राज्याच्या तापमानात वाढ

पुणे : राज्याच्या बहुतांशी भागात पाऊस थांबला असल्याने उन्हाचा चटका वाढू लागला आहे. मराठवाड्यातील बीड येथे राज्यातील उच्चांकी ३६ अंश सेल्सिअस तापमानाची नोंद झाली आहे. तर मंगळवारी (ता. २५ सकाळपर्यंतच्या २४ तासांमध्ये विदर्भ, मराठवाडा, मध्य महाराष्ट्रात पावसाने हजेरी लावली. राज्यात ढगाळ हवामान असून आज (ता. २६) तुरळक ठिकाणी पाऊस पडण्याचा अंदाज हवामान विभागाने वर्तविला आहे.    ‘दाये’ चक्रीवादळ विरून गेल्यानंतर राजस्थानमध्ये काेरडे हवामान होऊ लागले आहे. गुरुवारपासून या भागातील वाऱ्यांची दिशा बदलणार असून, शनिवारी (ता. २९) नैऋत्य मोसमी वारे (माॅन्सून) परतीच्या प्रवासाला सुरवात करण्याची श्‍ाक्यता आहे. तर राज्यात अनेक भागात कोरडे हवामान असून, सोमवारी सायंकाळनंतर मध्य महाराष्ट्रातील नगर, सातारा, मराठवाड्यातील बीड, लातूर, नांदेड, परभणी, हिंगोली, आणि विदर्भातील वाशिम, अमरावती, यवतमाळ, वर्धा, नागपूर या जिल्ह्यांमध्ये हलक्या ते जोरदार पावसाने हजेरी लावली आहे.  दरम्यान राज्याच्या तापमानातही वाढ होत असून, मराठवाड्यात तापमान ३२ ते ३६ अंशांच्या आसपास आहे. तर विदर्भात तापमानाचा पारा ३० ते ३४ अंश, मध्य महाराष्ट्रात २९ ते ३५ अंश आणि कोकणात ३१ ते ३३ अंशांच्या जवळपास पोचला आहे. पावसाच्या उघडिपीमुळे राज्याच्या किमाल तापमानात २ ते ३ अंशांची वाढ होण्याची शक्यता आहे.  मंगळवारी (ता. २५) सकाळपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३२.१, जळगाव ३३.२, कोल्हापूर ३१.९, महाबळेश्‍वर २४.४, मालेगाव ३५.७, नाशिक २९.७, सांगली ३२.७, सातारा ३२.६, सोलापूर ३५.२, मुंबई ३२.२, अलिबाग ३२.९, रत्नागिरी ३१.०, डहाणू ३२.८, आैरंगाबाद ३२.८, परभणी ३५.०, नांदेड ३५.०, बीड ३६.०, अकोला ३३.२, अमरावती ३३.४, बुलडाणा ३०.४, ब्रह्मपुरी ३३.७, चंद्रपूर ३२.०, गोंदिय ३२.३, नागपूर ३३.५, वर्धा ३४.०, यवतमाळ ३३.०.

मंगळवारी (ता. २५) सकाळपर्यंतच्या २४ तासांमध्ये विविध ठिकाणी पडलेला पाऊस, मिलिमीटरमध्ये (स्त्रोत - कृषी विभाग) : मध्य महाराष्ट्र : वांभोरी ५२, संगमनेर १६, घारगाव २४, लोणी १७, पुसेगाव ४८, वाई १५, कराडवाडी १२. मराठवाडा : धर्मापुरी २१, वाडवणी २०, अहमदपूर ६५, किनगाव ५७, आंदोरी ३२, नांदेड शहर १२, नांदेड ग्रामीण १५, तुप्पा २०, वसरणी १३, तरोडा २०, फुलवल ४०, मालकोळी २१, कळंबर १०, सिंधखेड  १४, दाभाड ४४, मालेगाव ५७, शिंगणापूर ३५, पिंगळी १९, परभणी ग्रामीण १७, राणी १५, कळमेश्‍वर ३७, बनवास ६०,  केकरजवळा २८, वाकाेडी १४, वसमत १५, हयातनगर ६१. विदर्भ : आनसिंग १८, कोंढळा १८, असरे १८, मालेगाव १३, शिरपूर ३१, मुंगळा २०, करंजी ११, मंगरूळपीर २०, असेगाव ४०, धनोरा ३०, चिखलदारा २६, पुसळा २०, काप्रा २०, येळबारा १२, सावळी २१, नेर १९, पुसद १२, शेंबळ ३४, ब्राह्मणगाव १९, उमरखेड १४, बिटरगाव १०, रुंजा २४, शिवणी १४, घोटी १०, कुरळी १८, धानोरा १३, वाढोणा २७, खामगाव १३, शिरसगाव १२, जांब १०, कामठी ५४, वडोदा १२, नवेगाव २३, कन्हान २१, कोंढाळी १२, खापा २०, कुही १४.