नागपूर ः कापूस खरेदी केंद्रावरील कर्मचारी व त्यांच्या कुटुंबीयांची कोरोना विषाणूंपासून सुरक्षा तसेच केंद्रावर कोरोना प्रतिबंधात्मक उपाययोजनांचे पालन कठीण असल्याचे सांगत महाराष्ट्र राज्य सहकारी कापूस उत्पादक पणन महासंघ तसेच सीसीआयने कापूस खरेदीबाबत असमर्थता व्यक्त केली आहे. उन्हाचा चटका वाढत असल्याने शिल्लक ८० लाख क्विंटल कापसाची जोखीम देखील वाढली आहे. महाराष्ट्र राज्य सहकारी कापूस उत्पादन पणन महासंघाने खरेदीबाबत असमर्थता व्यक्त केली आहे. एका जिनींगमध्ये ५० ते ७० कर्मचारी राहतात. त्यामुळे कोरोना प्रतिबंधात्मक उपाययोजनांचे पालन अशा ठिकाणी होणे नाही. त्यामुळे कापूस खरेदीसाठी अधिकृत नियमावली किंवा शासन आदेश प्राप्त होत नाहीत तोवर खरेदी शक्य नसल्याचे पणन महासंघाने थेट म्हटले आहे. जिनींगमधील बहुतांश मजूर लॉकडाऊनमुळे यापूर्वीच आपल्या गावी परतला आहे. मजुराअभावी कापूस प्रक्रिया होणार नाही. खरेदी केलेल्या कापसावर तत्काळ प्रक्रिया न केल्यास मोठे आर्थिक नुकसान होण्याची शक्यता आहे. कापूस खरेदी करतेवेळी एकमेकांच्या संपर्कात आल्याने केंद्रावरील कर्मचारी, मजूर बाधीत झाल्यास त्यांच्या कुटुंबीयांना देखील धोका संभवतो. गावस्तरावर देखील बाधीतांची संख्या यामुळे वाढण्याची भिती आहे. त्यामुळे कोरोनाचा प्रादुर्भाव कमी झाल्यास किंवा शासनाने आदेश दिल्यास कापूस खरेदी सुरु केली जाईल, असे पणन महासंघाचे अध्यक्ष अनंतराव देशमुख व उपाध्यक्ष विष्णुपंत सोळंके यांनी सांगितले. तीन ठिकाणी प्रशासनाचा पुढाकार राज्यात नांदेड, चंद्रपूर आणि यवतमाळ जिल्हाधिकाऱ्यांकडून खरेदी सुरु करण्याचे आदेश सीसीआय व पणन महासंघाला देण्यात आले आहे. नांदेड आणि चंद्रपूरमध्ये स्थानिक प्रशासनाने कोरोना प्रतिबंधात्मक उपायांची जबाबदारी स्वतःवर निश्चीत केली आहे. शेतकऱ्यांची आधी नोंदणी करुन रोज दहा गाड्यांची खरेदी येथे केली जाणार आहे. यवतमाळमध्ये या मुद्यावर एकमत होत नसल्याने अनिश्चितता आहे. अशी आहे स्थिती कापूस लागवड क्षेत्र (हेक्टरमध्ये) महाराष्ट्र ः ४३.८४ लाख विदर्भ ः १८ लाख मराठवाडा व खानदेश ः २.६ लाख शिल्लक कापूस (क्विंटल) राज्यात ः ७८ ते ८० लाख विदर्भ ः २७ ते ३० लाख मराठवाडा व खानदेश ः ४८ ते ५० लाख ज्येष्ठ कापूस तज्ज्ञ गोविंद वैराळे यांनी सुचविलेले उपाय
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.