Agriculture news in marathi Those girls got the opportunity to become the Collector, Superintendent of Police | Page 2 ||| Agrowon

मुलींना मिळाली जिल्हाधिकारी, पोलिस अधीक्षक बनण्याची संधी

टीम अॅग्रोवन
रविवार, 8 मार्च 2020

बुलडाणा  ः राज्यात जागतिक महिला दिनानिमित्त असंख्य कार्यक्रम, उपक्रम राबविले जातात. बुलडाणा जिल्हा प्रशासनाने एक पाऊल पुढे टाकत समाजातील मुलींमध्ये सकारात्मक प्रेरणा पोचविण्यासाठी त्यांना थेट जिल्हा प्रमुखांच्या खुर्चीवर बसून प्रशासकीय कामकाजाचा अनुभव घेण्याची संधी मिळवून दिली. कुणी जिल्हाधिकारी, कुणी जिल्हा परिषदेची मुख्य कार्यकारी अधिकारी तर कुणी जिल्हा पोलिस अधीक्षक म्हणून कामकाजाचा अनुभव घेतला. महिला दिनाच्या अनुषंगाने हा सप्ताह राबविण्यात आला. 

बुलडाणा  ः राज्यात जागतिक महिला दिनानिमित्त असंख्य कार्यक्रम, उपक्रम राबविले जातात. बुलडाणा जिल्हा प्रशासनाने एक पाऊल पुढे टाकत समाजातील मुलींमध्ये सकारात्मक प्रेरणा पोचविण्यासाठी त्यांना थेट जिल्हा प्रमुखांच्या खुर्चीवर बसून प्रशासकीय कामकाजाचा अनुभव घेण्याची संधी मिळवून दिली. कुणी जिल्हाधिकारी, कुणी जिल्हा परिषदेची मुख्य कार्यकारी अधिकारी तर कुणी जिल्हा पोलिस अधीक्षक म्हणून कामकाजाचा अनुभव घेतला. महिला दिनाच्या अनुषंगाने हा सप्ताह राबविण्यात आला. 

दररोज विविध तालुक्यातील जिल्हा परिषद शाळांमधील किशोरवयीन मुलींना जिल्हा मुख्यालय स्तरावरील जिल्हाधिकारी, जिल्हा पोलिस अधीक्षक, जिल्हा परिषदेचे मुख्य कार्यकारी अधिकारी या वरिष्ठ पदावर सांकेतिक स्वरूपात कारभार पाहण्याची संधी देण्यात आली. सांकेतिक स्वरूपात जिल्हाधिकारी, जिल्हा पोलिस अधीक्षक, जिल्हा परिषद मुख्य कार्यकारी अधिकारी, उपजिल्हाधिकारी अशा प्रशासकीय पदाचा पदभार देण्यात आला होता.

यासाठी समाजातील अत्यंत सामान्य कुटुंबातील मुलींची जाणीवपूर्वक निवड करण्यात आली होती. जिल्हाधिकारी बनलेल्या पूनम देशमुख हिने संपूर्ण दिवसभर जिल्हाधिकाऱ्यांप्रमाणे विविध बैठकांना उपस्थिती लावली. जिल्हाधिकाऱ्यांना मिळणारा मान, सन्मान तिच्या वाट्याला आला. यामुळे ती भारावून गेली होती.

गॅरेज मेकॅनिक अब्दुल आसिफ यांची मुलगी असलेल्या सहरिश कंवल हिला पोलिस अधीक्षक पदाची संधी मिळाली. पोलिस अधीक्षकांच्या अंबर दिव्याच्या गाडीत सहरिश कंवलचे जिल्हा पोलिस मुख्यालयात आगमन झाले. या वेळी पोलिस दलाच्या प्रचलित शिष्टाचारानुसार, पोलिस दलाच्या सशस्त्र तुकडीने सहरिश कंवलला मानवंदना दिली. वेगवेगळ्या दिवशी अशा प्रकारची प्रशासकीय कामकाजाची संधी समाजातील मुलींना मिळाली.

जिल्हा परिषद शाळेत शिकणाऱ्या मारीया मोहम्मद आबीदला जिल्हाधिकारी बनण्याची संधी मिळाली. तर एक दिवसासाठी राखी अनिल दुरगुळे ही जिल्हा परिषदेची मुख्य कार्यकारी अधिकारी बनली. तिला दिवसभर खुर्चीसोबतच या पदाच्या कामकाजाचा सन्मानपूर्वक अनुभव देण्यासाठी अधिकाऱ्यांनी कुठलीही कसर ठेवली नाही. 

 

जिल्हाधिकाऱ्यांच्या खुर्चीवर बसून त्यांच्या कामकाजाचा अनुभव घेणे, हा माझ्या आयुष्यातील अविस्मरणीय दिवस होता. मला जिल्हाधिकारी सुमन चंद्रा यांच्या संकल्पनेमुळे थेट जिल्हाधिकारी होण्याचा मान मिळाला. मी दिवसभर प्रशासनाच्या कामकाजाचा अनुभव घेतला. मलाही भविष्यात कलेक्टरच व्हायचे आहे. त्यासाठी अभ्यास करून कठोर परिश्रम घेण्याची माझी तयारी आहे. माझ्या मोठ्या बहिणीची जिल्हाधिकारी व्हायची इच्छा होती. मात्र, कौटुंबिक परिस्थितीमुळे तिचे स्वप्न अपूर्ण राहिले आहे. मी ते पूर्ण करणार आहे.
 - पूनम प्रल्हाद देशमुख, इयत्ता ८ वी, जिल्हा परिषद शाळा, 
पाडळी, जि. बुलडाणा

मी एक दिवसाची पोलिस अधीक्षक बनली होती. या कामाचा अनुभव खूप मोठा आहे. मी माझ्या आयुष्यात महिला व बालकांवरील अत्याचाराला पायबंद घालून प्रत्येक मुलीला ‘होईल मी स्वयंसिद्धा़’ या ध्येयापर्यंत पोचविण्यासाठी सक्रियपणे प्रयत्न करेल.
- सहरिश कंवल, इयत्ता ९ वी,  जिल्हा परिषद उर्दू शाळा मलकापूर जि. बुलडाणा


इतर महिला
जीवनसत्त्व, क्षार घटकांचा पुरवठा करणारे...अंजिरामध्ये ओमेगा ३ आणि ओमेगा ६ हे घटक मुबलक...
शेती, जलसंधारण अन् शिक्षणाचा घेतला वसामांडाखळी (जि. परभणी) येथील मातोश्री जिजाऊ ग्राम...
तापावर गुणकारी गुळवेलजळजळ होणे, बारीक ताप येणे, उष्णता वाढणे या...
पूरकउद्योग अन् शेती विकासात श्री भावेश्...बेलवळे खुर्द (ता. कागल, जि. कोल्हापूर) येथील श्री...
शेतीला दिली मधमाशीपालनाची जोडएखादा पूरक व्यवसाय सुरू करण्याची इच्छा असेल तर...
भाजीपाला, फुलशेतीतून गटाने दिली नवी दिशाटिके (जि. रत्नागिरी) गावातील नवलाई आणि पावणाई या...
मिळून साऱ्या जणी, सांभाळू कंपनी  अवर्षणग्रस्त ८० गावांतील १२ हजार महिला ४०...
पापडनिर्मिती व्यवसायातून रोजगारासह...ज्वारी, तांदळाच्या पापडासह गव्हाची भुसावडी तयार...
ज्वारी पदार्थांच्या सेवनाचे प्रमाण...भारत हा जगातील ज्वारी उत्पादनात चौथ्या क्रमांकाचा...
शेती, दुग्धव्यवसायाने बनविले...कोल्हापूर जिल्ह्यातील शेळेवाडी (ता. राधानगरी)...
प्रक्रिया उद्योगातून सोयाबीनचे...शहरी बाजारपेठेची गरज लक्षात घेऊन पिंपरी-चिंचवड...
महिला एकत्रीकरणातून बदलाला सुरुवातमासेमारी आणि शेतमजुरी करतो. त्यामुळे...
ममताबाई झाल्या परसबागेच्या गाइडअकोले (जि. नगर) तालुक्याच्या आदिवासी भागातील...
बांबू कलाकारीतून तयार केली ओळखकला पदवीधर असलेल्या सौ. संगीता दिलीप वडे यांनी...
हळद पावडर उद्योगात तयार केली ओळखसांगलीची बाजारपेठ हळकुंड आणि हळद पावडरीसाठी देश-...
कोकणी मेव्यातून मिळाला आश्वासक रोजगारभंडारपुळे (जि. रत्नागिरी) येथील मोरया स्वयंसहायता...
मसालेनिर्मितीतून संस्कृती गट झाला...ओझर्डे (ता. वाई, जि. सातारा) येथील संस्कृती महिला...
गोधडीला मिळाली परदेशातही ओळखपुणे शहराच्या कोंढवा बुद्रुक परिसरातील अर्चना...
कांदळवन पर्यटन, संवर्धनातून ‘स्वामिनी’...वेंगुर्ला (जि. सिंधुदुर्ग) येथील स्वामिनी महिला...
‘निर्मिती’ची स्वयंरोजगारातून वेगळी ओळखनगर जिल्ह्याच्या संगमनेर तालुक्यातील दुष्काळी...