बीड : वीजबिल वसुलीच्या विरोधात शहरातील शिवाजी चौकात व जालना जिल्ह्यातील सुखापूरी फाट्यावर स्वामाभिनी शेतकरी संघटनेतर्फे शुक्रवारी (ता.१९) रास्ता रोको करण्यात आला. या आंदोलनानंतर वीज वितरण कंपनीच्या अधिकाऱ्यांना मागण्यांचे निवेदनही देण्यात आले.
जालना जिल्ह्यात महावितरणकडून वीजबिल वसुलीसाठी शेतकऱ्यांच्या कृषी पंपाचे वीज कनेक्शन सक्तीने तोडण्यात येत आहे. याचा निषेध करण्यासाठी ‘स्वाभिमानी’तर्फे जालना वडीगोद्री महामार्गावर सुखापुरी फाटा येथे सुमारे अर्धातास रास्ता रोको करण्यात आले. या ठिकाणी दुतर्फा वाहनांच्या रांगाच रांगाच लागल्या होत्या. महसुलचे मंडळ अधिकारी शिवाजी गाडेकर व पोलिस उपनिरीक्षक सुग्रीव चाटे यांना निवेदन देण्यात आले. जिल्हाध्यक्ष सुरेश काळे यांच्या नेतृत्वाखाली हे आंदोलन झाले.
महावितरणकडून थकीत वीजबिल वसुलीसाठी शेतकऱ्यांच्या कृषिपंपांचे वीजजोड सक्तीने तोडण्यात येत आहे.
वीजबिलात घोटाळा
वीज वितरण कंपनीने शेतकऱ्यांची सक्‍तीची वीज बील वसुली थांबवावी, लॉकडाउनच्या काळातील संपूर्ण वीज बिल माफ करावे, खंडित केलेला वीज पुरवठा तत्काळ पूर्ववत करावा, ९० टक्‍के वीज बिलात रीडिंग घोटाळा आहे. तो दुरुस्त करावा, अशी मागणीही संघटनेतर्फे करण्यात आली. या प्रकरणी योग्य निर्णय न घेतल्यास तीव्र आंदोलन छेडण्याचा इशाराही संघटनेने दिला आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.