Agriculture news in Marathi, Swabhimani's Vidarbha president shot inquiry start | Agrowon

स्वाभिमानीच्या विदर्भ अध्यक्षांवरील गोळीबाराची चौकशी सुरू

टीम अॅग्रोवन
बुधवार, 23 ऑक्टोबर 2019

अमरावती ः स्वाभिमानी शेतकरी संघटनेचे विदर्भ अध्यक्ष व वरुड-मोर्शी मतदारसंघाचे आघाडी पुरस्कृत उमेदवार देवेंद्र भुयार यांच्यावरील हल्ला प्रकरणात मंगळवार (ता. २२) पर्यंत कोणालाही अटक करण्यात पोलिसांना यश आले नव्हते. दरम्यान भुयार यांच्या गाडीवर गोळीबार झाला किंवा नाही याची खातरजामा करण्यासाठी घटनास्थळावरून काही नमुने घेत ते फॉरेन्सिक लॅबला पाठविले, असे पोलिस निरीक्षक एस. एम. गेडाम यांनी सांगितले.

अमरावती ः स्वाभिमानी शेतकरी संघटनेचे विदर्भ अध्यक्ष व वरुड-मोर्शी मतदारसंघाचे आघाडी पुरस्कृत उमेदवार देवेंद्र भुयार यांच्यावरील हल्ला प्रकरणात मंगळवार (ता. २२) पर्यंत कोणालाही अटक करण्यात पोलिसांना यश आले नव्हते. दरम्यान भुयार यांच्या गाडीवर गोळीबार झाला किंवा नाही याची खातरजामा करण्यासाठी घटनास्थळावरून काही नमुने घेत ते फॉरेन्सिक लॅबला पाठविले, असे पोलिस निरीक्षक एस. एम. गेडाम यांनी सांगितले.

वरुड-मोर्शी मतदारसंघात देवेंद्र भुयार आणि भाजपचे उमेदवार, तसेच कृषिमंत्री डॉ. अनिल बोंडे यांच्यात थेट लढत आहे. देवेंद्र भुयार यांनी शेतकरी पूत्र असल्यामुळे शेतकऱ्यांचे प्रश्‍न सोडविण्यासाठी आमदारकीची संधी देण्याचे भावनिक आवाहन मतदारांना केले होते. दुसरीकडे सिंचन सुविधात वाढ, संत्रा प्रक्रिया उद्योग या भागात आणण्यासाठी निवडून देण्याची साद कृषिमंत्री डॉ. बोंडे यांनी घातली होती. दोघांच्या प्रचाराचा ज्वर वाढल्याने या मतदारसंघातील वातावरणही चांगलेच तापले होते. दरम्यान ऐन मतदानाच्या दिवशी (ता. २१) पहाटे साडेपाच वाजता मलकापूरकडे जात असलेल्या देवेंद्र भुयार यांच्या कारवर तीन गोळ्या झाडण्यात आल्याचा आरोप आहे.

हा हल्ला कसाबसा चुकवीत देवेंद्र भुयार यांच्यासह गाडीतील तिघांनी हल्लेखोरांच्या तावडीतून पळ काढला. त्यानंतर हल्लेखोरांनी गाडीला आग लावल्याचा आरोप आहे. या प्रकरणी शेंदूरजना घाट पोलिसांत अज्ञात सहा जणांविरोधात गुन्हा दाखल करण्यात आला. आकाश नागपुरे यांनी तक्रार दिली होती. 

दरम्यान या संदर्भाने देवेंद्र भुयार यांच्याशी संपर्क साधण्याचा सातत्याने प्रयत्न केला असता, त्यांच्याकडून प्रतिसाद मिळाला नाही. कृषिमंत्री डॉ. अनिल बोंडे यांनी मात्र पराभव दिसत असल्याने हे कुंभाड स्वतःच आघाडीच्या उमेदवाराने रचल्याचे सांगितले. 

या प्रकरणी अज्ञात सहा जणांविरोधात गुन्हा दाखल करण्यात आला आहे. गोळीबाराच्या संदर्भाने सत्यता पडताळण्याकरिता घटनास्थळावरील साहित्याचे नमुने घेत फॉरेन्सिक लॅबला पाठविण्यात आले आहेत. प्रयोगशाळेच्या अहवालाअंती पुढील कारवाई केली जाणार आहे. 
- एस. एम. गेडाम, 
पोलिस निरीक्षक, शेंदूरजनाघाट, ता. वरुड, जि. अमरावती


इतर ताज्या घडामोडी
खानदेशात तिसऱ्या दिवशीही रिमझिम सुरूचजळगाव : खानदेशात मागील तीन दिवस सतत रिमझिम सुरू...
सोलापूर जिल्ह्यात भिज पाऊस, जोर नाहीचसोलापूर  ः गेल्या अनेक दिवसांपासूनच्या...
नांदेडमध्ये हळद ४९०० ते ५७०० रूपये...नांदेड : नांदेड कृषी उत्पन्न बाजार समितीमध्ये...
पुणे जिल्ह्याच्या धरणक्षेत्रात पावसाची...पुणे ः पुणे जिल्ह्यातील बहुतांशी भागात पावसाचा...
वऱ्हाडात पावसाची संततधार सुरूअकोला ः मागील दोन दिवसांपासून वऱ्हाडात पाऊस...
नागपूर जिल्ह्यात मोठा आणि तान्हा पोळा...नागपूर : कोरोनाच्या वाढत्या संसर्गामुळे...
औरंगाबाद जिल्ह्यात शेतकऱ्यांना ८५००...औरंगाबाद :  जिल्ह्यातील ९६३ शेतकऱ्यांकडून...
मराठवाड्यात सुमारे ४७ लाख हेक्टरवर खरीपऔरंगाबाद : मराठवाड्यातील खरिपाचे सर्वसाधारण...
खानदेशात तीन दिवसांपासून भिज पाऊसजळगाव  ः खानदेशात मागील तीन दिवसांपासून भिज...
अमळनेरमध्ये रासायनिक खतांचा वापर वाढलावावडे, जि. जळगाव  : अमळनेर तालुक्यात जवळपास...
खडकवासलातून ११ हजार ७३५ क्युसेक विसर्गपुणे : खडकवासला धरणातून बुधवार (ता. १२) पासून...
सातपुड्यात मूगाच्या नुकसानीची शक्यताजळगाव  ः खानदेशात सातपुडा पर्वत भागात पाऊस...
गडचिरोलीत युरियाची कृत्रिम टंचाईगडचिरोली : जिल्ह्यात दोन महिन्यानंतर बरसलेल्या...
परभणीत बँकांचे उंबरठे झिजवून...परभणी : यंदा खरीप हंगामात जिल्ह्यातील बॅंका...
मुंगळा परिसरात रानडुकरांचा धुडगूसमुंगळा जि. वाशीम ः चांगल्या पावसामुळे यंदा या...
‘रासाका’ सुरू करा, अन्यथा उपोषण’नाशिक : यंदाचा ऊस गाळप हंगाम ऑक्टोबर महिन्यापासून...
एफआरपी थकविणाऱ्या कारखान्यांवर कारवाई...नांदेड ः प्रादेशिक साखर सहसंचालक कार्यालया...
वणी उपविभागातील शेतकऱ्यांना विमा...यवतमाळ : पीक विमा काढल्यानंतरही ही गेल्या तीन...
वाढीव वीज बिले कमी न केल्यास आंदोलन...सोलापूर  ः लॉकडाऊनच्या काळात जिल्ह्यातील...
बुलडाणा जिल्ह्यात शेततळ्यांचे अनुदान...बुलडाणा ः या वर्षात शेततळे खोदलेल्या शेतकऱ्यांना...