स्वाभिमानीचे ठिय्या आंदोलन स्थगित; साखर आयुक्तांनी दिले पत्र

स्वाभिमानीचे ठिय्या आंदोलन स्थगित; साखर आयुक्तांनी दिले पत्र
स्वाभिमानीचे ठिय्या आंदोलन स्थगित; साखर आयुक्तांनी दिले पत्र

पुणे : स्वाभिमानी शेतकरी संघटनेने येथील साखर संकुल परिसरात सुरु केलेले ठिया आंदोलन रात्री १०.३० वाजता झालेल्या घडामोडीनंतर आणि थकबाकीदार साखर कारखान्यांवरील लेखी पत्रानंतर स्थगित करण्यात आले. साखर आयुक्त शेखर गायकवाड थेट आंदोलकांत येऊन त्यांनी खा. राजू शेट्टी यांची भेट घेतली. यांनतर शेट्टी यांच्या ताब्यात एफआरपी थकविणाऱ्या कारखान्यांवर कारवाईचे पत्र दिले. यानंतर आंदोलन स्थगित करण्यात आल्याची घोषणा खा. शेट्टी यांनी केली.  राज्यातील ऊस उत्पादक शेतकऱ्यांची थकविलेली साडेपाच हजार कोटी रुपयांची एफआरपी मिळण्यासाठी स्वाभिमानी शेतकरी संघटनेचे प्रमुख खासदार राजू शेट्टी यांनी हजारो शेतकऱ्यांसह साखर आयुक्तालयावर मोर्चा नेला. एफआरपी मिळेपर्यंत आयुक्तालयासमोरून हलणार नाही, असा निर्धार करीत स्वाभिमानीने ठिय्या आंदोलन सुरू केल्यामुळे सरकारी यंत्रणेची त्रेधातिरपीट उडाली होती. आता आंदोलन स्थगित झाल्यांनंतर सर्वांनी निश्वास सोडला आहे.  आंदोलन स्थगित करण्याचा निर्णय जाहिर करतानाचा video पुण्यात अलका टॉकिजपासून दुपारी दोन वाजता खासदार शेट्टी यांनी मोर्चाला सुरवात केली. राज्याच्या कानाकोपऱ्यातून हजारो शेतकरी सहभागी झाले होते. शेतकरी स्वतःला आसूड मारून थकीत एफआरपीबाबत निषेध व्यक्त करीत होते. मोर्चामुळे प्रमुख चौकांमधील वाहतूक कोलमडून पडली होती. ''थकीत एफआरपी मिळालीच पाहिजे'', ''युती सरकारचा धिक्कार असो'', ''देश का नेता कैसा हो- राजू शेट्टी जैसा हो'', अशा घोषणा मोर्चेकरी देत होते. खासदार शेट्टी यांच्यासह योगेंद्र यादव यांच्यासह रविकांत तुपकर, प्रकाश पोकळे, योगेश पांडे, हंसराज वडघुले, राजेंद्र ढवाण, पूजा मोरे, प्रकाश बालवडकर, अनिल पवार व राज्यभरातील स्वाभिमानीचे नेते तीन किलोमीटर पायी चालत या मोर्चात सहभागी झाले होते.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com