agriculture news in Marathi, Time on farmers to cut orchards | Agrowon

फळबागा तोडण्याची शेतकऱ्यांवर वेळ
टीम अॅग्रोवन
मंगळवार, 23 एप्रिल 2019

जवळगाव, जि. बीड ः दुष्काळी परिस्थितीने शेतकऱ्यांचे जगणे वेदनादायी बनले आहे. आटत चाललेल्या विहिरी, बाजारभावाचे गंभीर प्रश्‍न उभे राहिले. पाण्यामुळे अंबाजोगाई तालुक्‍यातील जवळगाव येथील भागवतराव हारे यांनी अडीच एकरांतील नऊ वर्षे वयाची अंजीर बाग तोडून टाकली आहे. 

जवळगाव, जि. बीड ः दुष्काळी परिस्थितीने शेतकऱ्यांचे जगणे वेदनादायी बनले आहे. आटत चाललेल्या विहिरी, बाजारभावाचे गंभीर प्रश्‍न उभे राहिले. पाण्यामुळे अंबाजोगाई तालुक्‍यातील जवळगाव येथील भागवतराव हारे यांनी अडीच एकरांतील नऊ वर्षे वयाची अंजीर बाग तोडून टाकली आहे. 

भागवतराव हारे यांची जवळगाव शिवारात अडीच एकरांत अंजीर बाग होती. नऊ वर्षांपूर्वी त्यांनी बाग उभी केली. मध्यंतरी या बागेने चांगले उत्पादनही दिले; परंतु गेल्या तीन-चार वर्षांत या भागात पाऊस कमी झाल्याने पाण्याची पातळी खालावली. आधी विहीर आटली. त्यानंतर बोअरवेलही कोरडे पडले. बागेला द्यायलाही त्यांच्याकडे पाणी नव्हते. अखेरीस त्यांनी जड अंतःकरणाने ही बाग तोडण्याचा निर्णय घेतला.

गेल्या आठवड्यात हे झाड तोडण्याचे काम पूर्ण झाले. आज या शेतात अंजीर झाडांचे अवशेष तेवढे पडून आहेत. तीन महिन्यांपूर्वी हे शेत हिरवेगार होते; परंतु जसे पाणी आटले तशी बाग करपत होती. पाण्याची सोय न करता आल्याने अखेरीस हे कठोर पाऊल उचलले. या भागात दोन महिन्यांपूर्वीच अनेक शेतकऱ्यांच्या विहिरी, बोअरने तळ गाठला आहे. शासनाने दुष्काळ जाहीर केला खरा; मात्र एकही उपाययोजना लागू झालेली नाही. 

जवळगाव परिसरात गेल्या तीन वर्षांपासून दुष्काळी परिस्थिती आहे. फळबागांना मोठा फटका बसतो आहे. पाण्याच्या पातळीत मोठी घट झाल्याने विहिरी कोरड्या पडत आहेत. बोअरवेलला पाणी लागत नाही. बागा जगविण्यासाठी केलेला खर्चही निघणे झाल्यामुळे शेतकरी आर्थिक अडचणीत सापडला आहे. शासनाने आर्थिक मदत द्यावी अशी मागणी शेतकरी करत आहेत.

यंदा फळबाग लागवडीवर परिणाम झाला आहेच; पण त्या बागा जगवण्याचेही मोठे संकट शेतकऱ्यांवर आले आहे. फळबागा जगवण्यासाठी आधार असलेला मुरंबी तलावही कोरडा आहे. जवळगाव परिसरातील शेतकरी फळबागा मोडत आहेत.-भागवत हारे, शेतकरी, जवळगाव
 

इतर बातम्या
सोलापूर जिल्ह्यात `सन्मान`ची पाच लाख...सोलापूर : जिल्ह्यात ‘आठ अ’नुसार असलेल्या ११...
सोलापुरात यंदाही खरीप कोरडाचसोलापूर : खरीप हंगाम सुरू होऊन दीड महिना उलटला....
नाशिक बाजार समितीची सुरक्षा वाढविण्याचा...नाशिक : नाशिक कृषी बाजार समितीत वाढलेल्या...
नाशिक जिल्ह्यात पावसाअभावी फळबागांवर...नाशिक : कळवण, देवळा, मालेगाव, नांदगाव,...
परभणी जिल्ह्यात १३ लघू तलावांतील...परभणी : यंदा पावसाळ्याचा दीड महिन्याचा कालावधी...
टंचाईस्थितीची वस्तुनिष्ठ माहिती सादर...हिंगोली : टंचाईस्थितीत शेतकऱ्यांना आवश्यक ती मदत...
जालना जिल्ह्यात दुधाचे पैसे दोन...जालना : जिल्ह्यातील जामवाडी, गणेशपूर, नळणी, येवता...
औरंगाबाद, जालना, परभणी, हिंगोली...औरंगाबाद  : मराठवाड्यातील शेतकऱ्यांवर...
सांगली जिल्ह्यात पावसाची उघडीपसांगली ः जिल्ह्यात जून आणि जुलैमध्ये झालेल्या...
कंडारी पाणी योजनेतील गैरव्यवहारप्रकरणी...जळगाव ः कंडारी (ता. भुसावळ) येथील ग्राम...
शेततळ्यासाठी शेतकऱ्यांना प्रोत्साहित...नागपूर ः विकासाच्या संकल्पनांमध्ये रस्ते, नाले व...
सातारा जिल्ह्याच्या पूर्व भागातील शेती...सातारा : जिल्ह्यात पश्चिमेकडे दमदार पाऊस, तर...
कापसाच्या हमीभावात ५०० रुपयांनी वाढ...अमरावती   ः राज्याची कमी असलेली कापूस...
दमदार पावसाअभावी पुणे जिल्ह्यातील पूर्व...पुणे  ः जिल्ह्याच्या पूर्व भागातील शिरूर,...
पावसाअभावी पेरण्या रखडल्यानांदेड ः नांदेड, परभणी, हिंगोली जिल्ह्यांत यंदा...
नगर जिल्ह्यात ऐन पावसाळ्यातही...नगर  ः दुष्काळाने होरपळ झालेल्या नगर...
पावसाअभावी धुळे, जळगाव जिल्ह्यांत...जळगाव  ः खानदेशात सुरवातीला पावसाने जोरदार...
नागपूर विभागात पावसाअभावी पिकांची वाढ...नागपूर  ः निम्मा जुलै महिना संपत आला असतानाच...
वऱ्हाडात पावसाने वाढवली खरिपाची चिंताअकोला ः या हंगामात जून महिन्याच्या दुसऱ्या...
भाजपच्या प्रदेशाध्यक्षपदी चंद्रकांत...मुंबई  : भाजपचे ज्येष्ठ नेते, मंत्री...