माजी केंद्रीय मंत्री आणि भाजपच्या ज्येष्ठ नेत्या सुषमा स्वराज यांचे निधन

माजी केंद्रीय मंत्री आणि भाजपच्या ज्येष्ठ नेत्या सुषमा स्वराज यांचे निधन
माजी केंद्रीय मंत्री आणि भाजपच्या ज्येष्ठ नेत्या सुषमा स्वराज यांचे निधन

नवी दिल्ली : माजी केंद्रियमंत्री आणि भाजपच्या ज्येष्ठ नेत्या सुषमा स्वराज यांचे आज (मंगळवार) येथे निधन झाले. हृदयविकाराचा झटका आल्याने त्यांना एम्स रुग्णालयात दाखल करण्यात आले होते. मात्र, त्यांची प्राणज्योत मालवली. सुषमा स्वराज यांची तब्येत अचानक खालवल्याचे वृत्त समोर येत होते. त्यांच्या छातीत दुखण्याचा त्रास सुरु झाल्यामुळे त्यांना त्वरित एम्समध्ये नेण्यात आले होते. 

सुषमा स्वराज यांचा जन्म १४ फेब्रुवारी १९५२ झाला होता. सर्वोच्च न्यायालयाच्या माजी वकील असलेल्या स्वराज या भारतीय जनता पक्षाच्या ज्येष्ठ नेत्या होत्या. २०१४ ते २०१९ पर्यंत त्या भारताच्या परराष्ट्र व्यवहार मंत्री होत्या. स्वराज या संसदेचे सदस्य म्हणून सात वेळा आणि विधानसभेच्या सदस्य म्हणून तीन वेळा निवडून होत्या. दिल्लीच्या ५ व्या मुख्यमंत्री म्हणून त्यांनी काम केले. २००० - २००९ या काळात राज्यसभेच्या सदस्या होत्या. त्यांनी अटलबिहारी वाजपेयी सरकारमध्ये माहिती आणि प्रसारणमंत्री, दूरसंचारमंत्री, आरोग्यमंत्री आणि संसदीय कार्यमंत्रीही मंत्रिपदे सांभाळली. त्या डिसेंबर २००९ ते मे २०१४ दरम्यान लोकसभेत विरोधी पक्षनेत्या होत्या.

२०१४ च्या लोकसभा निवडणुकीत त्या दुसऱ्यांदा मध्य प्रदेशातील विदिशा मतदारसंघातून ४ लाखापेक्षा अधिक मतांच्या फरकाने जिंकून आल्या. २६ मे २०१४ रोजी केंद्रीय कॅबिनेटमध्ये ते परराष्ट्र व्यवहार मंत्री बनल्या होत्या. अमेरिकेतील प्रसिद्ध दैनिक वॉल स्ट्रीट जर्नल यांनी स्वराज यांना भारताच्या 'आवडत्या राजकारणी' म्हणून संबोधले होते. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com