agriculture news in marathi, tomato crop damage due to rain, pune, maharashtra | Agrowon

प्रतिकूल हवामानामुळे जुन्नर तालुक्यातील टोमॅटो उत्पादकांचे नुकसान
टीम अॅग्रोवन
रविवार, 18 ऑगस्ट 2019

टोमॅटो पीक भांडवली पीक आहे. प्रतिकूल हवामानामुळे टोमॅटोचे पीक काळे पडून नुकसान झाले आहे. बहुतेक टोमॅटो उत्पादकांचा उत्पादन खर्चसुद्धा वसूल झालेला नाही. टोमॅटोचा पावसाळी हंगाम वाया गेला आहे. निवडणुकीच्या तयारीला लागलेल्या राजकीय नेत्यांचे शेतकऱ्यांच्या प्रश्‍नांकडे दुर्लक्ष आहे.

- राजेंद्र वाजगे, टोमॅटो उत्पादक

नारायणगाव, जि. पुणे  : दोन महिन्यांपासून असलेले ढगाळ हवामान व जुलै महिन्यात सलग आठ ते दहा दिवस झालेला पाऊस यामुळे टोमॅटोची पाने व फळे काळी पडून जुन्नर तालुक्‍यातील उत्पादकांचे मोठे नुकसान झाले आहे. नुकसानीमुळे टोमॅटोचा तोडणी हंगाम या वर्षी एक महिना अगोदरच संपुष्टात आला आहे. टोमॅटो बागांचे पंचनामे करून शेतकऱ्यांना नुकसान भरपाई मिळावी, अशी मागणी टोमॅटो उत्पादक शेतकरी व शिवतेज फार्मर्स ग्रुपच्या वतीने करण्यात आली आहे. 

दरम्यान, जुन्नर तालुक्‍यात मार्च ते जूनदरम्यान दोन टप्प्यात सुमारे पंधरा हजार एकर क्षेत्रात शेतकऱ्यांनी टोमॅटोची लागवड केली होती. उन्हाळी हंगामात पाणी टंचाईचा, तर पावसाळी हंगामात संततधार पावसाचा फटका टोमॅटो बागांना बसला. यामुळे टोमॅटो उत्पादनात साठ ते सत्तर टक्के घट झाल्याने या वर्षी टोमॅटोला जास्त भाव असूनदेखील भांडवली खर्च वसूल झाला नाही. टोमॅटो हे भांडवली पीक आहे. टोमॅटो उत्पादनासाठी खते, ठिबक, मल्चिंग, कीटक व बुरशी नाशके, बाग उभारणी आदींसाठी मोठा खर्च येतो. एकरी तीस टन उत्पादन निघणे अपेक्षित असताना दुसऱ्या टप्प्यात मे अखेर लागवड केलेल्या टोमॅटोचे चार ते सहा टन उत्पादन निघाले.

तालुक्‍यात २६ जुलैपासून सलग दहा दिवस पाऊस झाला. सूर्यप्रकाशाचा अभाव, संततधार पाऊस, ढगाळ हवामान यामुळे बागेतील टोमॅटो पीक वाढीवर परिणाम झाला. परिपक्व फळांना चिरा पडल्या. पाने व कोवळी फळे काळी पडून गळ झाली. तालुक्‍यात टोमॅटोचा तोडणी हंगाम एप्रिल ते ऑगस्टदरम्यान भरात असतो. सततच्या पावसामुळे रोगांचा प्रादुर्भाव होऊन नुकसान झाल्याने या वर्षी टोमॅटोचा तोडणी हंगाम एक महिना अगोदरच संपुष्टात आला आहे. 

याबाबत जुन्नर बाजार समितीचे उपसचिव शरद घोंगडे म्हणाले, की जुलै ते ऑगस्टदरम्यान येथील टोमॅटो उपबाजारात रोज सुमारे तीस ते चाळीस हजार टोमॅटो क्रेटची आवक होत असते. नुकसान झाल्याने सद्यःस्थितीत उपबाजारात रोज दहा ते अकरा हजार टोमॅटो क्रेटची आवक होत आहे. अपेक्षित आवक होत नसल्याने उपबाजारातील बहुतेक टोमॅटो व्यापारी निघून गेले आहेत. 

दिवसभरात ६५ मिलिमीटरपेक्षा जास्त पाऊस झालेल्या आदिवासी भागातील सत्तर गावांतील भात, भुईमूग पिकांच्या नुकसानीचे पंचनामे सुरू करण्यात आले आहेत. पाच हजार हेक्‍टर क्षेत्रातील भात, भुईमूग पिकांचे नुकसान झाले असल्याचा प्राथमिक अंदाज आहे. मध्य व पूर्व भागातील फळबागा, टोमॅटो पिकांचे नुकसान झाले आहे. मात्र, झालेले पर्जन्यमान शासकीय अटी व शर्थीत बसत नसल्याने टोमॅटो व फळबागांच्या नुकसानीचे पंचनामे करण्यात येणार नाहीत, असे तालुका कृषी अधिकारी सतीश शिरसाट यांनी सांगितले.
 

इतर ताज्या घडामोडी
नाशिकमध्ये उद्या द्राक्ष ऑक्टोबर छाटणी...नाशिक : महाराष्ट्र राज्य द्राक्ष बागायतदार संघ,...
सीताफळ कोरडवाहू क्षेत्रासाठी लाभदायी ः...अमरावती ः सीताफळ हे कोरडवाहू क्षेत्राला तारून...
वर्धा ः पांदण रस्ते विकासाकरिता दहा...वर्धा ः निविष्ठा व शेतमालाच्या वाहतुकीत पांदण...
अतिवृष्टीबाधितांना प्रशासनाकडून आर्थिक...गडचिरोली ः अतिवृष्टी व पुरामुळे बाधित झालेल्या...
नुकसानग्रस्त मका उत्पादकांना एकरी २५...परभणी : लष्करी अळीच्या प्रादुर्भावाने मका पिकाचे...
शिक्षक, ग्रामसेवकांना नोकरीच्या ठिकाणी...पुणे  : जिल्हा परिषदेकडून नियुक्त करण्यात...
हिंगोली जिल्ह्यात हळदीच्या क्षेत्रात...हिंगोली  ः यंदा (२०१९-२०) हिंगोली जिल्ह्यात...
नगर जिल्ह्यातील सहा तालुक्यांत अजूनही...नगर ः जिल्ह्यातील सहा तालुक्यांत अजूनही कमीच...
कर्जमुक्तीच्या मागणीसाठी चार गावांमध्ये...परभणी  ः शासनाने केलेली कर्जमाफी फसवी आहे....
सरकारने शेतकऱ्यांना  ५० हजार कोटींची...सातारा   : गेल्या पाच वर्षांत राज्य...
पितृपंधरवाड्यामुळे पुण्यात भाज्यांना...पुणे ः गुलटेकडी येथील कृषी उत्पन्न बाजार...
दुष्काळमुक्त महाराष्ट्रासाठी...सिंधुदुर्ग  ः कर्जमुक्त आणि दुष्काळमुक्त असा...
मागण्या मंजूर झाल्याने ग्रामसेवकांचे...अकोला  ः विविध मागण्यांसाठी राज्यात २२...
उदयनराजे भोसले यांचा अखेर भाजपमध्ये...नवी दिल्ली  : राष्ट्रवादी काँग्रेसचे...
औषधी गुणधर्म लक्षात घेता, पेरू, शेवगा...सोलापूर ः ‘‘पेरू आणि शेवगा ही तशी दुर्लक्षित पिके...
वंचित, कष्टकरी संघटना विधानसभा लढविणार...पुणे  : राज्य आणि केंद्र सरकारच्या विरोधात...
भंडारा जिल्‍ह्यात पावसामुळे शेकडो हेक्‍...भंडारा ः मध्य प्रदेशातील संततधारेमुळे जिल्ह्यात...
सांगली येथे गूळ ३२०० ते ३८७५ रुपये...सांगली  : येथील बाजार समितीत शनिवारी (ता. १४...
`कांदा आयातीचे धोरण शेतकऱ्यांना...पुणे  : कांदा आयात करण्याचे केंद्र सरकारचे...
स्मार्ट ग्रामअंतर्गत सायखेडा, गिरोली,...वाशीम ः जिल्हा परिषद पंचायत विभागातर्फे...