Agriculture news in marathi Take action on FRP exhausting factories, demand self-respect | Agrowon

एफआरपी थकविणाऱ्या कारखान्यांवर कारवाई करा, स्वाभिमानीची मागणी

टीम अॅग्रोवन
शुक्रवार, 14 ऑगस्ट 2020

भाऊराव चव्हाण सहकारी साखर कारखान्याच्या आजी माजी संचालकांची संपत्ती जप्त करुन शेतकऱ्यांची थकीत देणी द्यावीत.एफआरपीची थकित रक्कम विलंबित व्याजासह शेतकऱ्यांना अदा करावी.

नांदेड ः प्रादेशिक साखर सहसंचालक कार्यालया अंतर्गंत नांदेड विभागातील सन २०१९-२० च्या हंगामातील शेतकऱ्यांची उसाची एफआरपी थकविणाऱ्या साखर कारखान्यांवर आरआरसीची कारवाई करावी.भाऊराव चव्हाण सहकारी साखर कारखान्याच्या आजी माजी संचालकांची संपत्ती जप्त करुन शेतकऱ्यांची थकीत देणी द्यावीत.एफआरपीची थकित रक्कम विलंबित व्याजासह शेतकऱ्यांना अदा करावी अशी मागणी स्वाभिमानी शेतकरी संघटनेतर्फे जिल्हाधिकारी डॉ. विपिन ईटनकर यांच्याकडे करण्यात आली आहे.

‘‘सन २०१९-२० च्या ऊस गाळप हंगामामध्ये नांदेड विभागातील नांदेड, परभणी, हिंगोली, लातूर या जिल्ह्यांतील सर्वच सहकारी तसेच खासगी कारखान्यांनी गाळप हंगाम संपल्यानंतर पाच ते सहा महिन्याचा कालावधी उलटूनही ऊस देयकाची एफआरपी नुसार संपूर्ण रक्कम अजून शेतकऱ्यांच्या खात्यात जमा केलेली नाही. ऊस दर नियंत्रण आदेशानुसार ऊस गाळपा नंतर १४ दिवसाच्या आत देयकाची रक्कम शेतकऱ्यांना बंधनकारक असताना विभागातील बहुतांश साखर कारखान्यांनी या नियमाचा भंग केला आहे. त्यामुळे शेतकऱ्यांच्या एफआरपीची रक्कम थकविणाऱ्या विभागातील सर्वच साखर कारखान्यावर आरआरसीची कार्यवाही करावी,’’ असे संघटनेने म्हटले आहे.  

‘‘ऊस उत्पादक शेतकऱ्यांना विलंबित व्याजासहित रक्कम देण्यात यावी. भाऊराव चव्हाण युनिट क्रमांक १आणि २ वर आणखी किती रकमेची कर्जे आहेत याबाबतचा खुलासा कारखाना प्रशासनाने ऊस उत्पादक शेतकऱ्यांना करणे आवश्यक आहे.संचालक मंडळाच्या चुकीच्या नियोजनामुळे तसेच कारखाना सोडून इतर अनावश्यक बाबी आर्थिक अडचणीत येण्यास कारणीभूत आहेत.त्यांची सखोल चौकशी करण्यात यावी,’’ अशी मागणीही करण्यात आली. 

कर्जाची परतफेड तसेच शेतकऱ्यांची थकीत देणी अदा करण्यासाठी ऊस उत्पादक शेतकऱ्यांच्या मालकीची कारखान्याची कुठलीही मालमत्ता विकू नये. आर्थिक डबघाईच्या परिस्थितीला सर्व आजी माजी संचालकांना जबाबदार धरुन त्यांची सर्व संपत्ती शासनाने ताब्यात घेऊन तिचा लिलाव करुन ऊस उत्पादक शेतकऱ्यांची थकीत देणी द्यावीत, अशी स्वाभिमानी शेतकरी संघटनेचे जिल्हाध्यक्ष हनुमंत पाटील राजेगोरे, स्वाभिमानी पक्षाचे जिल्हाध्यक्ष किशनराव कदम, जिल्हाउपाध्यक्ष शिवाजीराव वानखेडे, स्वाभिमानी शेतकरी संघटना तालुकाध्यक्ष मारोतराव भांगे, युवा आघाडीचे बालाजी कल्याणकर, धनराज कोळेर, नरहरी पोपळे यांनी केली आहे.


इतर ताज्या घडामोडी
बार्शी बाजार समितीत उडीद, मूग हमीभाव...सोलापूर : बार्शी कृषी उत्पन्न बाजार समितीमध्ये...
नाशिक जिल्ह्यात अतिवृष्टीमुळे दाणादाणनाशिक : पावसाळा सुरू झाल्यानंतर अनेक ठिकाणी...
पीक कर्जासाठी बँकेत मुक्कामाची वेळ येऊ...बुलडाणा ः खरीप हंगामातील पिकांच्या काढणीची वेळ...
पाथरूड परिसरातील प्रकल्प तुडुंबपाथरूड, जि. उस्मानाबाद : पाथरूडसह परिसरात...
सिंधुदुर्ग जिल्ह्यातील ९० टक्के...सिंधुदुर्ग ः जिल्ह्यातील ९० टक्के भातपिकांना...
परभणी, हिंगोलीत अतिवृष्टीमुळे पिकांवर...परभणी : खरीप हंगामातील सोयाबीन काढणीच्या, कापूस...
हिंगोली जिल्ह्यात सोयाबीनच्या शेंगांना...हिंगोली : गतवर्षी प्रमाणे यंदाही सोयाबीनचे पीक ऐन...
‘जायकवाडी’तील विसर्गात घटऔरंगाबाद : जिल्ह्यातील जायकवाडी प्रकल्पातून...
निम्न दुधनातून ७१९० क्युसेकने विसर्गपरभणी : सेलु तालुक्यातील ब्रम्हवाकडी येथील दुधना...
अनुदानाअभावी मर्यादित लाभार्थ्यांना...सिंधुदुर्ग ः कोरोनामुळे शासनाने जिल्हा परिषदेच्या...
ऊसतोडणीच्या तिढ्यावर आज चर्चापुणे : दहा लाख ऊस तोडणी कामगारांच्या मागण्यांबाबत...
यवतमाळ जिल्ह्यात सोयाबीन शेंगांना फुटले...यवतमाळ : खोडकीड, चक्रीभुंगा त्यानंतर आता परिपक्व...
संत्रा उत्पादकांना हेक्टरी लाखाची भरपाई...नागपूर : विदर्भात नैसर्गिक आपत्तीमुळे संत्रा,...
पुण्यात विशिष्ट ठिकाणीच लिंबे विक्रीला...पुणे ः गुलटेकडी येथील कृषी उत्पन्न बाजार समितीने...
गाय एका आठवड्यात दोनदा व्यायली नाशिक ः येथील डॉ. इरफान खान हे व्यवसायाने डॉक्टर...
हवामान बदलाचे सेंद्रिय कर्बावरील परिणामजागतिक हवामान बदल आणि जागतिक तापमान वाढ हे शब्द...
पुण्यात भाजीपाल्याच्या आवकेत घटपुणे : गुलटेकडी येथील पुणे कृषी उत्पन्न बाजार...
काही भागात पावसाच्या उघडिपीची शक्यता महाराष्ट्रावर बुधवार (ता.२३) पर्यंत  १००४...
राज्य द्राक्ष बागायतदार संघाची ...नाशिक: महाराष्ट्र राज्य द्राक्ष बागायतदार...
पांगरी परिसरात पिकांवर आस्मानी संकटपांगरी, जि. सोलापूर ः पांगरी (ता. बार्शी) परिसरात...