agriculture news in marathi, thrid day Milk collection affects in marathwada | Agrowon

मराठवाड्यात तिसऱ्या दिवशीही दूध संकलनावर परिणाम

टीम अॅग्रोवन
गुरुवार, 19 जुलै 2018

औरंगाबाद : दूध दरावरून पुकारल्या गेलेल्या आंदोलनामुळे मराठवाड्यातील दूध संकलनावर तिसऱ्या दिवशीही परिणाम जाणवला. बीड, उस्मानाबाद जिल्ह्यातील दूध संकलनातील घट कमालीची असून, काही ठिकाणी दूध मोफत वाटप करण्यासोबतच काही ठिकाणी टॅंकर अडवून दूध रस्त्यावर सोडून देण्याच्या घटना घडल्या.  

औरंगाबाद : दूध दरावरून पुकारल्या गेलेल्या आंदोलनामुळे मराठवाड्यातील दूध संकलनावर तिसऱ्या दिवशीही परिणाम जाणवला. बीड, उस्मानाबाद जिल्ह्यातील दूध संकलनातील घट कमालीची असून, काही ठिकाणी दूध मोफत वाटप करण्यासोबतच काही ठिकाणी टॅंकर अडवून दूध रस्त्यावर सोडून देण्याच्या घटना घडल्या.  

औरंगाबाद जिल्ह्यातील दूध संकलनात आंदोलनाच्या पहिल्या दिवसापासून जवळपास पंधरा ते वीस हजार लिटरची सुरू असलेली घट कायम आहे. शिवाय, जालना जिल्ह्यातील संकलनातही पन्नास टक्‍के घट आहे. बीड जिल्ह्यातील बीड व आष्टी तालुक्‍यात चार ते पाच हजार लिटरचे झालेले संकलन वगळता दूध संकलनातील घट आंदोलनाच्या पहिल्या दिवसापासूनच कायम आहे. उस्मानाबाद जिल्ह्यातील दूध संकलनातही मोठी घट नोंदली गेली आहे.

जिल्ह्यात कार्यरत असलेल्या मोठ्या प्रमाणातील खासगी डेअऱ्यांचे दूध संकलनही जवळपास ठप्पच असल्याची माहिती सूत्रांनी दिली. बीड व उस्मानाबाद जिल्ह्यात दूध उत्पादकांनीही मोठ्या प्रमाणात दूध संकलनाकडे पाठ फिरविल्याने दूध संकलनावर परिणाम झाल्याचे सूत्रांचे म्हणणे आहे. दुसरीकडे शासनाच्या दूध संकलनावर फारसा काही परिणाम झाला नसल्याचेही सूत्रांनी स्पष्ट केले. शिवाय, संकलित केलेल्या दुधाची अपेक्षित पोचही अत्यंत गोपनीय पद्धतीने व पोलिस बंदोबस्तात केली जात असल्याचे सूत्रांनी सांगितले.

जालना- नागपूर बायपास रोडवर दुधाचे टॅंकर अडविण्यात आले. त्यापैकी एका टॅंकरमधील दूध रस्त्यावर सांडून देण्यात आले. जालना जिल्ह्यातून जवळपास तेरा टॅंकर पोलिस बंदोस्तात अपेक्षित ठिकाणी रवाना करण्यात आल्याचे पोलिस सूत्रांनी सांगितले. पैठण तालुक्‍यात रहाटगाव येथे विद्यार्थ्यांना मोफत दूध वाटून शासनाच्या धोरणाचा निषेध करण्यात आला. दरम्यान दूध उत्पादकांच्या नजरा शासनाच्या दराविषयीच्या भूमिकेकडे लागल्या आहेत.


इतर ताज्या घडामोडी
सांगली जिल्ह्यातील भाजीपाला पिके...सांगली ः सांगली जिल्ह्याची ओळख भाजीपाला...
सणासुदीत निष्काळजीपणा नको ः पंतप्रधान...नवी दिल्ली ः देशातील लॉकडाउन संपला तरी कोरोनाचा...
कांदा बियाण्यांचा काळाबाजार सुरूचनाशिक : मागील वर्षी उन्हाळ कांदा बीजोत्पादनावेळी...
लाचखोर तलाठ्यास कारावासवर्धा : सातबारावरील चूक दुरुस्तीसाठी पंधरा...
‘गोकूळ’ देणार दूध संस्‍थांना दरफरकापोटी...कोल्‍हापूर : कोल्‍हापूर जिल्‍हा सहकारी दूध...
केंद्राने महाराष्ट्राच्या हक्काचे ३०...मुंबई : कोरोना संकटामुळे महाराष्ट्रासमोर आर्थिक...
बिहारला मदत, मग महाराष्ट्राला का नाही?...मंगळवेढा, जि. सोलापूर : केंद्र शासनाने बिहारमध्ये...
शेतकऱ्यांशी सरकारला देणेघेणे नाही ः...करमाळा, जि. सोलापूर : मुख्यमंत्री उद्धव ठाकरे हे...
पिकांचे पंचनामे करून प्रस्ताव तातडीने...सोलापूर : नुकसानग्रस्त शेतकऱ्यांच्या जीवनाला...
सोलापूर जिल्ह्यातील तब्बल ७५ महसूल...सोलापूर :  जिल्ह्याला अतिवृष्टीचा मोठा...
सांगली जिल्ह्यात कृष्णाकाठावरील कृषिपंप...सांगली : जिल्ह्यात गेल्या आठवड्यात अतिवृष्टी झाली...
रत्नागिरीत भातशेतीवर अस्मानी संकटरत्नागिरी : ‘‘ऑक्टोबर महिन्यातील मुसळधार...
नाशिक जिल्ह्यात मका विक्रीत...येवला, जि. नाशिक : सध्या बाजार समित्यांसह खासगी...
नुकसानपातळी अधिक, केंद्रानेही मदत करावी...नाशिक : ‘‘परतीच्या पावसामुळे कापणी योग्य झालेली...
रिसोड तालुक्यात सोयाबीनची हेक्टरी अडीच...रिसोड, जि. वाशीम ः  सततच्या पावसाने सोयाबीन...
सातारा जिल्ह्याला पावसाने झोडपलेसातारा ः दोन दिवसाच्या विश्रांतीनंतर सोमवारी...
नुकसानग्रस्तांना अधिकाधिक लाभ द्या :...भंडारा : ‘‘अतिवृष्टी व अवेळी आलेल्या...
नगर जिल्ह्यात शेतकऱ्यांची डाळिंब...नगर : दुष्काळ आणि यंदा अतीवृष्टी, तेल्या आणि...
पुणे जिल्ह्यात काही ठिकाणी मुसळधारपुणे : जिल्ह्यात पावसाच्या कमी अधिक स्वरूपात पाऊस...
मराठवाड्यात पीकविमा, नुकसानभरपाई मान्य...नांदेड : ‘‘जिल्ह्यासह संपूर्ण मराठवाड्यात...