूर्यफुलाची आवक पाच हजार पोत्यांवर पोचली होती. 

मंगळवार, बुधवार, शनिवार असे तीन दिवस या बाजार समितीत सूर्यफुलाची खरेदी होत असल्याचे सांगण्यात आले. परळी येथील व्यापारी सूर्यफूल खरेदीसाठी महिनाभर याच परिसरात वास्तव्यास राहत होते. सूर्यफुलावर आधारित प्रक्रिया उद्योग त्या भागात असल्याने येथून खरेदी केलेला माल प्रक्रिया उद्योजकाला पुरविल्या जात होता. उमरेड बाजार समिती सोबतच अमरावती तसेच बुलडाणा जिल्ह्यातील खामगाव बाजार समितीत देखील सूर्यफुलाचे व्यवहार होत होते.  

२०१६ पर्यंत सूर्यफुलाची आवक नियमित होती. त्यानंतर मात्र आवक मंदावली परिणामी व्यापारी देखील या बाजार समित्यांमध्ये फिरकेनासे झाले. लागवड क्षेत्र कमी झाल्याच्या परिणामी हे घडल्याचे सांगितले जाते. सद्यःस्थितीत राज्यात केवळ हिंगोली जिल्ह्यातील एक बाजार तसेच नंदुरबार बाजार समितीमध्ये सूर्यफुलाची आवक होत आहे. या भागातून गुजरातचे व्यापारी सूर्यफूल खरेदी करतात.

प्रतिक्रिया
२०१६ पर्यंत बाजार समितीमध्ये सूर्यफुलाची नियमित आवक होती. महिनाभरात पाच हजार पोत्यांची आवक असायची. परळी येथील व्यापारी नियमितपणे बाजारात खरेदीसाठी येत होते. उमरेड सोबतच अमरावती आणि खामगाव बाजार समितीमध्ये देखील सूर्यफुलाच्या व्हायची. त्यानंतर आवक कमी होत गेल्याने व्यापारी देखील बाजार समितीकडे येईनासे झाले. 
- प्रकाश महतकर, सचिव, बाजार समिती,  उमरेड, नागपूर


इतर अॅग्रो विशेष
तुरळक ठिकाणी मुसळधार शक्य पुणे : कोकणसह राज्यात तुरळक ठिकाणी जोरदार पाऊस...
हा तर मत्स्य दुष्काळाच! जगातील आघाडीच्या ‘ब्लू इकॉनॉमी’मध्ये भारताचा...
कोकण, मराठवाड्यात जोरदार पावसाची हजेरी पुणे : राज्यातील अनेक भागांत पावसाचा जोर कमी झाला...
पेरणीची घाई नको : कृषी आयुक्तालयपुणेः राज्यात खरीप हंगामाच्या पार्श्वभूमीवर...
मॉन्सूनला पोषक वातावरण पुणे : नैऋत्य मोसमी वारे (मॉन्सून) वेगाने प्रवास...
दूध दरातील कापतीने शेतकऱ्यांची परवड औरंगाबाद: महिनाभरातच दुधाच्या दरात तब्बल ११...
पीककर्ज व्याज सवलत योजनेचे पालकत्व...पुणेः शेतकऱ्यांना शून्य टक्के व्याजाने तीन...
राज्यातील प्रकल्पांमध्ये केवळ २१ टक्के...पुणे ः मे आणि जून महिन्यात पाण्याची मागणी...
कमी दराने कांदा खरेदी सुरूच नाशिक : सिन्नर कृषी उत्पन्न बाजार समितीच्या...
सोयाबीन लागवड क्षेत्रात दहा टक्के...नागपूर : देशात सोयाबीन लागवड क्षेत्र आणि...
दूध दरासाठी गुरुवारी आंदोलन नगर : लॉकडाउनचा गैरफायदा घेत दूध उत्पादक...
विद्यापीठाच्या वाणांमुळे शेतकऱ्यांना ९५...नगर ः महात्मा फुले कृषी विद्यापीठाने विकसित...
गांडुळखताचा लोकप्रिय केला शुभम ‘ब्रॅण्ड’सोलापूर जिल्हयातील उपळाई बुद्रूक येथील महादेव...
सिंधुदुर्गमध्ये मुसळधारसिंधुदुर्गनगरी : जिल्ह्याच्या काही भागात मुसळधार...
प्रयोगशील, अभ्यासपूर्ण शेतीचा आदर्शतिडका (जि. औरंगाबाद) येथील युवा शेतकरी ईश्‍वर...
शेतकऱ्यांचे धान बोनसचे १७ कोटी रुपये...चंद्रपूर : गेल्या खरीप हंगामात विक्री केलेल्या...
मॉन्सून उद्या दिल्लीत पुणे : नैऋत्य मोसमी वारे (मॉन्सून) वेगाने उत्तरेत...
समुद्रातील माशांचा साठा केवळ ६६ टक्के...रत्नागिरी ः समुद्रातील माशांचा साठा कमी होत असून...
दीडपट हमीभावाचा केंद्राचा दावा फसवा पुणेः किमान आधारभूत किमतीच्या (एमएसपी) माध्यमातून...
नाशिक जिल्ह्यात सोयाबीन बियाण्याची ...नाशिक : अनेक शेतकऱ्यांनी यंदा सोयाबीन पेरणीला...