Agriculture news in marathi tips for boosting the immune system Naturally | Agrowon

नैसर्गिकरीत्या वाढवा रोगप्रतिकारक शक्ती

शारदा पाटेकर
रविवार, 2 ऑगस्ट 2020

रोगप्रतिकारक शक्ती म्हणजेच शरीरात बाहेरून प्रवेश करणाऱ्या विषाणू किंवा अन्य कोणत्याही गोष्टींना प्रतिकार करण्याची शरीरांतर्गत तयार होणारी क्षमता होय. रोगप्रतिकारक क्षमता वाढवण्यासाठी नियमित व्यायामासह आहारामध्ये पौष्टिक पदार्थांचा समावेश असणे आवश्‍यक आहे.

रोगप्रतिकारक शक्ती म्हणजेच शरीरात बाहेरून प्रवेश करणाऱ्या विषाणू किंवा अन्य कोणत्याही गोष्टींना प्रतिकार करण्याची शरीरांतर्गत तयार होणारी क्षमता होय. रोगप्रतिकारक क्षमता वाढवण्यासाठी नियमित व्यायामासह आहारामध्ये पौष्टिक पदार्थांचा समावेश असणे आवश्‍यक आहे.

बदलते हवामान आणि प्रदूषित हवेमुळे अनेक प्रकारचे हानिकारक विषाणू आणि जिवाणू श्‍वसनासोबत आपल्या शरीरात प्रवेश करतात. आपली रोगप्रतिकार शक्ती कमजोर झाल्यावर यांच्यामुळे सर्दी, खोकला आणि अॅलर्जी सारख्या समस्या उद्भवतात. रोगप्रतिकारक शक्ती म्हणजेच शरीरात बाहेरून प्रवेश करणाऱ्या विषाणू किंवा अन्य कोणत्याही गोष्टींना प्रतिकार करण्याची शरीरांतर्गत तयार होणारी क्षमता होय. रोगप्रतिकारक क्षमता वाढवण्यासाठी नियमित व्यायामासह आहारामध्ये पौष्टिक पदार्थांचा समावेश असणे आवश्‍यक आहे. पौष्टिक आहार न घेतल्यामुळे रोगप्रतिकारक शक्ती कमकुवत होऊन आपण आजारांना बळी पडतो.

रोगप्रतिकारशक्ती वाढवण्यासाठी घरगुती उपाय 
जीवनसत्त्व क युक्त फळे
विविध संक्रमित रोगांपासून बचाव करण्यासाठी जीवनसत्त्व क चे सेवन करणे फायदेशीर ठरते. लिंबू, आवळा, संत्री या फळांमध्ये भरपूर प्रमाणात जीवनसत्त्व क आढळते. जीवनसत्त्व क मुळे वेगवेगळ्या रोगांशी लढण्याची शक्ती शरीरास मिळते, सोबतच हाडेही मजबूत होतात. हृदयासंबंधी आजारांवरही जीवनसत्त्व क फायदेशीर आहे.

आवळा

  • आरोग्यवर्धक फळ म्हणून आवळ्यास ओळखले जाते. आवळा खाण्यामुळे शरीर शुद्ध होऊन रोगप्रतिकारक क्षमता वाढण्यास मदत होते. नियमित स्वरूपात आवळा रसाचे सेवन करणे फायदेशीर ठरते.
  • आवळ्यामध्ये भरपूर प्रमाणात जीवनसत्त्व क असते. निरोगी आरोग्यासाठी आवळा चूर्णाचे मधासह सेवन करावे.

संत्री आणि मोसंबी

  • संत्री आणि मोसंबी ही अत्यंत गुणकारी फळे आहेत. मोसंबीमुळे रोग प्रतिकार क्षमता वाढते. मोसंबीमध्ये जीवनसत्त्व क मुबलक प्रमाणात असल्याने शरिरातील अशक्तपणा दूर होतो.
  • शारीरिक काम करणाऱ्यासाठी मोसंबीच्या ज्यूसचे सेवन फायदेशीर ठरते. या फळांना अँटिऑक्सिडंट्स चा एक उत्तम स्रोत मानले जाते. याच्या सेवनामुळे शरीरातील कोलेस्ट्रॉलची मात्रा नियंत्रित ठेवली जाते.

लिंबू 
लिंबू एक बहुगुणी आणि औषधी फळ आहे. लिंबाचा रस, साल हे सुद्धा उत्तम आरोग्यासाठी आणि विविध सौंदर्य उपचारांवर गुणकारी आहे. लिंबामधील ॲंटीबॅक्टेरिअल आणि ॲंटीऑक्सिडंट गुणधर्म रोग प्रतिकारशक्ती वाढवण्यास मदत करतात. लिंबाच्या नैसर्गिक ॲंटीसेप्टीक गुणधर्मामुळे ते त्वचा संबंधित समस्यांवर फार गुणकारी ठरते.

औषधी काढा किंवा चहा 
तुळस, आले, दालचिनी किंवा मिरे आणि हळद यांपासून बनविलेला काढ्यामध्ये नैसर्गिक औषधी गुणधर्म असतात. आले आणि गवती चहापासून बनविलेला चहा आरोग्यदायी असतो. सर्दी, खोकला आणि अन्य आजारांवर एक घरगुती आणि गुणकारी उपाय म्हणून काढा आणि चहाचा वापर होतो. तुळस आणि हळदीमध्ये अँटीबॅक्टरीयल आणि दाहक विरोधी गुणधर्म असतात. तसेच घशातील खवखवीवर उपयुक्त.

जीवनसत्त्व ड 

  • सूर्यप्रकाश हा जीवनसत्त्व ड चा मुख्य स्रोत मानला जातो. सकाळच्या कोवळ्या उन्हातून शरीराला जीवनसत्त्व ड मिळते. कोवळे ऊन अंगावर घेतल्यास शरीराची रोगप्रतिकारक क्षमता वाढते.
  • ‘जीवनसत्त्व ड’युक्त पदार्थांचे सेवन केल्याने रोगप्रतिकारक शक्ती बळकट होण्यास मदत होते. जीवनसत्त्व ड मिळविण्यासाठी आहारात मासे आणि दुधाचा समावेश करावा.

लसूण 
कच्चा लसूण औषधी मानला जातो. लसणामध्ये जीवनसत्त्व अ, सल्फर आणि झिंक मुबलक प्रमाणात असतात. तसेच लसणामध्ये गंधकाचे प्रमाण जास्त असते. लसणातील अँटिऑक्सिडंट आतड्यातील जंतू संसर्गावर गुणकारी असते. दररोज दोन लसूण कुड्या खाल्याने फायदेशीर ठरते. आहारात लसणाचा नियमित वापर केल्यास कर्करोगाचा धोका कमी होते. कर्करोगाच्या पेशींच्या वाढीस लसूण प्रतिकार करतो.

हिरव्या पालेभाज्या

  • हिरव्या पालेभाज्यांचे सेवन करणे आरोग्यासाठी फायदेशीर असते. पालक मध्ये फोलिक आम्ल असते. जे शरीरात नवीन पेशी बनवण्यासाठी आणि जुन्या पेशी चांगल्या करण्यासाठी उपयोगी असते. पालकामधील विविध घटक शरीर निरोगी ठेवण्यास मदत करतात.
  • ब्रोकोलीपासून शरीराला जीवनसत्त्व अ आणि क, प्रथिने आणि कॅल्शिअम मुबलक प्रमाणात मिळते. रोगप्रतिकारक शक्ती वाढवण्यासाठी मशरूम खाणे देखील फायदेशीर ठरते.

संपर्क- शारदा पाटेकर, ९१५६०२७७३८
(के.एस.के. अन्नतंत्र महाविद्यालय, बीड)


इतर महिला
आरोग्यदायी विड्याचे पानकोणत्याही धार्मिक कार्यात, पूजेच्या ठिकाणी...
नाचणी, भाजीपाला लागवडीतून महिला गट झाला...गावातील ७५ टक्के जमीन कातळाची, उरलेला भाग डोंगराळ...
गृह उद्योगाच्या माध्यमातून महिलांना...कुटुंबाचा उदरनिर्वाह चालविण्याची क्षमता प्रत्येक...
शाश्वत ग्राम, शेती अन कौशल्य विकासावर भरशाश्वत ग्रामविकास, शेती, आरोग्य, शिक्षण आणि...
वातविकारांवर गुणकारी एरंडएरंड ही वनस्पती सगळ्यांना सुपरिचित आहे. घरातील...
आरोग्यदायी सुरणसुरण एक कंद पीक आहे. सुरणचे दोन भाग ...
केसांच्या आरोग्यासाठी गुणकारी माका ​माका सगळीकडे अगदी सहज मुबलक प्रमाणात उपलब्ध होतो...
मळमळ, पित्तावर आमसूल फायदेशीरआमसूल महिलावर्गामध्ये अधिक लोकप्रिय आहे....
महिला शेतकरी कंपनीने दिली शेती, ग्राम...शेती आणि पूरक उद्योगांना चालना देण्यासाठी रिहे (...
खोकला, अशक्तपणावर गुणकारी काळा मनुकालहान मुलांपासून मोठ्यांपर्यंत काळा मनुका सर्वांना...
काथ्या, काजू प्रक्रिया उद्योगात...कठोर परिश्रम आणि संकटांना ताकदीने तोंड देत इळये (...
ग्लूटेनमुक्त आहार फायदेशीरग्लूटेन हा गहू, राई आणि बार्ली यांसारख्या ठरावीक...
आरोग्यदायी आघाडा,भोकर,पेंढारीनिसर्गामध्ये उपलब्ध असणाऱ्या रानभाज्या आणि फळे...
उमाताईंनी मिळवली आयुष्याची भाकरी गाडीवर फिरून ज्वारीच्या कडक भाकरीची विक्री करत...
अपचन, खोकला, कफावर गुणकारी पिंपळी पावडर आपल्या घरातील ज्येष्ठ मंडळींना पिंपळी नक्कीच...
नैसर्गिकरीत्या वाढवा रोगप्रतिकारक शक्तीरोगप्रतिकारक शक्ती म्हणजेच शरीरात बाहेरून प्रवेश...
कुक्कुटपालन, भात रोपवाटिका व्यवसायातून...विंग (ता. खंडाळा,जि.सातारा)  गावातील तेरा...
महिला बचत गट बनवतो २६ प्रकारचे मसालेपाहुणेवाडी (ता.बारामती, जि.पुणे) येथील सुवर्णा...
बहुगुणी वेलचीवेलची म्हणजेच वेलदोडा. मसाला तसेच मुखशुद्धीकर...
महिला बचतगटाचा ‘जय भोलेनाथ’ ब्रॅण्डभेंडा बुद्रूक (ता. नेवासा,जि.नगर) येथील वीस...