agriculture news in marathi three hundred twenty three hectare crop damage in Satara District | Page 2 ||| Agrowon

साताऱ्यात ३२३ हेक्‍टरवर पिकांचे मोठे नुकसान

ॲग्रोवन वृत्तसेवा
शनिवार, 17 एप्रिल 2021

सातारा : नुकत्याच झालेल्या पूर्वमोसमी वादळी पाऊस आणि गारपिटीमुळे कोरेगाव, खटाव, पाटण व माण तालुक्‍यातील ३२३.३६ हेक्‍टर क्षेत्रावरील बागायती व फळपिकांचे नुकसान झाले आहे.

सातारा : नुकत्याच झालेल्या पूर्वमोसमी वादळी पाऊस आणि गारपिटीमुळे कोरेगाव, खटाव, पाटण व माण तालुक्‍यातील ३२३.३६ हेक्‍टर क्षेत्रावरील बागायती व फळपिकांचे नुकसान झाले आहे. यामध्ये एक हजार २९ शेतकरी बाधित झाले आहेत. सर्वाधिक नुकसान खटाव तालुक्‍यात झाले आहे. सध्या पंचनामे कृषी व महसूल विभागाकडून सुरू असून या नुकसानीमध्ये आणखी वाढ होण्याची शक्‍यता आहे. 

चार दिवसांत झालेल्या पूर्वमोसमी पाऊस व गारपिटीचा सामना शेतकऱ्यांना करावा लागला आहे. याचा सर्वाधिक फटका कोरेगाव, खटाव, माण व पाटण तालुक्‍यातील शेतकऱ्यांना बसला आहे.  वादळी वाऱ्यासह झालेल्या अवकाळी पावसात झालेल्या गारपिटीमुळे कोरेगाव तालुक्‍यात काही ठिकाणी रस्त्यांवर व शेतात गारांचा खच पडला होता. त्यामुळे गारपिटीमुळे फळपिकांचे मोठे नुकसान झाले आहे. आंबा, कलिंगड, चिकू या फळांची गळ होऊन हातातोंडाशी आलेला घास शेतकऱ्यांचा हिरावला आहे. तसेच कोरोनाच्या लॉकडाउनमध्ये आर्थिक आधार ठरलेल्या बागायती पिकांचेही मोठे नुकसान झाले आहे. 

कोरेगाव तालुक्‍यातील ८७ हेक्‍टर क्षेत्र बाधित झाले असून, २९१ शेतकऱ्यांचे नुकसान झाले आहे. खटाव तालुक्‍यातील २३७ हेक्‍टर क्षेत्रावरील पिकांचे नुकसान होऊन ७२९ शेतकऱ्यांचे नुकसान झाले आहे. पाटण तालुक्‍यातील एका शेतकऱ्याचे ०.२६ हेक्‍टरवरील शेतीचे नुकसान झाले आहे. तर माण तालुक्‍यातील २.१० हेक्‍टरवरील पिकांचे नुकसान होऊन आठ शेतकऱ्यांचे नुकसान झाले आहे. अद्याप कृषी विभाग व महसूल विभागाकडून नुकसानीचे पंचनामे सुरू असून या नुकसानीत आणखी भर पडणार आहे. आता या नुकसान झालेल्या शेतकऱ्यांना शासनाने आपत्कालीन परिस्थितीत भरपाई मिळावी, अशी मागणी जोर धरू लागली आहे. 

या पिकांना फटका...
टोमॅटो, वांगी, कांदा, भाजीपाला, मका, झेंडू, पपई, घेवडा, हरभरा, बाजरी, मिरची, भोपळा, आंबा, चिकू, कलिंगड, डाळिंब आदी. 


इतर ताज्या घडामोडी
नाशिक जिल्ह्यात बाजार समित्यांमध्ये...नाशिक : पणन विभागाच्या परिपत्रकात सलग ३...
नाशिक : 'ऑक्सिजन एक्स्प्रेस'द्वारे २७....नाशिक : ‘‘जिल्ह्यातील प्राणवायूची तूट भरून...
सांगलीत केळीच्या क्षेत्रात घट होण्याची...सांगली ः जिल्ह्यात गेल्या दोन वर्षात झालेल्या...
रत्नागिरीत ३७ टन काजू बी तारणरत्नागिरी ः काजूचे बाजारातील दर घसरल्यानंतर...
आदिवासी विकास मंडळ करणार गव्हाची खरेदीयवतमाळ : आदिवासी विकास महामंडळाकडून राज्यात...
परभणीत सोयाबीनचे दीड हजार क्विंटल...परभणी ः परभणी तालुक्यात यंदा ११० हेक्टरवर उन्हाळी...
भुईमुगाचे वाण निकृष्ट, कंपन्यांवर...यवतमाळ : जिल्ह्यात भुईमुगाच्या शेंगा न धरण्याचे...
नगरमध्ये महावितरणच्या पायाभूत सुविधांचे...नगर : कृषिपंप वीज धोरण २०२०च्या अंमलबजावणीमुळे...
धान चुकाऱ्याअभावी शेतकऱ्यांची आर्थिक...गोंदिया : गेल्यावर्षी आधारभूत दराने धान विक्री...
सांगलीत खरिपासाठी हवे ३३ हजार ६९०...सांगली  : यंदाच्या खरीप हंगामाची तयारी कृषी...
औरंगाबादमध्ये खरबुजाला सरासरी १०००...औरंगाबाद : येथील कृषी उत्पन्न बाजार समितीमध्ये...
तुलनेत यंदा दुपटीने गाळपकोल्हापूर : गेल्या हंगामापेक्षा यंदाच्या हंगामात...
कृषी सल्ला : कापूस, भुईमूग, कांदा, फळ...जमिनीची खोल नांगरट करावी. त्यामुळे जमिनीत...
अस्वलाकडून होणाऱ्या नुकसानीमुळे शेतकरी...भंडारा : जंगलालगत असलेल्या शेतीत वन्यप्राण्यांचा...
अनिल देशमुख यांच्यावर गुन्हा दाखल, ‘...मुंबई : माजी गृहमंत्री अनिल देशमुख यांच्यावर...
अति उष्ण, ढगाळ हवामानआठवडा अखेरपर्यंत ते १००६ हेप्टापास्कल इतके राहतील...
पुणे-नाशिक सेमी हायस्पीड रेल्वेचे...पुणे ः बहुप्रतीक्षित पुणे-नाशिक सेमी हायस्पीड...
नाशिक : माथाडी युनियनकडून ‘काम बंद’नाशिक : राज्य शासनाच्या विविध माथाडी मंडळातील...
पुणे ‘जि.प.’तर्फे कर्मचाऱ्यांना मिळणार...पुणे ः ‘‘जिल्हा परिषदेच्या बक्षिस योजनेतून आता...
‘खरिपात सोयाबीनचे घरचेच बियाणे वापरा’सातारा : येत्या खरीप हंगामात  सोयाबीनचे...