Agriculture news in Marathi Thousands of hectares of paddy fields in Ratnagiri affected by floods | Agrowon

रत्नागिरीत हजार हेक्टर भातक्षेत्र पुरामुळे बाधित

टीम अॅग्रोवन
मंगळवार, 27 जुलै 2021

अतिवृष्टीमुळे मोठ्या नद्यांना आलेल्या पुरात लागवड केलेल्या भातशेती वाहून गेल्यामुळे जिल्ह्यात एक हजार हेक्टरचे नुकसान झाल्याचा प्राथमिक अंदाज वर्तविला जात आहे.

रत्नागिरी : अतिवृष्टीमुळे मोठ्या नद्यांना आलेल्या पुरात लागवड केलेल्या भातशेती वाहून गेल्यामुळे जिल्ह्यात एक हजार हेक्टरचे नुकसान झाल्याचा प्राथमिक अंदाज वर्तविला जात आहे. पंचनामे सुरू असून, अनेक ठिकाणी किनारी भागात पुराचे पाणी असल्यामुळे नुकसानीत वाढ होण्याची शक्यता आहे.

पाच दिवसांपूर्वी जिल्ह्यात मुसळधार पावसाने थैमान घातले होते. खेड, चिपळूण, संगमेश्‍वर, रत्नागिरी, लांजा आणि राजापूर तालुक्यात पूरपरिस्थिती निर्माण झाली होती. या भागातील जगबुडी, वाशिष्ठी, सोनवी, शास्त्री, बावनदी, काजळी आणि अर्जुना नद्यांना पूर आला होता. पुराचे पाणी किनारी भागातील गावांमध्ये शिरले होते. दहा फुटांपेक्षा अधिक पाणी पातळी होती. कोट्यावधीचे नुकसान झाले असून, यामध्ये भातशेतीलाही फटका बसला आहे. 

जुलैच्या पहिल्या आठवड्यात भात लावणीची कामे पूर्ण झालेली होती. त्याचवेळी पूर आल्याने भातशेती वाहून गेली आहे. काही ठिकाणी रोपे लावून दोनच दिवस झाले होते. पुराच्या पाण्याबरोबर माती, दगडांचा खच शेतात येऊन बसला आहे. काही ठिकाणी अजूनही शेतात पाणी साचून राहिलेले आहे. पूर ओसरल्यानंतर कृषी विभागाकडून नुकसानीचे पंचनामे करण्यास सुरुवात झाली आहे. मात्र, फूटभर पाणी असल्यामुळे नुकसानीचा अंदाज घेणे अशक्य झाले आहे. तरीही प्राथमिक अंदाजानुसार एक हजार हेक्टर क्षेत्र बाधित झाले आहे. चार दिवसांत पंचनामे पूर्ण होतील, असे कृषी विभागाकडून सांगण्यात आले. 

रत्नागिरी तालुक्यातील काजळी नदीच्या किनाऱ्यावर असलेल्या हरचिरी, चांदेराई, तोणदे, पोमेंडी, टेंबे, सोमेश्‍वर, चिंचखरी या गावांतील भातशेतीचे नुकसान झाले आहे. चिंचखरी येथील बांधलेला बंधारा फुटल्यामुळे शेतकरी हेमंत फाटक यांच्या शेतात खारे पाणी आले आहे. बंधाऱ्याचा सुमारे पंधरा फूट रुंदीचा भाग कोसळला झाले आहे. गेले तेरा दिवस त्यांची शेती पाण्याखाली राहिल्यामुळे मोठे नुकसान झाले आहे. काजळी नदी किनारी असलेल्या पोंमेंडीतील शेतकऱ्यांच्या शेतात पूर्ण गाळ साचून राहिला आहे. प्राथमिक अंदाजानुसार चिपळूण ५३६ हेक्टर, संगमेश्‍वर ३०३ हेक्टर, राजापूर १०० हेक्टर, रत्नागिरी ६० हेक्टर, खेड ३२ हेक्टरचे नुकसान नोंदले गेले आहे. पंचनाम्याचा अहवाल दोन दिवसांनी प्राप्त होईल, असे सांगण्यात येत आहे.

पुरामुळे बाधित क्षेत्राचे पंचनामे करण्याचे काम सुरू आहे. प्रत्येक शेतकऱ्यांच्या शेतामध्ये जाऊन हे काम सुरू आहे.
- विनोद हेगडे, तालुका कृषी अधिकारी, रत्नागिरी


इतर ताज्या घडामोडी
मुंबै बँकेची चौकशी केवळ सुडाने आणि...मुंबई ः मुंबै बँकेच्या विरोधात चौकशी करण्याचा...
नाशिक जिल्ह्याच्या पश्चिम भागात पावसाची...नाशिक : जिल्ह्यात पावसाने ओढ दिल्यानंतर पुन्हा...
तापी, वाघूर, गिरणा नदीला पुन्हा पूरजळगाव  : जिल्ह्यात महत्त्वाच्या मानल्या...
‘येलदरी’च्या १०, ‘सिद्धेश्‍वर’च्या १२...परभणी ः परभणी, हिंगोली जिल्ह्यांत बुधवारी (ता. २२...
‘मांजरा’ ४२ वर्षांत पंधरा वेळा भरलेलातूर ः लातूर, उस्मानाबाद आणि बीड जिल्ह्यांच्या...
परभणी : ‘ई-पीक पाहणी’वर ७७ हजार...परभणी ः ‘‘ई-पीक पाहणी मोबाईल ॲपद्वारे यंदाच्या...
पुण्यातील धरणांच्या पाणलोटात पावसाचा...पुणे : गेल्या दोन दिवसांपासून धरणक्षेत्रात...
साताऱ्यात ई-पीक पाहणीस अल्प प्रतिसाद सातारा : सातारा जिल्ह्यात ई-पीक पाहणी प्रक्रियेस...
बुलडाण्यात ७४ टक्के शेतकऱ्यांना मिळाले...बुलडाणा : यंदाच्या खरीप हंगामासाठी नियोजित...
नांदेड : पीकविमा कंपनीच्या विरोधात धरणे...नांदेड : मुखेड तालुक्यात इफ्को टोकियो पीकविमा...
जनावरांचे बाजार कोल्हापुरात सुरू कोल्हापूर : कोरोनामुळे बंद असलेले जनावरांचे बाजार...
अकोला : पावसामुळे सोयाबीन, कापूस...अकोला : आठवडाभराच्या विश्रांतीनंतर या भागात...
नागपुरात पीक नुकसानीचे  पंचनामे सुरू...नागपूर : गेल्या काही दिवसांत नागपूर जिल्ह्यात...
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...