Agriculture news in Marathi The threshing season will be extended in Satara district | Page 2 ||| Agrowon

सातारा जिल्ह्यात गाळप हंगाम लांबणार

टीम अॅग्रोवन
मंगळवार, 30 मार्च 2021

जिल्ह्यातील १४ साखर कारखान्यांनी ९० लाख ५३ हजार ६८३ मेट्रिक टन उसाचे गाळप करून एक कोटी एक लाख पाच हजार ७९६ क्विंटल साखरेची निर्मिती केली आहे.  

सातारा : जिल्ह्यातील ऊस तोडणीसाठी अद्याप मोठ्या प्रमाणात शिल्लक असल्याने हा ऊस गाळप हंगाम लांबणार आहे. आगामी वर्षभरात अनेक कारखान्यांच्या निवडणुका असल्याने आपापल्या कार्यक्षेत्रातील जास्तीत जास्त ऊस तोडणीवर भर दिला आहे. जिल्ह्यातील १४ साखर कारखान्यांनी ९० लाख ५३ हजार ६८३ मेट्रिक टन उसाचे गाळप करून एक कोटी एक लाख पाच हजार ७९६ क्विंटल साखरेची निर्मिती केली आहे.  

जिल्ह्यातील ऊस गळीत हंगाम अंतिम टप्प्यात आला असला तरी अद्याप मोठ्या प्रमाणात ऊस शिल्लक आहे. त्यामुळे अखेरच्या टप्प्यात हार्वेस्टर मशिनच्या साहाय्याने उसाची तोडणी सुरू केली आहे. यावर्षी खासगी साखर कारखान्यांनी मिळून विक्रमी साखर निर्मिती केली आहे. सहकारी साखर कारखान्यांचे गाळप धिम्या गतीने सुरू आहे. दोन साखर कारखाने वगळता उर्वरित १४ साखर कारखान्यांनी गाळप केले आहे. साडेचार ते पाच महिने हंगाम सुरू आहे. यावर्षी प्रत्येक कारखान्याच्या कार्यक्षेत्रात पुरेसा ऊस असल्याने उसाची पळवापळवी झालेली नाही. मात्र, शेतकऱ्यांपुढे उसाला चांगला दर देणाऱ्या कारखान्यांचा ऑप्शन राहिला आहे. यावर्षी बहुतांशी कारखान्यांच्या निवडणुका तोंडावर आल्यामुळे कार्यक्षेत्रातील सर्व ऊस तोडण्यावर भर दिला आहे.

जिल्ह्यातील १४ साखर कारखान्यांनी ९० लाख ५३ हजार ६८३ मेट्रिक टन उसाचे गाळप करून एक कोटी एक लाख पाच हजार ७९६ क्विंटल साखरेची निर्मिती केली आहे. ऊस परिपक्व होण्याचे प्रमाण वाढले असल्याने साखर उताऱ्यात सुधारणा झाली असून सध्या सरासरी ११.१६ टक्के साखर उतारा मिळत आहे. गाळप व साखर निर्मितीत जरंडेश्‍वर कारखान्याने आघाडी कायम असून, आतापर्यंत १२ लाख ९५ हजार ६४० मेट्रिक टन उसाचे गाळप करून १४ लाख ७० हजार ८०० क्विंटल साखरेची निर्मिती केली आहे. तर साखर उताऱ्यात सह्याद्री कारखान्याची आघाडी कायम आहे.

लवकर तोडणीसाठी पैसे देणे हाच पर्याय
सध्या ऊस तोडणीसाठी टोळींकडून एकरी चार ते पाच हजारांची मागणी होत आहे. शेतकऱ्यांची गरज बघून पैसे काढण्याचे प्रकार सुरू आहे. बिगर नोंदणीच्या उसाला जास्त मागणी होत आहे. त्यातच सध्या पाणी टंचाई भासू लागल्याने ऊस लवकर तुटावा म्हणून शेतकऱ्यांना पैसे दिल्याशिवाय पर्याय उरलेला नाही.


इतर ताज्या घडामोडी
शेतकऱ्यांना बियाण्यांबाबत स्वावलंबी...औरंगाबाद : ‘‘शेतकऱ्यांना बियाण्यांच्या बाबतीत...
परभणी, हिंगोली जिल्ह्यात पंधरा...परभणी  : परभणी, हिंगोली जिल्ह्यातील १५...
परभणी जिल्ह्यात अतिवृष्टिग्रस्तांसाठी...परभणी ः जिल्ह्यात जुलै महिन्यात झालेल्या...
लखीमपूर हिंसाचार : आशिष मिश्राला ‘नोटीस...लखीमपूर, उत्तरप्रदेश ः येथील हिंसाचारप्रकरणी...
सत्तेचा दुरुपयोग सगळ्यांनाच दिसतो आहे...सोलापूर : ‘‘निवडणुकी आधी मला ईडीची नोटीस पाठवली,...
बुलडाण्यात खरीप हंगामात ९५० कोटी...बुलडाणा : अतिवृष्टी, पूर परिस्थितीने यंदाच्या...
साडेचार हजार रुपयांचा पहिला हप्ता उसाला...कुडित्रे, जि. कोल्हापूर : यंदा उसाला उत्पादन...
वादळी पावसामुळे ऊस उत्पादकांचे लाखोंचे...आर्णी, जि. यवतमाळ : संततार पाऊस, वादळाचा...
सांगली जिल्ह्यात रब्बीच्या पेरण्या सुरू सांगली : जिल्ह्यात रब्बी हंगामातील पेरण्यांना...
पुणे बाजार समिती सेस प्रवेशद्वारावर ...पुणे : गुलटेकडी येथील कृषी उत्पन्न बाजार समिती सह...
आंबा, काजू विमा परतावा मंडलनिहाय जाहीर सिंधुदुर्गनगरी : फळपीक विमा योजनेचा परतावा...
कंबोडियाची शाही नांगरणीशेती व्यवसायावर भर देणाऱ्या कंबोडियामध्ये...
कोरडवाहूमध्ये चिंचेची वनशेतीऔषधी गुणांमुळे चिंचेला भारतीय खजूर असे म्हणतात....
छापेमारीच्या हेतूबाबत आयकर विभागच सांगू...मुंबई ः राज्याचे उपमुख्यमंत्री अजित पवारांशी...
मराठवाड्यातील २३१ मंडलांत पाऊसपरभणी ः मराठवाड्यातील २३१ मंडलांत बुधवारी (ता. ६...
पुणे जिल्हा बँकेतर्फे रब्बी पीककर्ज...पुणे : खरीप हंगामात सप्टेंबरमध्ये चांगला पाऊस...
रत्नागिरी : आंबा, काजू विमा परतावा ५३...रत्नागिरी ः वातावरणातील बदलामुळे नुकसान झालेल्या...
शेतकऱ्यांची वीज कापली; लोकप्रतिनिधी...जळगाव ः जिल्हा नियोजन समितीच्या बैठकीत...
आंबा प्रक्रिया उद्योग उभारण्यासाठी...रत्नागिरी ः पंतप्रधान सूक्ष्म अन्नप्रक्रिया...
सोलापूर जिल्हा परिषद अध्यक्षांवर...सोलापूर : नराळे (ता. सांगोला) येथील आरोग्य...