Agriculture news in marathi, Thirty percent of rains in Ratnagiri district hit paddy harvest | Page 3 ||| Agrowon

रत्नागिरी जिल्ह्यात पावसाचा तीस टक्के भात कापणीला फटका

टीम अॅग्रोवन
सोमवार, 8 नोव्हेंबर 2021

रत्नागिरी ः दिवाळीत पडलेल्या मुसळधार पावसामुळे अंतिम टप्प्यातील तीस टक्के भात कापणीला फटका बसला आहे.

रत्नागिरी ः दिवाळीत पडलेल्या मुसळधार पावसामुळे अंतिम टप्प्यातील तीस टक्के भात कापणीला फटका बसला आहे. सायंकाळच्या सुमारास ढगांच्या गडगडाटासह पडणाऱ्या पावसामुळे दिवसभराच्या शेतकऱ्यांच्या मेहनतीवर पाणी फेरले जात आहे. खेडमध्ये वीज अंगावर पडून महिलेचा मृत्यू झाला. लांजा येथे बैलाच्या अंगावर वीज पडली.

नोव्हेंबर महिन्याच्या सुरुवातीलाचा आलेल्या दिवाळी सणात जोरदार पावसाने गोंधळ घातला आहे. हवामान विभागाने नोव्हेंबरच्या पहिल्या आठवड्यात जिल्ह्यात पाऊस पडेल अशी शक्यता वर्तवली होती. ती तंतोतंत खरी ठरली असून चार दिवसांपूर्वी विजांच्या कडकडाटासह पावसाने हजेरी लावली. मागील चार दिवस अधूनमधून पावसाची हजेरी ठरलेलीच आहे. दिवाळीला सायंकाळीही पावसाच्या सरी कोसळल्या. त्यानंतर गुरुवारी (ता. ४) दुपारनंतर अचानक ढगाळ वातावरण तयार झाले. दापोली, खेड, चिपळूण, गुहागर, संगमेश्‍वर, रत्नागिरीसह लांजा तालुक्यात अवकाळी पाऊस झाला. चिपळूणात तासभर कोसळलेल्या पावसामुळे दिवाळी खरेदीसाठी बाहेर पडलेल्या नागरिकांची तारांबळ उडाली.

रत्नागिरीतही तिच परिस्थिती होती. शनिवारी सायंकाळी चार वाजता पावसाने हजेरी लावली. भाऊबिजेचा सण असल्यामुळे बाजारपेठेतील वातावरण शांत होते. चिपळूणात सुमारे अर्धा तास कोसळलेल्या पावसामुळे भात कापणी करणार्‍या बळिराजाला त्याचा फटका बसला. कापणीनंतर सुकवण्यासाठी ठेवलेले भातही भिजले. तालुक्यात अनेक ठिकाणी दिवाळीपूर्व भात कापणीला सुरुवात झाली. कापलेल्या भाताची उडवी रचलेली आहे.

दिवाळी संपल्यानंतर भात झोडणी केली जाणार आहे. तत्पूर्वी पाऊस पडल्यानंतर कापलेल्या भातावर पाणी पडले आहे. वीजपुरवठा काही काळासाठी खंडित झाला.  चिपळूण शहरासह सावर्डे, अलोरे, पोफळी, खेर्डी, शिरगाव, मार्गताम्हाने, पेढांबे, दसपटी भागात पावसाने जोरदार हजेरी लावली. पुढील काही दिवस पाऊस कोसळण्याची शक्यता हवामान विभागाकडून वर्तविण्यात आली आहे. रत्नागिरी शहरासह ग्रामीण भागात सायंकाळी पाच वाजता मुसळधार पावसाला सुरुवात झाली. जिल्ह्यात ७० हजार हेक्टरपैकी सुमारे २० हजारहून अधिक हेक्टरवरील भात कापणी शिल्लक आहे. दिवाळीमध्ये पडणार्‍या या पावसामुळे उभी भात आडवी झाली आहेत. 


इतर ताज्या घडामोडी
शेतकऱ्यांनाही थंडी जाणवते भाऊ!जलालखेडा, जि. नागपूर ः नरखेड तालुक्यात रब्बी...
‘मँगोनेट’ अंतर्गत सात वर्षांत ४, ५६६... रत्नागिरी : हापूसची परदेशात निर्यात होऊन येथील...
‘जलजीवन मिशन’च्या कामात सातारा अग्रेसरसातारा : जलजीवन मिशनअंतर्गत जिल्ह्यात २३७...
नाशिकमधील उन्हाळ कांद्याचा साठा अखेरीकडेनाशिक : फेब्रुवारी २०२१पासून उन्हाळ कांद्याची...
पाणीपट्टी ऊसबिलातून वसूल केल्यास आंदोलनसांगली ः  शेतकऱ्यांकडील पाणीपट्टीची रक्कम...
अकोला जिल्हा परिषदेत नववर्षातही राजकीय...अकोला ः गेले वर्षभर जिल्हा परिषदेत सुरू असलेले...
पुणे विभागात ज्वारी क्षेत्रात...पुणे : परतीच्या पावसाने चांगलाच धुमाकूळ घातल्याने...
येल्लकी वाणाच्या केळीला क्विंटलला चार...जळगाव  ः वढोदा (ता. चोपडा, जि. जळगाव) येथील...
घरच्या घरी भाजीपाल्यासाठी ‘जिजाई नॅनो...सोलापूर ः घरच्या घरी सेंद्रिय पद्धतीने आणि अगदी...
बलून बंधाऱ्यांसाठी गिरणा परिक्रमा सुरू जळगाव ः  गिरणा नदीवर प्रस्तावित बलून...
घाटणे बॅरेजमध्ये गेलेल्या जमीनीची...सोलापूर ः मोहोळ तालुक्यातील आष्टी उपसा सिंचन...
पुणे जिल्ह्यात ९ हजारांवर कुटुंबांना...पुणे ः ‘‘राज्य आणि केंद्र सरकारतर्फे जिल्ह्यात...
पाटण तालुक्यात पुराच्या धोक्याकडे...मोरगिरी, जि. सातारा : तालुक्यात वाढत्या पावसाच्या...
मराठवाड्यात २१ लाख २१ हजार हेक्‍टरवर...औरंगाबाद : मराठवाड्यात यंदा रब्बी पेरणीत आजवर २१...
परभणी, हिंगोलीत ‘शेतमाल तारण’द्वारे दोन...परभणी ः ‘‘शेतीमाल तारणकर्ज योजनेअंतर्गत परभणी...
‘सिद्धेश्वर’ च्या अध्यक्षपदी काडादी, ...सोलापूर ः कुमठे येथील श्री सिध्देश्वर सहकारी साखर...
सोलापूर बाजार समितीच्या संचालक मंडळावर... सोलापूर ः सोलापूर कृषी उत्पन्न बाजार...
लासलगाव येथे खत विक्रेत्याकडून जादा...नाशिक: रब्बी हंगामातील पेरण्या सुरू असून काही...
उष्णता ताणाचे वासराच्या आरोग्यावर दीर्घ...दुधाळ जनावरांवर उष्णतेच्या ताणाचा...
नांदुरा येथे कापसाचे दर नऊ हजार रुपये...नांदुरा, जि. बुलडाणा ः कॉटनबेल्ट म्हणून ओळख...