सांगोल्यातील पारेत सूर्यफूल उगवणीच्या तक्रारी, अधिकाऱ्यांकडून पाहणी

सांगोला, जि. सोलापूर : सोयाबीनच्या बियाणाची उगवण झाली नसल्याचे प्रकार जिल्ह्यात सगळीकडेच उघडकीस येत असताना, आता सांगोला तालुक्यात पारे गावातून सुर्यफुलाच्या बियाण्यांची उगवण झाली नसल्याच्या तक्रारी आल्या आहेत.
Sunflower germination in Sangola Complaints, inspection by authorities
Sunflower germination in Sangola Complaints, inspection by authorities

सांगोला, जि. सोलापूर : सोयाबीनच्या बियाणाची उगवण झाली नसल्याचे प्रकार जिल्ह्यात सगळीकडेच उघडकीस येत असताना, आता सांगोला तालुक्यात पारे गावातून सुर्यफुलाच्या बियाण्यांची उगवण झाली नसल्याच्या तक्रारी आल्या आहेत.

शेतकऱ्यांच्या तक्रारीनंतर तालुका कृषि अधिकारी दीपाली जाधव आणि कृषि विभागाच्या अन्य अधिकाऱ्यांच्या पथकाने शेतावर जाऊन पाहणी केली. तेव्हा, अत्यंत कमी प्रमाणात, तुरळक असे सुर्यफूल उगवल्याचे निदर्शनास आले. 

सांगोला तालुक्यात यंदाच्या खरिपात आतापर्यंत ७३ हेक्टरवर सूर्यफुलाची पेरणी झाली आहे. त्यात तालुक्यातील पारे गावात हणमंत गायकवाड, बाळासाहेब गायकवाड, सुखदेव गायकवाड, सुरेश गायकवाड यांच्या शेतात पेरलेल्या सूर्यफुलाची उगवण झाली नसल्याच्या तक्रार कृषी विभागाकडे करण्यात आली. पुरेसा पाऊस आणि चांगली ओल असताना पेरणी करुनही सूर्यफूलाच्या बियाण्यांची उगवण होऊ शकली नाही, याकडे या शेतकऱ्यांनी त्यांच्या तक्रारीत लक्ष वेधले. तसेच प्रमाणित कंपन्यांच्या बियाण्यांची माहितीही दिली. 

दरम्यान, स्वत जाधव, पंचायत समितीचे कृषि अधिकारी विकास काळोखे, जवळा मंडल कृषी अधिकारी जांभळे, पारेचे कृषी सहायक एच.टी. पवार यांनी थेट शेतात जाऊन प्रत्यक्ष पाहणी केली. तेव्हा, त्यांच्याही निदर्शनास शेतकऱ्यांनी सांगितल्यानुसार बियाणे उगवण झाले नसल्याचे दिसून आले. याबाबतचा अहवाल तयार करुन योग्य ती कार्यवाही करु, असे आश्वासन कृषि अधिकारी जाधव यांनी दिले.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com