agriculture news in marathi, Thousands of lease pendences have been canceled | Agrowon

लीज पेंडन्सीच्या सव्वासात हजार नोंदी रद्द

टीम अॅग्रोवन
गुरुवार, 2 ऑगस्ट 2018
नाशिक : महसूल प्रशासनाने आतापर्यंत जिल्ह्यातील १० हजार १९० गटांवरील ७ हजार २६३ लीज पेंडन्सीच्या नोंदी रद्द केल्या आहेत. त्यामध्ये सर्वाधिक २ हजार ८०८ नोंदी एकट्या सिन्नर तालुक्यामधील असून, पेठ तालुक्यात अवघ्या पाच नोंदी रद्द झाल्याची माहिती जिल्हा प्रशासनाने दिली आहे.
 
नाशिक : महसूल प्रशासनाने आतापर्यंत जिल्ह्यातील १० हजार १९० गटांवरील ७ हजार २६३ लीज पेंडन्सीच्या नोंदी रद्द केल्या आहेत. त्यामध्ये सर्वाधिक २ हजार ८०८ नोंदी एकट्या सिन्नर तालुक्यामधील असून, पेठ तालुक्यात अवघ्या पाच नोंदी रद्द झाल्याची माहिती जिल्हा प्रशासनाने दिली आहे.
 
जमीन खरेदी-विक्री व्यवहारांमध्ये जमीनमालक आणि ती खरेदी करणारा यांच्यात व्यवहार करार झाल्यानंतर जागामालकाला काही रक्कम टोकन म्हणून दिली जाते. परंतु, काही वेळा असे व्यवहार अपूर्ण राहतात. संबंधित जागामालक अन्य व्यक्तींशी जमिनीच्या व्यवहाराची तयारी करतो. परंतु, अशा व्यवहारावर सुरवातीच्या खरेदीदाराला आक्षेप असतो. परिणामी संबंधित जमिनीचा व्यवहार अडचणीत सापडतो. अशी प्रकरणे न्यायालयांपर्यंत जातात. न्यायालयात गेलेली अथवा न गेलेली अशी प्रकरणे लीज पेंडन्सी म्हणून ओळखली जातात.
 
महाराष्ट्र जमीन महसूल अधिनियम १९६६ च्या कलम १४८ नुसार सातबारा उताऱ्यावर नेमक्या कोणत्या नोंदी असायला हव्यात हे स्पष्ट करण्यात आले आहे. लीज पेंडन्सीचा त्यामध्ये उल्लेख नाही. परंतु, तरीही या नोंदींमुळे जमिनींच्या व्यवहारांना खीळ बसत असल्याचे चित्र होते. त्यामुळे सात-बारा उताऱ्यांवरील अशा नोंदी रद्द करण्याचा निर्णय जिल्हा प्रशासनाकडून घेण्यात आला. जिल्हाधिकारी राधाकृष्णन बी यांनी ९ जुलै रोजी याबाबतचे परिपत्रक काढले होते.
ज्या प्रकरणांमध्ये न्यायालयाने हरकत घेतली आहे किंवा काही आदेश दिले आहेत, अशी प्रकरणे वगळून अन्य सर्व प्रकरणांमध्ये लीज पेंडन्सीच्या नोंदी रद्द करण्याची जबाबदारी तलाठी आणि मंडल अधिकाऱ्यांवर सोपविण्यात आली आहे. त्यानुसार यंत्रणा कामाला लागली असून सिन्नर तालुक्यात सर्वाधिक २ हजार ८०८, तर पेठ तालुक्यात सर्वात कमी ५ लीज पेंडन्सीच्या नोंदी रद्द करण्यात आल्या आहेत.
 
तालुकानिहाय रद्द केलेल्या लीज पेंडन्सी
तालुका    रद्द लीज पेंडन्सी
सिन्नर    २,८०८
नाशिक    १,६०६
निफाड  ५८९
दिंडोरी   ४७९
मालेगाव   ४६४
इगतपुरी    ४१९
बागलाण    १८८
येवला १८३
त्र्यंबकेश्वर    १५३
नांदगाव   १०६
देवळा    १०३
चांदवड    ९०
कळवण    ५४
सुरगाणा    २५
पेठ    ०५
एकूण    ७,२७२

 


इतर ताज्या घडामोडी
इगतपुरी, सिन्नर तालुक्यात पावसामुळे...नाशिक : दसरा व दिवाळी सणाची बाजारपेठ समोर ठेऊन...
सांगली जिल्ह्यात अतिवृष्टीचा १७ हजार...सांगली : जिल्ह्यात गेल्या पंधरा दिवसांपूर्वी...
खानदेशात दुष्काळी भागात मुबलक जलसाठा जळगाव ः खानदेशातील आवर्षप्रवण भागातील  ...
सिंधुदुर्ग जिल्ह्यात साडेसहा हजार...सिंधुदुर्ग : जिल्ह्यात परतीच्या पावसाने नुकसान...
सांगली जिल्ह्यात द्राक्षबागा...सांगली : गेल्या वर्षी झालेल्या अतिवष्टीमुळे...
शेतकऱ्यांना नुकसान भरपाईची प्रतीक्षाअकोला ः शासनाने शुक्रवारी (ता.२३) जाहीर...
पुण्यात दसऱ्यानिमित्त फुलबाजार फुलला पुणे ः कोरोना संकटामुळे मार्चपासून सलग पाच...
सोयाबीनमध्ये तेजीचाच कलअकोला ः या हंगामातील सोयाबीन काढणी जोरात सुरू...
‘पाटबंधारे’च्या मनमानीमुळे शेतकऱ्यांचे...नाशिक : गेल्या २५ वर्षांपासून बागलाण तालुक्यातील...
सातारा जिल्ह्यास पावसाने पुन्हा झोडपलेसातारा ः जिल्ह्यातील माण, खटाव, कऱ्हाड,...
कापूस, मका हमीभावाकडे दुर्लक्षः...जळगाव ः कापूस, मका हे राज्यात महत्त्वाचे पीक...
वनाधिपती विनायकदादा पाटील यांचे निधन नाशिक: स्थानिक पातळीवरून थेट राज्याच्या राजकारणात...
औरंगाबादमध्ये कांदा सरासरी ३५०० रुपये औरंगाबाद : येथील कृषी उत्पन्न बाजार...
राज्यातून मॉन्सून परतीच्या वाटेवर; पाऊस...महाराष्ट्रातून मॉन्सून बाहेर पडण्याच्या वाटेवर...
सांधेदुखी, सूजेवर आरोग्यदायी गोखरूगोखरू ही झुडूपवर्गीय वनस्पती आहे. या वनस्पतीला...
शेतकऱ्यांना मदत देण्यासाठी प्रयत्न करु...सोलापूर : ‘‘अतिवृष्टी आणि पुरामुळे शेतपिकांचे...
खानदेशात पावसाने दाणादाण सुरूचजळगाव ः खानदेशात गेले दोन दिवस अनेक भागात मध्यम...
जिगाव प्रकल्पग्रस्तांना मिळणार योग्य...बुलडाणा ः जिगाव प्रकल्पग्रस्तांना योग्य मोबदला...
सोलापुरात नुकसानग्रस्तांसाठी `रयत’चे...सोलापूर : सोलापूरसह संपूर्ण राज्यात अतिवृष्टीमुळे...
साताऱ्यात रब्बीची १२ टक्के क्षेत्रावर...सातारा : जिल्ह्यात परतीच्या पावसाने झोडपल्याने...