Agriculture news in Marathi, Time to break Rabi sorghum crop on farmers | Page 2 ||| Agrowon

शेतकऱ्यांवर रब्बी ज्वारीचे पीक मोडण्याची वेळ 

टीम अॅग्रोवन
गुरुवार, 14 नोव्हेंबर 2019

औरंगाबाद : मकानंतर आता रब्बी ज्वारीवर लष्करी अळीचा प्रादुर्भाव आढळून आल्याचे पुढे येते आहे. औरंगाबाद जिल्ह्यातील गंगापूर तालुक्‍यांतर्गत येत असलेल्या फतोलाबाद शिवारातील संदीप सोनवणे यांना आपल्या सात एकरातील रब्बी ज्वारीचे पीक लष्करी अळीचा प्रादुर्भाव व सततच्या पावसामुळे मूळं कुजू लागल्याने मोडून टाकण्याची वेळ आली आहे. 

औरंगाबाद : मकानंतर आता रब्बी ज्वारीवर लष्करी अळीचा प्रादुर्भाव आढळून आल्याचे पुढे येते आहे. औरंगाबाद जिल्ह्यातील गंगापूर तालुक्‍यांतर्गत येत असलेल्या फतोलाबाद शिवारातील संदीप सोनवणे यांना आपल्या सात एकरातील रब्बी ज्वारीचे पीक लष्करी अळीचा प्रादुर्भाव व सततच्या पावसामुळे मूळं कुजू लागल्याने मोडून टाकण्याची वेळ आली आहे. 

संपूर्ण राज्यातील मका पिकावर यंदा लष्करी अळीचा मोठा प्रादुर्भाव झाला होता. मोठे नुकसान केलेल्या या अळीचे नैसर्गीकरित्या काही ठिकाणी नियंत्रण झाल्याचेही पुढे आले होते. त्याचवेळी ही अळी तृणधान्यवर्गीय पिकांना लक्ष करीत असल्याची व मका हे तिचे आवडते पीक असल्याची माहिती पुढे आली होती. 

आता रब्बी हंगामात कमी अधिक प्रमाणात का होईना लष्करी अळीचा प्रादुर्भाव आढळून येत असल्याच्या तक्रारी होत आहेत. गंगापूर तालुक्‍यातील सिंदी सिरजगाव, फतोलाबाद, रांजनगाव, सायगाव, खोजेवाडी, वडाची वाडी, शहापूर आदी शिवारातील रब्बी ज्वारीवर कमी अधिक प्रमाणात लष्करी अळीचा प्रादुर्भाव आढळून आल्याची माहिती शेतकरी फतोलाबाद शिवारात शेती असलेले संदीप सोनवणे यांनी दिली. त्यांच्या स्वत:च्या सहा ते सात एकरांतील रब्बी ज्वारीवर लष्करी अळीचा मोठा प्रादुर्भाव झाला होता. शिवाय ऑक्‍टोबरमध्ये झालेल्या सततच्या पावसाने अजूनपर्यंत वापसा नसलेल्या शेतातील ज्वारी पिकाची मूळे कुजली होती. त्यामुळे आपण हे ज्वारीच्या पीक मोडण्याचा निर्णय घेतल्याचे संदीप सोनवणे म्हणाले. 

या शिवाय सिंदी सिरजगाव येथील शेतकरी विनायक सोनवणे यांनीही त्यांच्या पाच एकरांतील ज्वारीचे पीक मंगळवारी (ता. १२) मोडणे सुरू केले. या पिकाला लष्करी अळीने पोखरून टाकले. त्यामुळे ते सततच्या पावसामुळे जळून जात होते, असे सोनवणे म्हणाले. लष्करी अळीच्या प्रादुर्भावाकडे वा सततच्या पावसामुळे पीक जळून जात असल्याकडे कृषी विभागाच्या कुणीही लक्ष देण्याची तसदी घेतली नसल्याची माहिती शेतकऱ्यांनी दिली. रब्बी ज्वारीसह पाच एकरांतील हरभराही सततच्या पावसामुळे जळून गेल्याने मोडण्याची वेळ आल्याचे सोनवणे यांनी सांगितले.


इतर ताज्या घडामोडी
औरंगाबादमध्ये मूग, उडदाची आवक नगण्यऔरंगाबाद: येथील कृषी उत्पन्न बाजार समितीत मूग व...
नाशिकमध्ये हिरवी मिरची २००० ते ५०००...नाशिक : नाशिक कृषी उत्पन्न बाजार समितीमध्ये गत...
सोलापुरात कांदा, कोथिंबीर, मेथीला उठाव...सोलापूर ः सोलापूर कृषी उत्पन्न बाजार समितीच्या...
कोल्हापुरात कांदा १२० ते ४०० रुपये दहा...कोल्हापूर: येथील कृषी उत्पन्न बाजार समितीत गत...
नगरमध्ये टोमॅटो, शेवग्याचे दर स्थिरनगर ः नगर येथील दादा पाटील शेळके कृषी उत्पन्न...
पावसाच्या तडाख्याने साताऱ्यात हातची...कऱ्हाड, जि. सातारा ः चांगल्या पावसामुळे यंदाचा...
परभणी जिल्ह्यात पुरामुळे पिके पाण्याखालीपरभणी  : जायकवाडी आणि माजलगाव धरणातील...
सोयाबीन आले सोंगणीला, मात्र उत्पादन...शिरपूरजैन, जि. वाशीम  ः यावर्षी सातत्याने...
वऱ्हाडातील मोठे प्रकल्प तुडुंबअकोला  ः आत्तापर्यंत झालेल्या पावसाने काही...
खानदेशात पंचनाम्यांच्या प्रतीक्षेत पिके...जळगाव  ः खानदेशात उडीद, मुगाचे अपूर्ण...
पुणे विभागात आडसाली ऊस लागवड क्षेत्र...पुणे  ः चालू वर्षी वेळेवर दाखल झालेल्या...
सांगली जिल्ह्यात अतिवृष्टीने नुकसान...सांगली  ः जिल्ह्यातील मिरज, खानापूर, पलूस,...
केळी पिकातील कंद कुजव्या रोगाचे...कंदकुजव्या रोगाचा प्राथमिक प्रसार रोगट कंदापासून...
वाढवा जमिनीतील सेंद्रिय कर्ब...जमिनीतील सेंद्रिय कर्बाचे प्रमाण वाढविण्यासाठी...
कृषी विधेयकांस विरोधासाठी इंडिया...नवी दिल्ली : बहुचर्चित कृषी विधेयकांवर राष्ट्रपती...
निकोप स्पर्धेसाठी मोदी सरकारचा प्रयत्नशेती उत्पादन व्यापार व वाणिज्य (प्रोत्साहन आणि...
नगरमधील ३५ हजार शेतकरी विमा भरपाईपासून...नगर  ः जिल्ह्यात गेल्यावर्षी परतीच्या...
पुण्यात भाजीपाल्याची आवक घटली; दरात वाढपुणे  ः गुलटेकडी येथील पुणे कृषी उत्पन्न...
रत्नागिरी जिल्ह्यात हळव्या भात कापणीत...रत्नागिरी  : हळवे भात पीक कापणी योग्य झाले...
औरंगाबादमध्ये थेट शेतीमाल विक्रीची ...औरंगाबाद  : औरंगाबाद शहरासह ग्रामीण भागात...