स्वाभिमानी संघटनेचे बैलगाडीसह आंदोलन

स्वाभिमानी संघटनेचे बैलगाडीसह आंदोलन
स्वाभिमानी संघटनेचे बैलगाडीसह आंदोलन

सिल्लोड, जि. औरंगाबाद : मराठवाडा व विदर्भाला दुष्काळी घोषित करून सरसकट शेतकऱ्यांना हेक्‍टरी ५० हजार रुपये मदत देण्यात यावी, या प्रमुख मागण्यांसाठी स्वाभिमानी शेतकरी संघटनेच्या वतीने सिल्लोड तालुक्‍यातील पालोद येथे शनिवारी (ता. २०) चक्‍का जाम आंदोलन करण्यात आले.

स्वाभिमानी शेतकरी संघटनेचे जिल्हाध्यक्ष मारोती वराडे, तालुकाध्यक्ष सुनील सनान्से यांच्या नेतृत्वाखाली हे आंदोलन करण्यात आले. यामुळे एक किलोमीटर लांबपर्यंत वाहतूक कोंडी झाली होती. सिल्लोड तालुक्‍यातील काही गावांत तर मागच्या वर्षीचे सुरू असलेले पिण्याच्या पाण्याचे टॅंकर अद्याप सुरूच आहे. यंदा शेतकऱ्यांना १० टक्‍केसुद्धा उत्पन्न होऊ शकले नाही. त्यामुळे शेतकरी आर्थिक विवंचनेत सापडला आहे. शेतकऱ्यांना या संकटातून बाहेर काढण्यासाठी शासनाने तात्काळ दुष्काळ जाहीर करून हेक्‍टरी शेतकऱ्यांना ५० हजार रुपये मदत देण्यात यावी, या प्रमुख मागणीसाठी स्वाभिमानी शेतकरी संघटनेचे खा. राजू शेट्टी यांनी २० ऑक्‍टोबर रोजी मराठवाडा विदर्भात चक्का जाम आंदोलन घोषित केले होते.

शासनाने लवकर तोडगा काढला नाही तर आंदोलन अधिक तीव्र करण्याचा इशारा मारोती वराडे यांनी या वेळी दिला. या आंदोलनात स्वाभिमानीचे तालुका संघटक युवराज वराडे, सुनील सनान्से, बालाजी शिंदे, भगवान खंबाट, गजानन पालोडकर, संजय गव्हाणे, विनोद काटकर, गणेश शिंदे, सोमिनाथ कळम, सुनील साबळे, गजानन मुरकुटे, दिलीप मुरकुटे, लक्ष्मण मुरकुटे, अजबराव दौड, जावेद शेख, रमेश हिंगरे, आजीनाथ सपकाळ, पंडित सोन्ने, अशोक पिसाळ, सह असंख्य शेतकरी व कार्यकर्ते सहभागी झाले होते.

वैजापुरातही आंदोलन वैजापूर तालुक्‍यात स्वाभिमानी शेतकरी संघटनेच्या वतीने वैजापूर-गंगापूर चौफुलीवर शनिवारी (ता. २०) रास्ता रोको केला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com