agriculture news in Marathi suspension of Rahuri agriculture university registrar cancelled Maharashtra | Page 2 ||| Agrowon

महात्मा फुले कृषी विद्यापीठाचे कुलसचिव मोहन वाघ यांच्या निलंबनास स्थगिती 

टीम अॅग्रोवन
रविवार, 16 मे 2021

कामात अनियमिततेच्या कारणाने महात्मा फुले कृषी विद्यापीठाचे कुलगुरू डॉ. प्रकाशकुमार पाटील यांनी गेल्या आठवड्यात कुलसचिव मोहन वाघ यांना निलंबित केले होते. मात्र त्यांचे निलंबन रद्द केले आहे. 

नगर : कामात अनियमिततेच्या कारणाने महात्मा फुले कृषी विद्यापीठाचे कुलगुरू डॉ. प्रकाशकुमार पाटील यांनी गेल्या आठवड्यात कुलसचिव मोहन वाघ यांना निलंबित केले होते. मात्र त्यांचे निलंबन रद्द केले आहे. कृषी, पशुसंवर्धन, दुग्ध व्यवसाय विभागाचे अवर सचीव अ. नि. साखरकर यांनी याबाबत १२ मे रोजी आदेश काढले आहेत. याबाबत आता कृषी शिक्षण व संशोधन परिषदेचे महासंचालक याबाबत चौकशी करून आठ दिवसांत अहवाल सादर करणार असून त्यानंतर त्यावर निर्णय होणार आहे. 

महात्मा फुले कृषी विद्यापीठ सातत्याने कोणत्या ना कोणत्या कारणाने चर्चेत असते. विद्यापीठाचे कुलसचिव मोहन वाघ यांना मागील आठवड्यात कुलगुरू डॉ. प्रशांतकुमार पाटील यांनी कामात अनियमितता असल्याचे स्पष्ट करत निलंबित केले होते व वाघ यांचा पदभार डॉ. महानंद माने यांच्याकडे दिला होता. त्यामुळे विद्यापीठ वर्तुळात खळबळ उडाली होती. निलंबनानंतर कुलगुरूंना अधिकार नसताना निलंबन कारवाई केल्याचा आरोप शेतकरी मराठा महासंघाचे प्रदेशाध्यक्ष संभाजी दहातोंडे पाटील यांनी करत निलंबन माघे घेतले नाही तर न्यायालयात जाण्याचा इशारा दिला होता. वाघ यांनीही चुकीची कारवाई झाल्याचा आरोप करत कृषी सचिवांना याबाबत पत्र लिहले होते. वाघ यांचे निलंबन रद्द केल्याचे पत्र प्राप्त झाले आहे. बुधवारी (ता.१२) हा आदेश झाल्याचे दिसत आहे. 

काय म्हटले आहे पत्रात? 
महाराष्ट्र नागरी सेवा (शिस्त व अपील) नियम, १९७९ मधील नियम १४ मधील तरतुदींनुसार वाघ यांना निलंबित करण्याला कुलगुरू हे जरी सक्षम असले, तरी वाघ हे जिल्हा अधीक्षक कृषी अधिकारी गट-अ (वरिष्ठ) संवर्गातील अधिकारी आहेत. त्यामुळे त्यांचे नियुक्ती प्राधिकारी कृषिमंत्री हे आहेत. त्या अनुषंगाने वाघ यांनी महात्मा फुले कृषी विद्यापीठाचे कुलगुरू यांच्याकडे सादर केलेला खुलासा, महाराष्ट्र नागरी सेवा (शिस्त व अपील) नियम, १९७९ मधील तरतुदींनुसार चौकशीअंती निर्णय घेणे उचित होईल. त्यानुसार कृषी शिक्षण व संशोधन महासंचालक चौकशी करून आठ दिवसांत अहवाल सादर करतील व त्यानंतर निर्णय होणार असून, चौकशी होईपर्यंत महाराष्ट्र नागरी सेवा (शिस्त व अपील) नियम १९७९ च्या नियम ४ (५) (क) चा वापर करून कुलगुरू यांनी काढलेला निलंबनाचा आदेश रद्द करण्यात येत असल्याचे आदेशात नमूद केले आहे. 


इतर बातम्या
सोमवारपासून पावसाचा प्रभाव कमी होणार पुणे : दक्षिण कोकण व मध्य महाराष्ट्रात पावसाने...
कृषी परिषदेत संचालक नेमण्यासाठी मुहूर्त...पुणे ः राज्याच्या कृषी संशोधनाला चालना देण्यासाठी...
कोकणात जोरदार पाऊसपुणे : कोकणातील बहुतांशी भागांत पावसाने चांगलेच...
अमरावती विभागात कर्जवाटपात...यवतमाळ : पीककर्ज वाटपासाठी शासनाने बँकांना...
आदिवासींच्या जमिनींचा शोध घेण्यासाठी ‘...बुलडाणा : संग्रामपूर तालुक्यातील चिचारी येथील...
‘एफआरपी’चा अभ्यास सुरू पुणे ः राज्यातील ऊस उत्पादक शेतकऱ्यांना दिल्या...
‘क्रॉपसॅप’ प्रकल्पात १७ पिकांचा समावेश पुणे ः राज्यात यंदा पिकांवरील कीड-रोग सर्वेक्षण व...
यवतमाळमध्ये ६५ लाखांचे बोगस बीटी...यवतमाळ : जिल्ह्यात खरिपाची लगबग सुरू आहे. याचा...
काळ्याफिती लावून किसानपुत्रांचे आंदोलनआंबेजोगाई, जि. बीड : किसानपुत्र आंदोलनाच्या...
हमीभावाने एक हजार क्विंटल मका खरेदीऔरंगाबाद : आधारभूत किमतीने शेतीमाल खरेदी...
नांदेडमध्ये खरीप पेरणी सुरूनांदेड : जिल्ह्यात जून महिन्याच्या प्रारंभापासून...
‘पशुसंवर्धन’च्या योजनांसाठी केंद्राकडून...पुणे ः पशुसंवर्धनाबरोबरच दूध आणि प्रक्रिया उद्योग...
पीककर्ज व्याज सवलत योजनेस ३० जूनपर्यंत...अकोला : शेतकऱ्यांनी खरीप हंगामासाठी पेरणीच्या आधी...
पुणे जिल्ह्यातील आठवडी बाजार बंदचपुणे : ग्रामीण भागातील अर्थ व्यवस्थेचा कणा असलेले...
औरंगाबाद, जालना, बीड जिल्ह्यांत तीन...औरंगाबाद : यंदाच्या खरीप हंगामात १५ जून...
जळगाव जिल्ह्यातील कृषी केंद्रांची तपासणीजळगाव ः जिल्ह्यात कृषी केंद्रांमधील बियाणे साठा,...
नगरमध्ये साडेपाच हजार हेक्टरवर फळबाग... नगर : नगर जिल्ह्यात गेल्या वर्षाप्रमाणे यंदाही...
मराठवाड्यात पीककर्ज वाटप धीम्या गतीनेच औरंगाबाद : मराठवाड्यात यंदाच्या खरीप हंगामासाठी...
कोल्हापुरात पाऊस सुरूच; नद्यांच्या...कोल्हापूर : जिल्ह्याच्या बहुतांशी भागात पावसाच्या...
साखर कारखान्यांच्या कर्जांची चौकशी करानगर : शेतकऱ्यांना पीककर्ज द्यायचे झाल्यास अत्यंत...