सांगली : ताकारी उपसा सिंचन योजनेच्या लाभ क्षेत्रासाठी ७८ पाणीवाटप संस्था सुरू करण्याचे नियोजन आहे. त्यापैकी ५८ पाणीवाटप संस्था स्थापन झाल्या आहेत. त्यापैकी २८ पाणीवाटप संस्थेच्या निवडणूक प्रक्रिया पूर्ण झाल्या आहेत. उर्वरित पाणीवाटप संस्थांची प्रक्रिया येता महिन्याभरात पूर्ण होऊन संस्थेच्या माध्यमातून लाभ क्षेत्रातील शेतकऱ्यांना पाणी देण्यात येईल, अशी माहिती ताकारी उपसा सिंचन योजनेच्या सूत्रांनी दिली.
ताकारी उपसा सिंचन योजनेच्या लाभ क्षेत्रात कडेगाव, पलूस, तासगाव, खानापूर आणि वाळवा तालुके आहेत. या प्रकल्पचे क्षेत्र सुमारे २७ हजार ४३० हेक्टर आहे. लाभ क्षेत्रातील शेतीला पाणी देण्यासाठी गेल्या दोन वर्षांपूर्वी पाणीवाटप संस्था स्थापन करण्याचा निर्णय घेतला. त्यानुसार या प्रकल्पात ७२ संस्था स्थापन होतील. त्यापैकी ५८ संस्थांना मंजुरी मिळाली आहे. सध्या २८ संस्थांची निवडणूक प्रक्रिया काही पूर्ण झाली आहे. ३० संस्थांची प्रक्रिया काही दिवसांत पूर्ण केली जाईल. उर्वरित १४ संस्थांची मंजुरी लवकर घेतली जाणार आहे.
ज्या संस्था पूर्ण झाल्या आहेत. त्या संस्थेमार्फत लाभ क्षेत्रातील शेतीला पाणी देण्याचे नियोजन सुरू केले आहे. मुख्य कालव्यातून पाणी देण्याचे काम केवळ पाटबंधारे विभागाकडे राहतील. संस्था सुरू झाल्यानंतर पाणीवाटपाचे काम त्या संस्थांकडे हस्तांतरित केले जाणार आहे. त्यानुसार संस्था पाण्याचे नियोजन करुन शेतकऱ्यांना पाणी देतील. पाण्याचे नियोजन, पाणीपट्टी वसूलीचे काम या संस्थांना करावे लागेल.
दुरुस्तीच्या कामांबाबत होणार चर्चा
पोटकालव्यांची दुरुस्ती, गेटची दुरुस्ती यांसह कोणत्या लाभ क्षेत्रात पाणी पोचत नाही. या साऱ्या गोष्टी प्रकल्प आणि संस्था यांच्यात बैठक घेऊन कोणत्या कामांना प्राधान्य द्यायचे, याची चर्चा केली जाईल. त्यानुसार कामे पूर्ण केली जाणार आहेत. कोणत्या पिकाला किती पाणी द्यायचे. हे त्या संस्थेवर अवलंबून आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.