Agriculture news in Marathi The temperature difference increased | Agrowon

तापमानातील तफावत वाढली

टीम अॅग्रोवन
सोमवार, 25 ऑक्टोबर 2021

राज्यात थंडीची चाहूल लागली असतानाच तापमानात सुरू असलेल्या चढ-उतारामुळे कमाल आणि किमान तापमानातील तफावत वाढली आहे. राज्यात पहाटे थंडी आणि दुपारी उन्हाचा चटका अशीच स्थिती आहे.

पुणे : राज्यात थंडीची चाहूल लागली असतानाच तापमानात सुरू असलेल्या चढ-उतारामुळे कमाल आणि किमान तापमानातील तफावत वाढली आहे. राज्यात पहाटे थंडी आणि दुपारी उन्हाचा चटका अशीच स्थिती आहे. आज (ता. २५) कोकणात तुरळक ठिकाणी पावसाचा अंदाज असून, उर्वरित राज्यात मुख्यत: कोरड्या हवामानाचा अंदाज हवामान विभागाने वर्तविला आहे.

लक्षद्वीप बेटे आणि परिसरावर एक आणि तमिळनाडूच्या किनाऱ्यावर एक अशा दोन ठिकाणी चक्राकार वाऱ्यांची स्थिती आहे. केरळ, तमिळनाडूसह दक्षिण भारतात जोरदार पावसाची शक्यता आहे. राज्यात बहुतांशी ठिकाणी मुख्यत: हवामान कोरडे राहण्याचा अंदाज हवामान विभागाने वर्तविला 
आहे. 

राज्याच्या कमाल आणि किमान तापमानात चढ-उतार होत आहे. रविवारी (ता. २४) सकाळपर्यंतच्या २४ तासांमध्ये कोकणातील रत्नागिरी येथे उच्चांकी कमाल ३६.७ अंश सेल्सिअस तापमानाची नोंद झाली. काही ठिकाणी तापमान ३३ अंशांपार जात उन्हाचा चटका वाढला आहे. तर किमान तापमानात घट सुरूच असून, अनेक ठिकाणी किमान तापमानाचा पारा १७ अंशांच्या खाली घसरला आहे. महाबळेश्‍वर येथे राज्यातील नीचांकी १४.८ अंश सेल्सिअस तापमानाची नोंद झाली आहे.

रविवारी (ता. २४) सकाळपर्यंतच्या २४ तासांमध्ये राज्यात विविध ठिकाणी नोंदले गेलेले कमाल तापमान, कंसात किमान तापमान (अंश सेल्सिअसमध्ये) : 
पुणे ३२.७ (१६.२), नगर ३३.८ (-), जळगाव ३३.५ (१५.७), कोल्हापूर ३३.१ (२२.०), महाबळेश्वर २७.५ (१४.८), मालेगाव ३०.० (१६.६), 
नाशिक ३१.१ (१५.६), सांगली ३३.९(२१.०), सातारा ३२.९(१७.७), सोलापूर ३५.२ (१८.१), सांताक्रूझ ३४.४ (२२.९), डहाणू ३२.३ (२२.८), रत्नागिरी ३६.७ (२३.०), औरंगाबाद ३१.३ (१६.०), नांदेड ३३.४(१९.०), उस्मानाबाद - (१७.०), परभणी ३२.७ (१८.५), अकोला ३३.२ (१९.९), अमरावती ३२.० (१६.३), ब्रह्मपुरी ३५.५ (१६.६), बुलडाणा ३०.०(१७.४), चंद्रपूर ३३.० (१९.६), गडचिरोली ३३.६(-), गोंदिया ३३.२ (१७.०), नागपूर ३३.४ (१७.२), वर्धा ३३.२(१७.९), वाशीम ३२.०(१६.०), यवतमाळ ३१.० (१८.५).

 उद्या घेणार मॉन्सून देशाचा निरोप
नैर्ऋत्य मोसमी वारे (मॉन्सून) शनिवारी (ता. २३) देशाच्या बहुतांशी भागांतून परतल्याचे हवामान विभागाने जाहीर केले. ईशान्य भारत संपूर्ण बंगालचा उपसागर, गोवा, तेलंगणासह आंध्र प्रदेश आणि कर्नाटकच्या काही भागांतून मॉन्सूनने माघार घेतली आहे. उद्यापर्यंत (ता. २६) मॉन्सून संपूर्ण देशाचा निरोप घेणार असून, दक्षिण भारतात ईशान्य मोसमी वारे सक्रिय होण्याची शक्यता हवामान विभागाने  वर्तविली आहे.  
 


इतर अॅग्रो विशेष
किमान तापमानात घट होण्याची शक्यतापुणे : राज्यात पावसाने उघडिप दिल्यानंतर किमान...
‘महाडीबीटी’च्या कामात अडथळाअकोला ः कृषी खात्याच्या विविध योजनांचा लाभ...
कृषी निविष्ठा केंद्रांचे परवाने आता...पुणे ः राज्यातील कृषी सेवा केंद्रांना परवान्याची...
आयातीमुळे कडधान्य दर दबावातपुणे ः तुरीचा हंगाम पुढील काही दिवसांत सुरू होईल...
...तर द्राक्षाचे नुकसान टळले असतेनाशिक : गेल्या तीन वर्षांपासून कसमादे भागातील...
साहित्य संमेलनाचे अनुदान शेतकरी,...नाशिक : वामनदादा कर्डक जन्मशताब्दी साहित्यनगरी...
देशी वाणाने सकस उत्पादन ः राहीबाई पोपेरेसांगली : पारंपरिक बियाणाला रासायनिक खताच्या...
शिवरायांच्या स्वराज्यापासून महात्मा...कोल्हापूर : छत्रपती शिवाजी महाराज यांच्या हिंदवी...
मराठवाड्यात आंब्यावर संकटाचे ढगऔरंगाबाद : यंदा आंब्यावर संकटाचे ढग कायम आहेत....
पुन्हा उभा राहिलो अन् यशस्वीही झालो...दुग्ध व्यवसायात भरभराट येत असतानाच कुट्टी यंत्र...
पीकबदल, फळबागांसह पूरक उद्योगांची साथऔरंगाबाद जिल्ह्यातील जडगाव येथील भोसले कुटुंबाने...
डेअरी उद्योगातील खरेदीदराचा गोंधळ कायमपुणे ः राज्यातील दुधाच्या बाजारपेठेत विक्रीविषयक...
ऊस उत्पादकांचे अद्याप ४,४४५ कोटी थकीतकोल्हापूर : गेल्या हंगामात उत्तर प्रदेशातील साखर...
कोरड्या हवामानाचा अंदाज, गारठाही वाढणारपुणे : राज्यात पावसाने उघडीप दिली असून, आकाश...
लातूर जिल्ह्यात द्राक्ष बागांना पावसाचा...लातूर ः जिल्ह्यात गेल्या काही दिवसांपासून...
पाकिस्तानमध्ये कापसाचे दर टिकूनपुणे ः पाकिस्तानमध्ये यंदा कापूस उत्पादनात वाढ...
‘पशुसंवर्धन’च्या योजनांसाठी अर्ज...पुणे ः जिल्ह्यातील ग्रामीण भागातील सुशिक्षित व...
मनाच्या वेदना दूर करण्यासाठी संघर्ष ः...कुंडल, जि. सांगली : माणसाच्या अंगाला, कपड्याला...
शेती हा आर्थिक प्रश्‍न ः विलास शिंदेनाशिक : शेतीविषयी चर्चा राजकीय व सामाजिक अंगाने न...
उसाच्या पहिल्या पेमेंटकडे लागले लक्षपुणे ः राज्यातील साखर कारखान्यांनी शेतकऱ्यांकडून...