निफाडला २.४ अंश तापमान; राज्य थंडीने गारठले

पुणे : उत्तरेकडून वाहणाऱ्या थंड वाऱ्यांच्या प्रवाहामुळे कोकण, मध्य महाराष्ट्र, मराठवाड्यात गारठा वाढला आहे. उत्तर महाराष्ट्रात थंडीची लाट आली आहे. शुक्रवारी (ता. १७) यंदाच्या हंगामातील नीचांकी २.४ अंश सेल्सिअस तापमानाची नोंद होत निफाड येथे हुडहुडी वाढून अक्षरश: कापरं भरलं. तर, नाशिक, जळगाव, धुळे आणि मराठवाड्यातील उस्मानाबादही चांगलेच गारठले आहे. आज (ता.१८) मध्य महाराष्ट्रात थंडीची लाट कायम राहण्याचा अंदाज हवामान विभागाने वर्तविला आहे. किमान तापमानाचा पारा १० अंशांपेक्षा खाली येऊन, सरासरीच्या तुलनेत तापमानात ४.५ अंशांची घट झाली असेल तर, त्या भागात थंडीची लाट आल्याचे समजले जाते. शुक्रवारी (ता.१७) निफाड येथील गहू संशोधन केंद्रातील वेधशाळेत हंगामातील नीचांकी २.४ अंश सेल्सिअस तापमान नोंदले गेले. यापूर्वी २७ डिसेंबर २०१८ रोजी निफाड येथे १.८ अंश सेल्सिअस तापमानाची नोंद झाली होती. शुक्रवारी (ता. १७) उत्तर महाराष्ट्रातील नाशिक येथे ६, धुळे येथे ६.६, जळगाव ७ अंश तर तापमानाची नोंद झाली. तर पुणे, नगर, मालेगाव, औरंगाबाद, उस्मानाबाद येथे तापमान १० अंशांच्या खाली आले असून, विदर्भात मात्र तापमानाचा पारा ११ अंशांच्या पुढे होता. जळगाव, उस्मानाबाद येथे किमान तापमानात सरासरीपेक्षा ५ अंशांची घट झाल्याने थंडीची लाट होती. शुक्रवारी (ता. १७) सकाळी राज्यातील विविध ठिकाणचे किमान तापमान, कंसात सरासरीच्या तुलनेत वाढ, घट (अंश सेल्सिअसमध्ये) : पुणे ८.२ (-३), नगर ९.२ (-३), धुळे ६.६, जळगाव ७.०(-५), कोल्हापूर १४.५(-१), महाबळेश्वर १०.०(-३), मालेगाव ८.२ (-३), नाशिक ६.० (-४), सांगली १४.० (०), सातारा १०.२ (-३), सोलापूर १५.७ (-१), अलिबाग १२.९ (-५), डहाणू १४.५ (-३), सांताक्रूझ ११.४ (-६), रत्नागिरी १४.१ (-५), औरंगाबाद ८.१ (-४), परभणी १२.७ (-२), नांदेड ११.५ (-२), उस्मानाबाद ९.७ (-५), अकोला १२.४ (-२), अमरावती १४.० (-१), बुलडाणा ११.४ (-३), चंद्रपूर १६.२ (१), गोंदिया १३.६ (०), नागपूर १५.१ (१), वर्धा १७.६ (४), यवतमाळ १४.४ (-१). द्राक्षपीक सल्ला : सध्या कमाल आणि किमान तापमानातील तफावत मोठी आहे. तसेच थंडीचे प्रमाण वाढले आहे. मण्यात पाणी उतरण्याच्या परिस्थितीत ज्या पांढऱ्या द्राक्ष जाती आहेत, तेथे पिंक बेरीचे प्रमाण वाढण्याची शक्यता आहे.  उपाययोजना ः

- डॉ. आर. जी. सोमकुंवर,  संचालक, राष्ट्रीय द्राक्ष संशोधन केंद्र, मांजरी, पुणे

हवामान सल्ला 

- डॉ. रामचंद्र साबळे,  ज्येष्ठ हवामानतज्ज्ञ