agriculture news in marathi Supreme court ask Central to submit National plan on Covid relief | Page 2 ||| Agrowon

राष्ट्रीय आराखडा सादर करा; कोरोनास्थितीवरून सर्वोच्च न्यायालयाचे केंद्राला आदेश

वृत्तसेवा
शुक्रवार, 23 एप्रिल 2021

देशातील कोरोनाच्या संसर्गाची लाट अधिक तीव्र झाली असताना सर्वोच्च न्यायालयाने गुरुवारी केंद्र सरकारला धारेवर धरले आहे. या संकटाला सामोरे जाण्यासाठी राष्ट्रीय आराखडा आमच्यासमोर सादर करण्याचे निर्देश दिले.

नवी दिल्ली  : देशातील कोरोनाच्या संसर्गाची लाट अधिक तीव्र झाली असताना सर्वोच्च न्यायालयाने गुरुवारी केंद्र सरकारला धारेवर धरले आहे. या संकटाला सामोरे जाण्यासाठी राष्ट्रीय आराखडा आमच्यासमोर सादर करा. त्यामध्ये ऑक्सिजनचा पुरवठा तसेच संसर्ग झालेल्या रुग्णांवरील उपचारासाठी आवश्‍यक औषधांचा पुरवठ्याबाबतचे देखील नियोजन असायला हवे असे निर्देश सर्वोच्च न्यायालयाने केंद्राला दिले आहेत. 

सध्या देशभर निर्माण झालेल्या गंभीर स्थितीची न्यायालयाने गुरुवारी (ता. २२) स्वतःहून दखल घेतली. सरन्यायाधीश शरद बोबडे यांच्या नेतृत्वाखालील खंडपीठासमोर याबाबत सुनावणी पार पडली. देशातील लसीकरण नेमके कशा पद्धतीने केले जात आहे, त्यावर देखील आम्ही विचार करू, असे न्यायालयाने म्हटले आहे.

या संकटाच्या काळामध्ये विविध उच्च न्यायालयांना लॉकडाउन जाहीर करण्यासाठी बहाल करण्यात आलेले न्यायीक अधिकार आणि त्याच्या पैलूंचा देखील आम्ही अभ्यास करू असे न्यायालयाने म्हटले आहे. सध्या देशभरातील किमान सहा न्यायालयासमोर कोरोनाशी संबंधित विविध समस्यांबाबत सुनावणी सुरू आहे. वेगवेगळ्या प्राधान्यक्रमांवर आधारित येथे सुनावणी होत असल्याने काहीसे संभ्रमाचे वातावरण निर्माण झाल्याचे सांगण्यात आले. 

या प्रकरणातील सुनावणीसाठी न्यायालयाने ज्येष्ठ विधिज्ञ हरीश साळवे यांची न्यायालयीन मित्र म्हणून नियुक्ती केली असून ते यामध्ये कायदेशीर आघाडीवर न्यायालयास मदत करतील. याप्रकरणी खंडपीठाने केंद्र सरकारला नोटीस बजावली असून आता याबाबत पुन्हा शुक्रवारी सुनावणी होईल. न्यायालय या नात्याने आम्ही काही बाबींची स्वतःहून दखल घेऊ असेही खंडपीठाने सॉलिसिटर जनरल तुषार मेहता यांना सांगितले. 

सध्या देशातील सहा उच्च न्यायालयांमध्ये कोरोनाशी संबंधित मुद्यांवर चर्चा होते आहे, यामध्ये दिल्ली, मुंबई, सिक्कीम, मध्यप्रदेश, कोलकता आणि अलाहाबाद उच्च न्यायालयांचा समावेश होतो. यामध्ये काही घटकांसाठी प्राधान्यक्रम निश्‍चित करताना न्यायालयाचा देखील गोंधळ होताना दिसतो.त्यामुळे काही निश्‍चित गोष्टींबाबत स्पष्टता असायला हवी, असे न्यायालयाने नमूद केले. न्यायालयाने यासाठी चार मुद्द्यांबाबत केंद्र सरकाराला राष्ट्रीय आराखडा सादर करण्यास सांगितले असून त्यासाठीच नोटीस बजावण्यात आली आहे. 

जनतेच्या न्यायालये आक्रमक 
कोरोना संसर्ग वाढ, वाढती मृत्यू संख्या आणि अपुऱ्या पडणाऱ्या आरोग्य सुविधा अशी गंभीर परिस्थिती असतानाही त्यात फारसा बदल होताना दिसत नाही. या अपुऱ्या पडणाऱ्या व्यवस्थेमुळे रुग्णांचे जीव जाण्याच्या गंभीर घटना घडत असतानाही आरोप-प्रत्यारोपांचे राजकारण सुरूच आहे. या सगळ्यांत हतबल झालेल्या जनतेच्या बाजूने न्यायालयाने आक्रमक भूमिका घेत केंद्र सरकारसह विविध राज्य सरकारांच्या कार्यपद्धतीवर आणि संवेदनाहीनतेवर ताशेरे ओढले आहेत. काही प्रकरणांमध्ये न्यायालयाने स्वत:हून पुढाकार घेत सुविधा निर्माण करण्याच्या सूचना देत सरकारचे कान टोचले आहेत. 

याबाबत आराखडा द्या 

  •   ऑक्सिजनचा पुरवठा 
  •   अत्यावश्‍यक औषधांचा पुरवठा 
  •   लसीकरणाची पद्धत 
  •   लॉकडाउनबाबतचे राज्ये, 
  •   उच्च न्यायालयांचे अधिकार 

इतर अॅग्रो विशेष
‘एक राज्य एक ब्रँड’ धोरण स्वीकारा;...औरंगाबाद : अनिष्ट ब्रँड वार रोखण्यासाठी एक राज्य...
बहुमजली, शाश्‍वत, नैसर्गिक शेती पद्धती...मध्य प्रदेशातील तिली (जि. सागर) येथील आकाश...
विदर्भात मुसळधारेची शक्यता पुणे : उत्तरेकडे मॉन्सून गेल्यानंतर राज्यातील...
दूधप्रश्‍नी शेतकरी आक्रमक; राज्यभरात...नगर ः दुधाला दर मिळावा यासाठी गुरुवारी (ता. १७)...
‘द्राक्ष क्लस्टर’मध्ये नाशिकचा समावेश नाशिक : केंद्र सरकारने देशभरात विविध ५३ पिकांचे...
सूक्ष्म अन्न उद्योग उन्नयन योजनेला गती...पुणे ः पंतप्रधान सूक्ष्म अन्न उद्योग उन्नयन योजना...
कोकणसह कोल्हापुरात पावसाने दाणादाण पुणे : कोकणातील सिंधुदुर्ग, रत्नागिरी, रायगड,...
पुनर्रचित हवामान आधारित फळपीक विम्याचे...सोलापूर ः राज्यातील फळबागांसाठी असलेल्या...
सिंधुदुर्ग पूरस्थितीच्या उंबरठ्यावरसिंधुदुर्गनगरी ः जिल्ह्यात सुरू असलेल्या मुसळधार...
राज्यात कांदा प्रतिक्विंटल ५०० ते २३००...अकोल्यात प्रतिक्विंटल ६०० ते १६०० रुपये अकोला ः...
खानदेशातील आवार प्रगतीवर स्वारआवार (ता.जि. जळगाव) हे कापूस, दादर ज्वारीसाठी...
राज्यात २१८ तालुक्यांमध्ये दमदार पाऊस;...पुणे ः जूनच्या पहिल्या पंधरवड्यात राज्यातील २१८...
राज्यात खरीप पेरणी तीन टक्केनगर ः राज्यात यंदा आतापर्यंत खरिपाची सरासरीच्या...
दूधप्रश्‍नी आज राज्यभर किसान सभेचे...नगर ः दुधाला दर मिळावा यासाठी गुरुवारी (ता. १७)...
विदर्भात पावसाचा जोर वाढणारपुणे : राज्यातील बहुतांशी भागात उन्हासह अंशतः...
अनेक वर्षांपासून जपली आले उत्पादकता अन्...आले पिकातील दरांत दरवर्षी चढउतार होते. मात्र...
भाजीपाला बीजोत्पादनातील ‘मास्टर’जिद्द, हिंमत, अभ्यास, ज्ञान घेण्याची वृत्ती व...
कोकण, विदर्भात जोरदार पावसाची शक्यता पुणे : कोकण ते अरबी समुद्राच्या दरम्यान कमी...
पूर्वविदर्भात जोरदार पाऊस पुणे : राज्यातील काही भागांत पावसाचा दणका सुरूच...
जालन्यातील ऊस संशोधन केंद्र उभारणीला...पुणे ः ऊस शेतीच्या विकासासाठी विदर्भ,...