agriculture news in marathi, swabhimani shetkari sanghtna did agitation for to cancel rcep contract, mumbai, maharashtra | Agrowon

‘आरसीईपी’ करार रद्द करण्याच्या मागणीसाठी `स्वाभिमानी`चे आंदोलन

टीम अॅग्रोवन
मंगळवार, 5 नोव्हेंबर 2019

केंद्र सरकारने हा करार रद्द केला नाही, तर आजपासून संपूर्ण देशात अखिल भारतीय संघर्ष समन्वय समितीच्यावतीने २०० हून अधिक संघटना एकत्र येऊन आंदोलन सुरू करणार आहेत.
- राजू शेट्टी

मुंबई ः प्रादेशिक व्यापक आर्थिक भागीदारी (आरसीईपी) योजनेत वस्त्रोद्योग, शेती व दुग्ध व्यवसायाचा समावेश झाल्याने देशातील वस्त्रोउद्योग, शेतकरी आणि दुग्ध उत्पादक कोलमडणार असून हा करार रद्द करावा, या मागणीसाठी स्वाभिमानी शेतकरी संघटनेचे माजी खासदार राजू शेट्टी, आमदार देवेंद्र भुयार, माजी प्रदेशाध्यक्ष रविकांत तुपकर यांच्या नेतृत्वाखाली सोमवारी (ता. ४) मंत्रालयासमोर दूध, दही, दुग्धजन्य पदार्थ, डाळी, सोयाबीनसह विविध शेतीमाल फेकून मोदी सरकारचा निषेध करण्यात आला.

पंतप्रधान नरेंद्र मोदी बँकाॅकमध्ये ‘आरसीईपी’ करारावर स्वाक्षरी करणार आहेत. ‘आरसीईपी’मधून आंतरराष्ट्रीय स्तरावर विविध देशांशी करार करून आयात- निर्यातीचे धोरण ठरविण्यात येणार आहे. यामध्ये आंतरराष्ट्रीय स्तरावर १६ देशांतून शून्य टक्के आयातशुल्क आकारून अनेक वस्तू भारतात येणार आहेत. यामध्ये भारत सरकार दुग्ध व्यवसायासंदर्भात न्यूझीलंड व ॲास्ट्रेलिया या देशांशी उपपदार्थाबाबत करार करणार आहे. वस्त्रोद्योगाबाबत चीन व बांगलादेश, आॅटोमोबाईल क्षेत्राबाबत जपानशी करार केला जात आहे.

सध्या जागतिक स्तरावर भारत हा दुग्ध व त्याच्या उपपदार्थ उत्पादनात आघाडीवर आहे. जर न्यूझीलंड व ॲास्ट्रेलियामधून उपपदार्थ आयात होऊ लागले, तर देशातील दुग्धव्यवसाय कोलमडून जाईल. देशामध्ये जवळपास १० कोटी दुग्ध उत्पादक शेतकरी संकटात येऊन बेरोजगारी वाढेल. त्याबरोबर वस्त्रोद्योग क्षेत्रात नोटाबंदी व जीएसटी निर्णयामुळे मंदी निर्माण झाल्याने मोठ्या प्रमाणात बेरोजगारी वाढत आहे. अशावेळी हा करार झाला तर संपूर्ण देशातील शेती, वस्त्रोद्योग, डेअरी व आॅटोमोबाईल क्षेत्र अडचणीत येऊन बेरोजगारीची कुऱ्हाड कोसळणार आहे. देशामध्ये शेतीनंतर वस्त्रोद्योग व डेअरी हे दोन व्यवसाय सर्वाधिक रोजगार देणारे असून, या करारामुळे या क्षेत्रात मंदी येऊन देशासमोर मोठे संकट निर्माण होणार आहे. 
 


इतर ताज्या घडामोडी
‘लॉकडाउन’मध्ये कमाल... शेतकऱ्याच्या...गोंडपिपरी, जि. चंद्रपूर : लॉकडाउन न सारच थांबल......
मदतीच्या झऱ्याने ओलावले शिवार; अतिरिक्त...कोल्हापूर: दररोज निघणारा व बाजारपेठेत उठाव...
कृषीशास्त्रज्ञांचा व्हिडीओ...परभणी ः वसंतराव नाईक मराठवाडा कृषी विद्यापीठातील...
वरूडमध्ये ‘कोरोना’मुळे बागांतील...जालना : जवळपास दीडशे एकरवर विस्तारलेल्या...
वर्धा जिल्ह्यात दूध, भाजीपाल्यावर आयात...वर्धा ः विदर्भातील बहुतांश जिल्ह्यात ‘कोरोना’...
राज्यात कापूस खरेदी सुरू करण्याची मागणी वर्धा ः शेतकऱ्यांचा कापूस खरेदी करण्याबाबत सीसीआय...
हरभरा, तूर विक्रीसाठी गावातच नोंदणीची...अर्धापूर, जि. नांदेड : ‘‘‘कोरोना’च्या...
सिंधुदुर्ग जिल्ह्यातील ८५ व्यक्ती ‘होम...सिंधुदुर्ग : ‘‘‘होम क्वारंटाईन’ केलेल्या ८५...
घरातील कापूस खरेदी करा, महिला...परभणी : उन्हाळा सुरु झाला आहे. तापमानात वाढ...
सोलापुरात १२७ रुग्णांचे अहवाल निगेटिव्ह सोलापूर : ‘कोरोना’चे संशयित असलेल्या जिल्ह्यातील...
‘उजनी’तून सोडले सोलापूरसाठी पाणी सोलापूर : सोलापूर शहरातील लोकांना पिण्याच्या...
बीड जिल्ह्यातील तूर, हरभऱ्याची केवळ...बीड : ‘‘जिल्ह्यात हमी दराने तूर व हरभरा खरेदीसाठी...
सांगली जिल्ह्यात डाळिंबांच्या विम्याचे...सांगली : जिल्ह्यातील आटपाडी, जत, कवठेमहांकाळ,...
सांगली जिल्हा बॅंकेला ९१ कोटींवर नफा :...सांगली : ‘‘दुष्काळ, कर्ज वसुलीतील अडथळे, महापूर,...
सप्तश्रृंगगडावर परंपरेनुसार किर्तीध्वज...वणी, जि. नाशिक : सप्तशृंगगडावर दरवर्षी...
देवळा तालुक्यात हवामान बदलाचा कांद्याला...नाशिक : हवामान बदलामुळे ढगाळ राहिलेले वातावरण,...
नाशिक जिल्ह्यात उद्यापासून मोफत तांदूळ...नाशिक : ‘कोरोना’ संसर्गाच्या पार्श्वभूमीवर...
बुलडाणा जिल्ह्यात ‘कोरोना’ची वाढती...बुलडाणा ः जिल्ह्यात ‘कोरोना’बाधितांची संख्या नऊवर...
अकोला जिल्ह्यात नाफेडची खरेदी केंद्र...अकोला ः जिल्ह्यातील केंद्रावर नाफेडमार्फत हमी...
अकोला जिल्ह्यात अडचणीत शेतकरी शोधतायेत...अकोला ः अकोल्यात ‘कोरोना’बाधित रुग्णांची संख्या...