बुलडाणा ः लॉकडाऊन सुरू असल्याने लोकांनी रस्त्यावर येऊन गर्दी करू नये. शेतकऱ्यांचा भाजीपाला विक्री अभावी पडून राहू नये व ग्राहकांना ताजा भाजीपाला एकाच वेळी घरपोच मिळावा. या संकल्पनेतून कृषी विभाग व कृषी तंत्रज्ञान व्यवस्थापन यंत्रणा आत्मा यांच्याअंतर्गंत स्थापन झालेल्या शेतकरी गटांमार्फत बुलडाण्यात नागरिकांना भाजीपाला पुरवठा केला जाणार आहे. जिल्हाधिकारी सुमन चंद्रा यांच्याहस्ते व जिल्हा कृषी अधीक्षक अधिकारी नरेंद्र नाईक, तालुका कृषी अधिकारी ए. ओ. चोपडे यांच्या उपस्थितीत हा उपक्रम सुरू करण्यात आला.
बुलडाण्यात ‘कोरोना’ बाधित रुग्ण आढळून आल्याने संपूर्ण शहरात संचारबंदी सुरू आहे. वाहने जाण्या-येण्यावर निर्बंध घालण्यात आले आहेत. अशा स्थितीत शहरातील नागरिकांना दैनंदिन आहारात अत्यावश्यक असलेला सर्व प्रकारचा भाजीपाला एकाच बास्केटमध्ये उपलब्ध करून देण्याचे काम नांद्राकोळी येथील समृद्ध शेतकरी गट व माऊली शेतकरी गटामार्फत केले जाणार आहे.
यासाठी ग्राहक भाजीपाल्याची बास्केट दूरध्वनी क्रमांक ९७६६९२३६०१ व ९४२३४४७७६३ यावर बुकींग करू शकणार आहेत. नागरिकांनी याचा लाभ घेण्याचे आवाहन जिल्हा अधीक्षक कृषी अधिकारी नरेंद्र नाईक यांनी केले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.