agriculture news in marathi, teachers, gramsevak are obliged to stay at the work place, pune, maharashtra | Page 2 ||| Agrowon

शिक्षक, ग्रामसेवकांना नोकरीच्या ठिकाणी राहणे बंधनकारक

टीम अॅग्रोवन
सोमवार, 16 सप्टेंबर 2019

कर्मचाऱ्यांना त्यांच्या मुख्यालयी राहणे आवश्यक आहे. यापूर्वीदेखील ग्रामसभेचा ठराव घेतला जात होता. शासनाच्या नवीन आदेशानुसार ग्रामसभेचा ठराव घेणे बंधनकारक करण्यात आले आहे.
- संदीप कोहिनकर, उपमुख्य कार्यकारी अधिकारी, जिल्हा परिषद, पुणे. 

पुणे  : जिल्हा परिषदेकडून नियुक्त करण्यात आलेल्या प्राथमिक शिक्षक, पदवीधर शिक्षक, मुख्याध्यापक, ग्रामसेवक, ग्रामविकास अधिकारी, आरोग्य सेवक आणि आरोग्य सहायक यांना त्यांच्या नोकरीच्या ठिकाणीच राहणे बंधनकारक आहे. मात्र अनेक जण यातून पळवाटा शोधत होते. मात्र या कर्मचाऱ्यांना गावात राहत असल्याबाबत ग्रामसभेचा ठराव देणे बंधनकारक करण्यात आले आहे. या निर्णयामुळे जिल्ह्यातील कर्मचाऱ्यांना आता नोकरीच्या गावात राहावे लागणार आहे.

स्थानिक सरपंचांचे दाखले देऊन त्याच गावात राहत असल्याचे हे कर्मचारी भासवतात. मात्र, प्रत्यक्षात कर्मचारी त्या गावात राहत नाहीत, तर नजीकच्या मोठ्या गावात अथवा शहरामध्ये राहतात. आता या निर्णयामुळे ग्रामसभेचा ठराव घ्यावा लागणार असल्याने केवळ सरपंचाचा दाखला घेऊन पळवाट शोधणाऱ्यांना चाप बसणार आहे. ग्रामीण भागाच्या सर्वांगीण विकासासाठी गावात राहणे आवश्यक असल्याचे मुख्य उद्देश असल्याचे शासनाकडून स्पष्ट करण्यात आले आहे. ग्रामीण भागात असलेल्या शाळांच्या गावांमध्ये शिक्षक सध्या खूप कमी प्रमाणात राहतात. चार चाकी वाहन घेऊन काही शिक्षक गट-गटाने नियुक्ती असलेल्या शाळेत जातात. 

शासकीय कर्मचाऱ्यांना यापूर्वीपासूनच त्यांच्या मुख्यालयी म्हणजेच नियुक्त असलेल्या गावामध्येच राहणे आवश्यक करण्यात आले आहे. परंतु याकडे सर्वच शासकीय कर्मचाऱ्यांकडून नियोजनबद्धपणे दुर्लक्ष केले जात आहे. या निर्णयाची कडक अंमलबजावणी झाल्यास यामध्ये बदल होईल. परंतु त्याची अंमलबजावणी करणारे वरिष्ठ अधिकारी हे शासनाचेच कर्मचारी असल्याने सर्वजण संगनमताने कनिष्ठ कर्मचाऱ्यांना आत्तापर्यंत सूट देत असल्याचे दिसते. प्रामुख्याने ग्रामसेवक, आरोग्य सेवक तसेच शिक्षकांना त्यांच्या मुख्यालयी राहणे आवश्यक आहे.
 


इतर ताज्या घडामोडी
अकोला जिल्हा परिषदेचा ७६ कोटींचा निधी...अकोला  ः ‘कोरोना’मुळे निर्माण झालेल्या...
हिंगोली जिल्ह्यात ५९ कोटींचे पीककर्ज...हिंगोली   ः हिंगोली जिल्ह्यातील विविध...
कापूस, सोयाबीन उत्पादक विमा...गडचिरोली: धान उत्पादक ३४ हजार शेतकऱ्यांना सुमारे...
नांदेडमध्ये ४७ कोटी ४७ लाखांचे पीक कर्ज...नांदेड : नांदेड जिल्ह्यातील बॅंकांनी...
जालन्यात पाच हजार टन खते एकाच दिवशी...जालना  : जिल्ह्यात एकाच दिवशी पाच हजार...
कर्जमुक्‍ती योजनेची प्रक्रिया ३०...भंडारा ः शासनाने जाहीर केलेल्या महात्मा ज्योतिराव...
जयपूरमध्ये वीज पडून लाखो रुपयांच्या...नाशिक : पूर्वमोसमी पाऊस सुरू झाल्यानंतर बागलाण...
बुलडाणा जिल्ह्यात १५ तारखेपर्यंत...बुलडाणा  : यंदा जिल्ह्यात मॉन्सूनपूर्व पाऊस...
भाजीपाल्याची थेट खरेदी विक्री व्यवस्था...पुणे ः कोरोना टाळेबंदीमध्ये शहरातील विविध भागात...
सातारा जिल्ह्यात सर्वदूर पावसाची हजेरीसातारा ः जिल्ह्यात सोमवारी सर्वदूर पावसाने हजेरी...
कापूस खरेदीसाठी शेतकऱ्यांचा रास्तारोकोयवतमाळ ः महागाव तालुक्‍यातील गुंज येथील...
पुणे जिल्ह्यात पीककर्ज वितरणात...पुणे ः लाॅकडाऊनच्या काळात होरपळून निघालेल्या...
किरकोळ आजारांकडे नको दूर्लक्षमहिलांनी घराकडून शेताकडे जाताना चेहऱ्यावर पदर...
पावसाच्या आगमनानुसार पीक नियोजनकोरडवाहू शेतीमध्ये पावसाच्या पाण्याचा थेंब न थेंब...
गादीवाफ्यावर भुईमूग लागवड फायदेशीरजून महिन्याचा पहिल्या आठवडा ते शेवटचा आठवड्याच्या...
पुण्यातील पश्चिम तालुक्यांत हायअलर्ट...पुणे : अरबी समुद्रात आलेल्या निसर्ग...
नांदेड, परभणी, हिंगोली जिल्ह्यात पाऊस नांदेड : नांदेड, परभणी, हिंगोली जिल्ह्यातील ११८...
मराठवाड्याच्या पाणी प्रश्नावर सर्वांनी...औरंगाबाद : ‘‘मराठवाड्यासाठी वॉटर ग्रीड अत्यंत...
कोरोनाच्या संकटात कृषी, पणन खाते अपयशी...नाशिक : ‘‘कोरोनाच्या अडचणीच्या काळात शेतकऱ्यांचा...
परभणी जिल्ह्यात पीककर्जासाठी पेरणीच्या...परभणी : जिल्ह्यातील अनेक गावातील तलाठी पीककर्ज...