खरिपात भौगोलिक स्थितीचा विचार करा : काकडे

अकोला ः आधुनिक शेती तंत्रज्ञानुसार उत्पादन वाढविणे शक्‍य होत असले, तरी नवीन तंत्रज्ञानावर अधिक खर्च होतो; परिणामी निव्वळ नफा कमी होत असल्याने शेतकऱ्यांनी खरीप हंगामाचे नियोजन करताना भौगोलिक परिस्थिती व पर्जन्यमान विचारात घेतले पाहिजे, असे प्रतिपादन डॉ. पंजाबराव देशमुख कृषी विद्यापीठाच्या कृषी विद्या विभागाचे तज्ज्ञ डॉ. संजय काकडे यांनी केले.

‘ॲग्रोवन’ तसेच ‘महाधन’ यांच्या वतीने सौंदळा (ता. तेल्हारा) येथील श्री देवी संस्थानमध्ये आयोजित ॲग्रो संवाद कार्यक्रमात ते बोलत होते. कार्यक्रमाला महाधन कंपनी स्मार्टकेम टेक्‍नॉलॉजी लि. जिल्हा विक्री व्यवस्थापक राहुल रत्नपारखी, सहायक व्यवस्थापक निशिकांत इनामदार उपस्थित होते. पेटंटेड तंत्रज्ञान स्मार्टकेम, एफआरटी बेनसल्फ, स्मार्ट या उत्पादनांविषयी निशिकांत इनामतदार व राहुल रत्नपारखी यांनी माहिती दिली. महाधनचे अविनाश कुकडे, आत्माचे नीलेश नेमाडे, ॲग्रोवनचे सचिन अवसरमोल, प्रवीण लोणकर, गणेश अरबट, राजेंद्र जुंबडे, सारंगधर मेटके, गजानन अरबट, गजानन तळोकार, गजानन शित्रे, रामभाऊ राहणे, गोपाल सायवणे, ज्ञानेश्‍वर होरे, संजय वानखडे, ऋषिकेश कोकाटे, निवृत्ती काटोले यांची या वेळी उपस्थिती होती.