‘‘ताकारी’चे आवर्तन सोनीपर्यंत सोडणार’

सांगली : ‘‘कडेगाव, खानापूर व तासगाव तालुक्याला वरदान ठरणाऱ्या ताकारी उपसा जलसिंचन योजनेचे आर्वतन मुख्य कालव्याच्या १०२ किलोमिटरवर विसापूरपर्यंत पोहचले आहे. हे पाणी कालव्याच्या शेवटी सोनी (ता. मिरज) मधील १४४ किलोमिटरपर्यंत सोडण्यात येईल.
 'Takari' rotation will release to Sony
'Takari' rotation will release to Sony

सांगली : ‘‘कडेगाव, खानापूर व तासगाव तालुक्याला वरदान ठरणाऱ्या ताकारी उपसा जलसिंचन योजनेचे आर्वतन मुख्य कालव्याच्या १०२ किलोमिटरवर विसापूरपर्यंत पोहचले आहे. हे पाणी कालव्याच्या शेवटी सोनी (ता. मिरज) मधील १४४ किलोमिटरपर्यंत सोडण्यात येईल,’’ अशी माहिती कार्यकारी अभियंता प्रकाश पाटील यांनी दिली. 

यंदा उन्हाळ्याची तीव्रता वाढल्यानंतर ७ मार्चपासून दुसरे आवर्तन सुरू करण्यात आले. सुरूवातीला कडेगाव तालुक्यातील कुंभारगाव ते वांगीपर्यंतच्या २२ कि.मी. कालव्यावरील वितरिकांतून शेतीला पाणी देण्यात आले. त्यानंतर १९ मार्चपासून पुढील प्रत्येकी २०-२५ कि. मी.च्या टप्प्यात पाणी सोडले. हे पाणी १५ दिवसांनी २२ एप्रिलला भाळवणी (ता. खानापूर) परिसरात पोहचले होते. आता २३ दिवसांनी तासगाव तालुक्यातील विसापूर येथे पाणी पोहोचले. 

आवर्तन १५ दिवस सुरूच राहणार 

‘ताकारी’मुळे लाभक्षेत्रातील कडेगाव, खानापूर आणि तासगांव तालुक्यातील शेतीला तसेच गावांना पिण्याचे पाणी उपलब्ध होते. गळतीचे काही पाणी पोहचल्याने येरळा नदी वाहू लागली आहे. सध्या योजनेचे टप्पा १ आणि टप्पा २ वरील प्रत्येकी ११ पंप सुरू आहेत. मुख्य कालवा तुडूंब भरून वाहत आहे. मात्र, कडक उन्हामुळे जमिनीत पाणी मुरण्याचे प्रमाण अधिक आहे. त्यामुळे पाणी संथगतीने पुढे सरकत आहे. शिवाय टप्पा ३ व ४ वरील पंप सुरू करून पाणी सोनहिरा खोऱ्या‍तील सर्व गावांना देण्यात आले आहे. मुख्य कालव्यातून हे पाणी १४४ कि.मी. वर मिरज तालुक्यातील सोनीपर्यंत दिले जाईल. त्यामुळे हे आर्वतन अजून किमान १५ दिवस सुरुच राहण्याची शक्यता आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com