कीडनाशकांबाबतच्या याचिकेची सर्वोच्च न्यायालयाकडून दखल

कीडनाशकांबाबतच्या याचिकेची सर्वोच्च न्यायालयाकडून दखल
कीडनाशकांबाबतच्या याचिकेची सर्वोच्च न्यायालयाकडून दखल

नवी दिल्ली ः मानवी आरोग्याला धोकादायक व भारतात वापरात असलेल्या सुमारे ८५ कीडनाशकांवर बंदी घालण्याच्या याचिकेची सर्वोच्च न्यायालयाने दखल घेतली आहे. न्यायाधीश अरुण मिश्रा व विनीत सरण यांच्या खंडपीठाने याबाबत केंद्र सरकार व संबंधित विभागांकडे याअनुषंगाने विचारणा केली आहे. त्याचबरोबर कीडनाशकांवर बंदी घालण्याबाबत राज्य सरकारचे अधिकार अधिक सक्षम करण्यात यावेत, अशी सूचनाही देण्यात आली आहे. पर्यावरण विषयाच्या अभ्यासक कविता कुरूगंटी यांनी न्यायालयात कीडनाशकांवर बंदी घालण्याच्या अनुषंगाने सर्वोच्च न्यायालयात याचिका दाखल केली आहे. याचिकाकत्यांतर्फे प्रशांत भूषण यांनी त्याबाबत आपले म्हणणे मांडले. अन्य देशांत बंदी असलेल्या रासायनिक कीडनाशकांचा वापर भारतात आजही होत आहे. हा वापर असाच होत राहिला, तर भारतीय शेतकऱ्याचे आणि मजुरांचे आरोग्य त्यामुळे धोक्यात येऊ शकते, असे म्हणणे भूषण यांनी याचिकाकत्यांतर्फे मांडले. या कीटकनाशकांचे दीर्घकाळानंतर प्रतिकूल परिणाम होऊ शकतातच. मात्र फवारणीदरम्यान त्वरित विषबाधा होण्याचा धोकाही मोठा आहे. ही अत्यंत गंभीर परिस्थिती आहे. त्यावर वेळीच नियंत्रण आणण्याची गरज असल्याचे भूषण यांनी म्हटले आहे.  कविता कुरूगंटी यांनी सादर केलेल्या याचिकेत त्यात त्यांनी म्हटले आहे, की सध्याच्या काळात पर्यावरणपूरक किंवा सेंद्रिय शेतीला यश मिळताना दिसू लागले आहे. त्यातून शेतीची उत्पादकता वाढण्यासोबत शेतकऱ्यांनाही फायदा होत असल्याचे सिद्ध होत आहे. असे असतानाही रासायनिक कीडनाशकांचा वापर देशात सुरू आहे ही विसगंती म्हणावयास हवी. सर्वांत महत्त्वाचे म्हणजे राज्य सरकार कीडनाशकांवर बंदी घालण्यास पुरेशी सक्षम आहेत. मात्र त्यांना तसे अधिकारच नाहीत ही बाब घटनेतील कलमाच्या विरुद्ध असल्याचे कुरूगंटी यांनी म्हटले आहे.   कीडनाशकांच्या फवारणीमुळे मृत्यू होण्याचे व इस्पितळात दाखल होण्याच्या घटनांत वाढ झाली आहे. यवतमाळ जिल्ह्यात असे ४० रुग्ण आज उपचार घेत आहेत. तर अकोला येथे बळींच्या संख्येसह उपचार घेत असलेल्यांची संख्या ४० पर्यंत आहे. हा आकडाच कीडनाशकांच्या विषारीपणाचा पुरावा असल्याचे याचिकाकर्त्या कुरूगंटी यांनी म्हटले आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com