agriculture news in marathi Thousands of farmers in Akola, Buldana district await compensation | Agrowon

शेतकऱ्यांना नुकसान भरपाईची प्रतीक्षा

टीम अॅग्रोवन
रविवार, 25 ऑक्टोबर 2020

अकोला ः शासनाने शुक्रवारी (ता.२३) जाहीर केलेल्या नुकसान भरपाईच्या पॅकेजमध्ये अकोला, बुलडाणा जिल्ह्यातील नुकसानग्रस्त शेतकऱ्यांना मदतीची आशा आहे.

अकोला ः शासनाने शुक्रवारी (ता.२३) जाहीर केलेल्या नुकसान भरपाईच्या पॅकेजमध्ये अकोला, बुलडाणा जिल्ह्यातील नुकसानग्रस्त शेतकऱ्यांना मदतीची आशा आहे. जिल्हा प्रशासनाकडून याबाबत शासनाकडे अहवाल पाठविण्यात आला आहे. त्यावर आधारित मदतीचे वाटप होईल, अशी शक्यता आहे.

यावर्षी जून ते सप्टेंबर दरम्यान झालेली अतिवृष्टी व परतीच्या पावसामुळे झालेल्या नुकसानीसाठी शासनाने पॅकेजची घोषणा केली. अकोला जिल्ह्यात जून ते सप्टेंबर या काळात अतिपावसामुळे ५१ हजार ६४८ हेक्टरवरील पिकांचे नुकसान झाल्याचा अहवाल प्रशासनाने सादर केला. ७० हजार ८४५ शेतकऱ्यांचे हे नुकसान झाले. त्यासाठी ३७ कोटी पेक्षा अधिक निधीची गरज असल्याची अपेक्षा व्यक्त करण्यात आली होती.

यंदा सुरवातीपासूनच पावसाचा जोर काही भागात अधिक राहिला. अतिपावसामुळे सोयाबीनवर खोडकिडा वाढला होता. मूग, उडदापाठोपाठ ज्वारीच्या पिकांचेही नुकसान झाले आहे. अतिप्रमाणात पाऊस झाल्याने कपाशीची बोंडे काळवंडली होती.

नुकसानाचा कृषी व महसूल यंत्रणांनी अहवाल तयार केला होता. यानुसार जून ते सप्टेंबर या काळात ८४० गावांतील ५१६४८ हेक्टरवरील पिकांचे नुकसान झाले. ७० हजार ८४५ शेतकऱ्यांना ही झळ झेलावी लागली होती. या सर्व शेतकऱ्यांना मदतीची अपेक्षा लागली आहे. 

जून ते सप्टेंबर या काळात बुलडाणा जिल्ह्यात  ६४७१० शेतकऱ्यांचे ६१६८९ हेक्टरचे नुकसान झाले. ऑगस्ट-सप्टेंबरच्या काळात सातत्याने पाऊस झाला. परिणामी, सोयाबीन, कापूस या पिकांचे अतोनात नुकसान झाले. आता ऑक्टोबरमध्येही परतीच्या पावसाने देऊळगावराजा, सिंदखेडराजा तालुक्यात धूळधाण केली आहे. उर्वरित तालुक्यातही प्रचंड नुकसान झाले आहे. त्याचा अहवालात समावेश नाही. शासनाच्या नियमानुसार अहवाल दिलेले शेतकरी मदतीस पात्र ठरू शकतात.

ऑक्टोबरमधील नुकसानाचे काय?

जिल्ह्यात या महिन्यात परतीच्या पावसाने मोठे नुकसान केले. मात्र, या नुकसानाचे पंचनामे अद्यापही झाले नसल्याचे समजते. या महिन्यातील पावसामुळे ज्वारीच्या कणसांतून कोंब बाहेर आले आहेत. शिवाय पावसामुळे वेचणीला आलेल्या कापसाचेही मोठे नुकसान झाले. मळणी केलेले सोयाबीन खराब झाली. या नुकसानग्रस्तांना मदतीसाठी कुठला अहवाल ग्राह्य धरणार हा प्रश्‍न आहे.


इतर बातम्या
मराठवाडा, विदर्भात हलक्या पावसाची शक्यतापुणे ः बंगालच्या उपसागराच्या नैर्ऋत्य भागात ‘...
पीककर्जाची प्रकरणे तत्काळ मार्गी लावा...नाशिक ः ‘‘छत्रपती शिवाजी महाराज सन्मान...
नाशिक जिल्ह्यातील कांद्याच्या दरात...नाशिक : सोमवारी (ता. २३) जिल्ह्यातील प्रमुख बाजार...
कुरखेड्यात ‘महावितरण’वर शेतकऱ्यांचा...गडचिरोली : कृषी पंपाच्या फिडरवर सुरू असलेले...
बुलडाणा जिल्ह्यात गुलाबी बोंडअळीने...बुलडाणा : जिल्ह्यात सुमारे १७४ गावांत गुलाबी...
मठपिंपळगाव-गोलापांगरीत द्राक्षात खर्च,...अंबड, जि. जालना : मठपिंपळगाव-गोलापांगरी परिसरातील...
`नांदेड जिल्ह्यातील नुकसानग्रस्तांना...नांदेड : अतिवृष्टी तसेच परतीच्या पावसामुळे...
बारामतीत हमीभावाने मका खरेदी सुरूपुणे ः बारामती येथील कृषी उत्पन्न बाजार...
नगरमध्ये कांदा चाळ अनुदानासाठी उपोषणनगर ः कृषी विभागाने पूर्वपरवानगी दिल्यानंतर...
जळगाव जिल्ह्यात केळीच्या विमा...जळगाव ः हवामानावर आधारित फळ पीकविमा योजनेतून...
वीजजोड तोडल्यास आसूडाचा प्रहारकऱ्हाड,  जि.  सातारा : लॉकडाउन काळातील...
सांगली जिल्ह्यात दूध संकलनात २५ हजार...सांगली ः ऑक्टोबर ते जानेवारीअखेर हा दूध...
पीकविमा हप्ता २७ नोव्हेंबरपूर्वीच भरा...सिंधुदुर्ग : बदलत्या वातावरणामुळे जिल्ह्यातील...
‘वान’च्या पाण्याविरुद्ध नागरिकांचे धरणे अकोला : तेल्हारा तालुक्यातील वान प्रकल्पाचे पाणी...
वीज जोडणी न देताच कृषीपंपाची लाखोंची...नांदेड : कुंडलवाडी (ता. बिलोली) येथील पाच...
मराठवाड्यात कापसाच्या दरात किंचित...औरंगाबाद : खासगीत कापूस खरेदीचे दर किंचित...
परभणीत भाजपकडून वीजबिलांची होळी परभणी :  वाढीव वीज देयकांच्या निषेधार्थ...
खानदेशात ऊस लागवड वाढण्याची शक्यताजळगाव ः वाढती खासगी कारखानदारी व इतर...
जळगाव जिल्ह्यात कांदा बिजोत्पादन...जळगाव : जिल्ह्यात यंदा कांदा बिजोत्पादनाचे...
कलदगाव, नायगाव येथे कापूस खरेदी सुरु नांदेड  : भारतीय कपास निगमच्या (सीसीआय)...