agriculture news in Marathi, textile industry shut down for three days within week, Maharashtra | Agrowon

सूतगिरण्या तीन दिवस बंद करण्याची वेळ

टीम अॅग्रोवन
मंगळवार, 23 जुलै 2019

चीन-अमेरिकेतील व्यापार युद्धामुळे नोव्हेंबर २०१८ पासून सूतगिरण्या, यंत्रमाग, हातमागधारक अडचणीत सापडले आहेत. देशातील सूतगिरण्यांचे उत्पादन घटत आहे. वस्त्रोद्योगाला बॅंकांनी वित्तपुरवठा न करण्यासंबंधीचे निर्णय जाहीर केले आहेत. या सगळ्या स्थितीत सूतगिरण्या, वस्त्रोद्योगासाठी स्वतंत्र पॅकेज केंद्राने जाहीर करावे. कारण वस्त्रोद्योग शेतीनंतर देशात रोजगाराचा मोठा स्रोत आहे. 
- दीपकभाई पाटील, अध्यक्ष, लोकनायक जयप्रकाश नारायण सहकारी सूतगिरणी, शहादा (जि. नंदुरबार)

जळगाव ः चीन, युरोपातील सूत निर्यात जवळपास ठप्प असल्याने देशातील सुमारे १५०० सूतगिरण्या मागील तीन महिन्यांपासून आठवड्यातून दोन ते तीन दिवस बंद करण्याची वेळ आली आहे. उत्पादन कमी करण्याचा एकमेव पर्याय गिरण्यांसमोर असून, सूतगिरण्यांचा वित्तपुरवठा जोखमेचा ठरत असल्याने देशातील सर्वच राष्ट्रीयीकृत बॅंकांनी सूतगिरण्यांना वित्तपुरवठा करण्यासंबंधी नकारात्मक यादीत टाकले आहे. देशात शेतीनंतर रोजगाराचा सर्वात मोठा स्रोत असलेल्या वस्त्रोद्योगात किंवा सूतगिरण्यांमध्ये आजघडीला आणीबाणीची स्थिती आहे. 

गुजरात व महाराष्ट्रातील पंचतारांकित व उत्तम व्यवस्थापन असलेल्या सूतगिरण्या वगळता सर्वच गिरण्यांसमोर अडचणी आहेत. देशात सुमारे पाच हजार कोटी किलोग्रॅम सुताचे उत्पादन दरवर्षी होते. यातील सुमारे एक हजार कोटी किलो सुताची निर्यात चीन, युरोपात होते. एकूण सूत निर्यातीत चीनमधील निर्यातीचा वाटा ७० टक्के असतो.  

चीनमधील निर्यात अमेरिका व चीनमधील व्यापार युद्धापासून रखडत सुरू आहे. रुईचा तुटवडा वाढल्याने दर ४८ हजार रुपये खंडीपर्यंत (३५६ किलो रुई) पोचले होते. त्याच वेळी सुताचे दर मात्र फारसे वाढले नव्हते. यातच मागील महिनाभरात सुताचे दर प्रतिकिलो १८० रुपयांपर्यंत खाली आले आहेत. युरोपमध्ये ऑगस्टमध्ये उन्हाळ्याच्या सुट्या जाहीर केल्या जातात, त्यामुळे कमाल युरोपीयन देशांनी भारतासह इतर देशांमधून सूत आयात बंद केली आहे. 

देशात सुमारे १८६० सूतगिरण्या आहेत. यात कमाल गिरण्या दाक्षिणात्य भागात असून गुजरात, महाराष्ट्रात मिळून ३०० सूतगिरण्या आहेत. सर्व गिरण्यांना मिळून रोज २८ लाख गाठींची (एक गाठ १६३ किलो रुई) आवश्‍यकता सूत निर्मितीसाठी असते. रोज ९२ ते ९३ लाख किलो सूत निर्मितीची क्षमता देशातील गिरण्यांमध्ये आहे. परंतु सुतास उठाव नसल्याने उत्पादन कमी करण्याची वेळ आली. परिणामी रोज २० ते २२ लाख किलो सूत उत्पादन कमी झाले आहे.

उत्तरेकडील सुमारे ७३ लहान खासगी सूत उद्योग मे महिन्यातच बंद झाले आहेत. तर कमाल सूत गिरण्या आठवड्यातून दोन ते तीन दिवस बंद असतात.  
चीन वस्त्रोद्योगात आघाडीवर असून, सुताचे जगात सर्वाधिक म्हणजेच सात हजार कोटी किलोपर्यंतचे उत्पादन तेथे घेतले जाते. परंतु तेथील वस्त्रोद्योग डिसेंबर २०१८ पासून अडचणीत आला. चीन-अमेरिकेतील व्यापार युद्धामुळे भारत, बांगलादेशातील सूत गिरण्या किंवा वस्त्रोद्योगही संकटात सापडल्याचे जाणकारांचे म्हणणे आहे. 

चीनमध्ये मोठा फटका
चीनमधील जिझियांग शाओझिंग केकियो ही टेक्‍सटाईल सिटी म्हणून जगात ओळखली जाते. तेथील कमाल कापडाची निर्यात होते. परंतु चीन-अमेरिकेतील व्यापार युद्धामुळे या भागातील एक तृतीयांश कारखाने बंद झाले. व्यापारातील अनिश्‍चिततेमुळे आगाऊ नोंदणी तेथे जवळपास थांबली आहे. अमेरिकेला कापड निर्यात करणाऱ्या उद्योगांनी चीनमध्ये दिवाळखोरी जाहीर केली आहे. २०१९ मध्ये पहिल्या पाच महिन्यांत चीनचे आयात व निर्यात मूल्य १.७९ ट्रिलीयन डॉलर होते. ते मागील वर्षाच्या तुलनेत १.६ टक्‍क्‍यांनी कमी होते. चीनमधून अमेरिकेतील निर्यातीमध्ये वर्षाला ८.४ टक्‍क्‍यांनी घट नोंदविण्यात आली आहे, अशी माहिती मिळाली. 

 


इतर अॅग्रो विशेष
मटण दरवाढीचा लाभ पशुपालकांना कधी?शेळीपालनाबरोबरच मेंढीपालनातही समस्यांचा ऊहापोह...
जैवविविधतेची नोंदणी गांभीर्याने घ्याराज्यातील खेड्यापाड्यांसह शहरांमध्ये असलेल्या...
‘पोकरा’अंतर्गत तांत्रिक सहकार्यासाठी...औरंगाबाद: नानाजी देशमुख कृषी संजीवनी प्रकल्पाच्या...
अनियमित थंडी ऊस रिकव्हरीच्या मुळावरकोल्हापूरः जानेवारीच्या पहिल्या आठवड्यातही ऊस...
देशात केवळ ३५ तेलबिया हबनिर्मितीनवी दिल्ली: देशातील तेलबिया उत्पादन वाढावे आणि...
राज्यात गारठा कमी, उकाडा वाढलापुणे : उत्तरेकडून येणाऱ्या थंड वाऱ्यांचे प्रवाह...
अलिबागचा पांढरा कांदा ‘जीआय’च्या वाटेवरपुणे : औषधी गुणधर्मांसाठी प्रसिद्ध असलेल्या...
बेकायदा विदेशी खत आयातीचे परवाने रद्दपुणे : विद्राव्य खतांची बेकायदा आयात व विक्री...
‘सुधाकर सीडलेस’ द्राक्ष वाणाचे...नाशिक : शिवडी (ता. निफाड) येथील शेतकरी सुधाकर...
यांत्रिकीरणातून शेती केली सुलभ,...नगर जिल्ह्यातील बेलापूर येथील बाळासाहेब मारुतराव...
चार आने की मुर्गी...केंद्र सरकारने मागील लोकसभा निवडणुकीच्या तोंडावर...
मटणाचे वाढते दर अन् शेळी-मेंढीपालन मागणी, पुरवठा आणि किंमत या बाबींच्या...
एरियल फवारणीसाठी हवी ‘सीआयबी’ची परवानगीनागपूर ः देशात एरियल (आकाशातून) फवारणीकामी...
कणेरी मठात ३० पासून राष्ट्रीय कृषी...कोल्हापूर : कणेरी (ता. करवीर) येथील सिद्धगिरी...
शेतकरी गट, ‘एफपीओ’ची सबलीकरणाची वाट अवघडऔरंगाबाद : गटशेती सबलीकरण योजनेंतर्गत निवडलेल्या...
‘स्मार्ट’ची तयारी पूर्ण; दिल्लीत होणार...पुणे : महाराष्ट्र राज्य कृषी व्यवसाय व ग्रामीण...
कृषी विज्ञान केंद्राच्या तंत्रज्ञान...सोलापूर ः ‘‘सोलापुरातील कृषी विज्ञान केंद्राच्या...
देशात यंदा कडधान्य आयात ४६ टक्के वाढलीनवी दिल्ली: देशात यंदा कडधान्य उत्पादन...
थंडी गायब; किमान तापमानात वाढ पुणे : उत्तरेकडून येणाऱ्या थंड वाऱ्यांचे प्रवाह...
हिंगणघाट झाले कापूस व्यवहाराचे ‘हब’कापूस प्रक्रिया उद्योगाचे जाळे विस्तारले गेल्याने...