मुंबई : शिवसेना, काँग्रेस आणि राष्ट्रवादी महाविकासआघाडी सरकारच्या खातेवाटपाचा तिढा अखेर शनिवारी (ता.४) सहाव्या दिवशी रात्री उशिरा सुटला आहे. सरकारचे खातेवाटप निश्चित झाले असून लवकरच याची अधिकृत घोषणा होणार आहे. त्याआधी खातेवाटपाची संपूर्ण यादी समोर आली आहे. ठाकरे सरकारमध्ये शिवसेनेचे मंत्री दादा भुसे कृषी, सुनील केदार पशूसंवर्धन, तर हसन मुश्रीफ ग्रामविकास खाते सांभाळणार आहेत.
शिवसेनेने आपल्याकडील महत्त्वाच्या नेत्यांना महत्त्वाची खाती दिली आहेत. पहिल्यांदाच कॅबिनेट मंत्री झालेले आदित्य ठाकरे यांच्याकडे पर्यावरण, पर्यटन व राजशिष्टाचार खाते देण्यात येणार आहे. तर सेनेचे ज्येष्ठ नेते एकनाथ शिंदे यांच्याकडे आधी गृह खाते होते, आता त्यांच्याकडे नगरविकास आणि एमएसआरडीसी ही दोन खाती देण्यात आली आहेत. तर सुभाष देसाई यांच्याकडे उद्योग खाते कायम ठेवण्यात आले आहे. तसेच शंकरराव गडाख यांच्याकडे जलसंधारण आणि संदीपान भुमरे यांच्याकडे रोजगार हमी, फलोत्पादन खाते सोपवण्यात आले आहे. राजीनाम्याचा इशारा देणारे राज्य मंत्री अब्दुल सत्तार यांच्याकडे महसूल आणि ग्रामविकास खात्याची जबाबदारी सोपवण्यात आली आहे.
राष्ट्रवादीमध्ये अजित पवार यांच्याकडे तिजोरीच्या चाव्या अर्थात अर्थ खाते सोपवण्यात आले आहे. जयंत पाटील यांच्याकडे जलसंपदा खाते सोपवण्यात आले आहे. विशेष म्हणजे, अनिल देशमुख यांच्याकडे गृह खाते सोपवण्यात आले आहे. अनिल देशमुख यांच्याकडे गृहखाते सोपवून सर्वांना धक्का दिला आहे. तर ज्येष्ठ नेते छगन भुजबळ यांच्याकडे अन्न व नागरी पुरवठा हे खाते सोपवण्यात आले आहे.
तर काँग्रेसमध्ये प्रदेशाध्यक्ष बाळासाहेब थोरात यांच्याकडे महसूल, अशोक चव्हाण यांच्याकडे सार्वजनिक बांधकाम खाते सोपवण्यात आले आहे. तर नितीन राऊत यांच्याकडे ऊर्जा खाते सोपवण्यात आले आहे. वर्षा गायकवाड यांच्याकडे शालेय शिक्षण आणि अमित देशमुख यांच्याकडे वैद्यकीय शिक्षण आणि सांस्कृतिक विभाग देण्यात आले आहे.
असे आहे ठाकरे सरकारचे खातेवाटप.. शिवसेनेकडील खाती..
राष्ट्रवादीचे कॅबिनेट मंत्री
कॉंग्रेसचे कॅबिनेट मंत्री
राज्यमंत्री
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.