agriculture news in Marathi swabhimani morcha cancel in Satara Maharashtra | Agrowon

‘स्वाभिमानी’चा मोर्चा स्थगित

टीम अॅग्रोवन
मंगळवार, 24 नोव्हेंबर 2020

स्वाभिमानी शेतकरी संघटनेचा कऱ्हाडला जाणारा आक्रोश मोर्चा सोमवारी (ता.२३) स्थगित करण्यात आला आहे. या आंदोलनासाठी साताऱ्यात आलेल्या राजू शेट्टींनाही रजतांद्री हॉटेलवरच पोलिसांनी रोखले आले.

सातारा : स्वाभिमानी शेतकरी संघटनेचा कऱ्हाडला जाणारा आक्रोश मोर्चा सोमवारी (ता.२३) स्थगित करण्यात आला आहे. या आंदोलनासाठी साताऱ्यात आलेल्या राजू शेट्टींनाही रजतांद्री हॉटेलवरच पोलिसांनी रोखले आले. सकाळपासून पोलिसांची शेतकरी संघटनेच्या कार्यकर्त्यांबरोबर चाललेली शिष्टाई, आणि प्रशासनाने दिलेल्या आश्‍वासनानंतर मार्चा स्थगित करण्याचा निर्णय घेण्यात आला.

 उसाला एकरकमी एफआरपी जाहीर करावी, हंगाम संपल्यानंतर शेतकऱ्यांना २०० रुपये द्यावेत, लॉकडाउन काळात आलेली वाढीव वीज बिले माफ करावीत, या मागण्यांसाठी स्वाभिमानी शेतकरी संघटनेच्या वतीने सोमवारी सातारा ते कऱ्हाड पायी आक्रोश मोर्चाचे आयोजन करण्यात आले होते. या मोर्चाची सुरुवात पोवईनाक्‍यावरील छत्रपती शिवाजी महाराज यांच्या पुतळ्यास अभिवादन करुन होणार होती. कार्यकर्ते आंदोलनावर ठाम होते. त्यांना राजू शेट्टींची प्रतिक्षा होती. परंतु, साताऱ्यात आल्यानंतर पोलिसांनी त्यांना पोवईनाका येथील हॉटेलमधील एका खोलीत नेले. त्याठिकाणी वरिष्ठ पोलिस अधिकारी आगोदरच उपस्थित होते. 

बंद खोलीत पोलिस अधिकारी आणि श्री. शेट्टी यांच्यात आंदोलनाच्या स्थगितीबाबत शिष्टाई सुरु होती. त्या वेळी जिल्हाधिकारी कार्यालयाच्या फौजदारी शाखेचा एक कर्मचारी नायब तहसीलदार ए. ए. भुसे यांच्या सहीचे पत्र घेऊन हॉटेलमध्ये दाखल झाला. त्याने सदर पत्र शेट्टी यांना दिले. सध्या शिक्षक व पदवीधर मतदारसंघाच्या निवडणूकीसाठी आचारसंहिता सुरु आहे. दिवाळीनंतर कोरोनाचा प्रार्दुभाव वाढत आहे. त्यामुळे मोर्चा रद्द करावा, अशी विनंती त्या पत्रात करण्यात आली होती. या पत्रावर पोलिस अधिकारी व शेट्टी यांच्यात सविस्तर चर्चा झाली.

प्रतिकात्मक मोर्चा
श्री. शेट्टी व पदाधिकाऱ्यांनी पोवईनाका येथील छत्रपती शिवाजी महाराज यांच्या पुतळ्यास अभिवादन केले. अभिवादनानंतर ठरल्याप्रमाणे जिल्हाधिकारी कार्यालयापर्यंत प्रतिकात्मक मोर्चा काढण्यात आला. या वेळी मागण्यांचे निवेदन जिल्हाधिकाऱ्यांना देण्यात आले. त्यानंतर राजू शेट्टी यांनी आक्रोश मोर्चा स्थगित केल्याची घोषणा केली.
 


इतर अॅग्रो विशेष
बीजमाता राहीबाई पोपेरे करणार लोकसभा...अकोले, जि. नगर : पारंपरिक बियाण्यांची जोपासना...
ऊसतोडणीचा प्रश्‍न गंभीर नाशिक : गेल्या काही वर्षांपासून जिल्ह्यातील निफाड...
सोयाबीन विक्रमी टप्पा गाठेल कमी उत्पादन, चांगली निर्यात आणि वाढलेला वापर हे...
कृषी पंढरीतील यात्रेची उत्सुकता शिगेला माळेगाव, बारामती ः येथील कृषी पंढरीत आजपासून (ता....
‘पोकरा’ अनुदानातून अनेक घटक वगळले पुणे : नानाजी देशमुख कृषी संजीवनी प्रकल्पातून (...
कृषी आयुक्‍त थेट बांधावर औरंगाबाद : कृषी विभागाच्या क्षेत्रीय भेट व आढावा...
ठिकठिकाणी ढगाळ वातावरण पुणे ः मागील दोन दिवसांपासून अरबी समुद्राच्या...
समविचारी शेतकऱ्यांचे राष्ट्रीय संघटन...नागपूर ः शेती प्रश्‍नांच्या सोडवणुकीसाठी...
दुष्काळी स्थितीतही द्राक्षाने दिले...सांगली जिल्ह्यातील वायफळे (ता. तासगाव) येथील...
बारामतीमध्ये उद्यापासून कृषी तंत्रज्ञान...माळेगाव, बारामती ः अॅग्रिकल्चरल डेव्हलमेंट ट्रस्ट...
कृषी अधिकारी पुन्हा सर्वोच्च न्यायालयात...पुणे ः सर्वोच्च न्यायालयाने निकाल दिल्यानंतर...
दर वाढूनही नुकसानीमुळे डाळिंब...सांगली ः देशातील मृग हंगामातील डाळिंब उत्पादन...
दुधाचा अभ्यास करा : केंद्र सरकारपुणे : गोवंशापासून मिळणाऱ्या दुधाचे फायदे आणि इतर...
दहा हजार क्विंटल ज्वारीचा झाला भुस्साअकोला  ः  जिल्ह्यात २०१५ ते २०१७...
राज्यात विविध घटनांमध्ये वर्षभरात १७८...नागपूर : राष्ट्रीय व्याघ्र संवर्धन प्राधिकरणाने...
‘सिल्क समग्र’ योजना सुरू ठेवण्यास...औरंगाबाद : तुती टसर रेशीम उद्योग विकासाठी...
ग्राम, शेती विकासाला ‘रोटरी’ची साथनाशिक शहरामध्ये ७५ वर्षांपासून रोटरी क्लब ऑफ...
फळबागेला प्रक्रिया उत्पादनांची जोडशेतीची आवड जोपासण्यासाठी कुटुंबाचे चांगले पाठबळ...
‘अपेडा’वरील नोंदणीत राज्याचा टक्का वाढलानागपूर ः निर्यातीला चालना मिळावी तसेच देशांतर्गत...
चिकन, अंडी खाण्यास पूर्णपणे सुरक्षित ः...पुणे ः पूर्णपणे उकडलेली अंडी आणि चिकन खाण्यासाठी...