जलसंधारण कामांसाठी तालुकानिहाय कार्यशाळा

जलसंधारण कामांसाठी तालुकानिहाय कार्यशाळा
जलसंधारण कामांसाठी तालुकानिहाय कार्यशाळा

वाशीम : जिल्ह्यात जलसंधारणाची कामे करण्यासाठी प्रशासनाच्या वतीने बुधवार (ता. १९) ते सोमवार (ता. २४) या दरम्यान विविध तालुकानिहाय कार्यशाळा घेतल्या जाणार अाहेत. बुधवारी वाशीम व मालेगाव या तालुक्यांतील लोकप्रतिनिधी, अधिकाऱ्यांची कार्यशाळा झाली.

उपजिल्हाधिकारी शैलेश हिंगे यांनी मार्गदर्शन केले. या कार्यशाळेत उपस्थितांना विविध प्रकारच्या सूचना करण्यात अाल्या. यात सर्व ग्रामस्तरीय अधिकारी, कर्मचाऱ्यांनी प्रत्यक्ष गावात जाऊन शिवारफेरी करायची आहे. त्यासाठी शिवारफेरीचे वेळापत्रक तहसीलदार, गटविकास अधिकारी व कृषी अधिकाऱ्यांनी तयार करून द्यायचे आहे. या वेळी पूर्वीच्या गावात झालेली कामे व आता करावयाची कामे यांची माहिती संकलित करावयाची आहे. कोणतेही काम सुटणार नाही याची दक्षता घ्याची, नियोजन प्रपत्रात भरून देताना गाव नकाशा सादर करावा, प्रत्यक्ष सर्व गावांचे आराखडे प्राप्त झाल्यानंतर तालुक्याचे एक बुकलेट २५ सप्टेंबरपर्यंत तयार करावे, आराखडा करताना फक्त गाळ काढण्याचीच कामे न घेता जीबी, शेततळे, सीसीटी, डीसीटी, गैबियन, मातीनाला बांध अशी कामे सुचवावीत, असे या वेळी सांगण्यात आले.

२५ ते ३० सप्टेंबर दरम्यान तालुकानिहाय व यंत्रणानिहाय सादरीकरण जिल्हा समिती समोर करावे, उत्कृष्ट नियोजन करणाऱ्या तालुकानिहाय पहिल्या तीन गावांना, दोन तालुक्यांना जिल्हाधिकाऱ्यांच्या हस्ते सन्मानित केले जाईल. आराखडे झाल्यानंतर प्रस्तावित कामांचे अंदाजपत्रक तयार करून त्यास तांत्रिक मान्यता व प्रशासकीय मान्यता घेण्याची कार्यवाही १० ऑक्टोबरपर्यंत करावी, असे सांगण्यात अाले. जिल्हा प्रशासन व भारतीय जैन संघटनेच्या पुढाकाराने ही कामे होणार अाहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com