agriculture news in marathi tomato crop damage nashik maharashtra | Agrowon

नाशिक जिल्ह्यात टोमॅटोला गेले तडे ! ५० टक्क्यांपर्यंत नुकसान

टीम अॅग्रोवन
गुरुवार, 21 नोव्हेंबर 2019

टोमॅटोच्या फळांचा लिंबासारखा आकार होत असताना, फळांवर डाग पडायला सुरुवात झाली आहे. ऑगस्टच्या पहिल्या आठवड्यात लागवडी झाल्या. मात्र आता शेवटचे खुडे होणार नसल्याने उत्पादन घटणार आहे. त्यामुळे चालू वर्षी मोठे नुकसान झाले आहे. 
- प्रफुल पवार, टोमॅटो उत्पादक, वणी खुर्द, ता. दिंडोरी, जि. नाशिक.

नाशिक  : मॉन्सूनोत्तर पावसाच्या तडाख्यामुळे टोमॅटो पिकाचे मोठ्या प्रमाणावर नुकसान झाले आहे. जिल्ह्यातील ५३ हजार ४०० हेक्टरवरील भाजीपाला पिके पावसामुळे बाधित झाली आहेत. यात टोमॅटोचाही समावेश असून, पिकाचे ४० ते ५० टक्क्यांपर्यंत नुकसान झाले आहे .

ऑगस्ट महिन्याच्या मध्यावधीत जिल्ह्यात टोमॅटो लागवड करण्यात आली. साधारणतः डिसेंबरपर्यंत टोमॅटो काढणी हंगाम चालतो. मात्र अनेक ठिकाणी टोमॅटो पीक पावसाच्या तडाख्यात सापडले. त्यामुळे पुनर्लागवडी कराव्या लागल्या. सततच्या पावसामुळे भुरी, लवकर व उशिरा येणारा करपा या रोगांसह नाग अळीचा प्रादुर्भाव या पिकावर झाला.

त्यामुळे दिंडोरी तालुक्यातील पूर्व व पश्चिम भाग, चांदवड तालुक्यातील पश्चिम भाग, निफाडचा पूर्व भाग व नाशिक तालुक्यातील पश्चिम पट्ट्यातील टोमॅटोचे पीक मोठ्या प्रमाणावर बाधित झाले. काही ठिकाणी अनेक शेतकरी दुहेरी फुटवा घेऊन टोमॅटो उत्पादन घेतात. मात्र सकाळी दव व धुके वाढत असल्याने या पिकावर मोठ्या प्रमाणावर रोगांचा प्रादुर्भाव होत आहे. 

तापमानातील बदलामुळे झाडे तणावात आहेत. करप्यामुळे पाने खराब होऊन गळून पडली. त्यामुळे  फुलकळ्यांची मोठ्या प्रमाणावर गळ झाली. फळे पण खराब होत असून डाग पडले आहेत. फळांची फुगवण होत नाही. पावसामुळे नवी फळे बाधित झाल्या आहेत. फुलगळ मोठ्या प्रमाणावर झाली आहे. जिल्ह्यात टोमॅटोचे सर्वसाधारण एकरी १२०० क्रेट उत्पादन असते. मात्र प्रतिकूल हवामानाच्या फटक्यामुळे सध्या हे उत्पादन ५०० क्रेटपेक्षा कमी येत आहे. सध्या निघत असलेल्या फुलकळ्या सततच्या दव व धुक्यामुळे खराब होत आहेत. त्यामुळे उत्पादन हाती येण्याची शक्यता नसल्याने अनेक शेतकऱ्यांनी टोमॅटोचे प्लॉट उपटून टाकण्याचा निर्णय घेतला आहेत. अजून तरी किमान एक महिना टोमॅटो तोडे चालणे अपेक्षित होते, मात्र रोगांमुळे संपूर्ण पीक बाधित होत आहे. परिणामी, टोमॅटो उत्पादक हवालदिल झाले आहेत.
 

प्रतिक्रिया
टोमॅटो पिकासाठी भरपूर खर्च केला, चांगल्या उत्पादनाची अपेक्षा मातीमोल झाली. पावसामुळे टोमॅटो पीक खराब झाले आहे. तडे जाऊन ५० टक्के माल खराब झाला आहे.
- राजू निफाडे, शिरवाडे वणी, ता. निफाड, जि. नाशिक. 

सध्याच्या प्रतिकूल वातावरणामुळे टोमॅटोवर करपा रोगाचा प्रादुर्भाव दिसत आहेत. काही भागात किडींचाही प्रादुर्भाव झाला आहे. कीड,रोगांच्या प्रादुर्भावाची लक्षणे तपासून तज्ज्ञांच्या सल्यानेच उपाययोजना कराव्यात. 
- तुषार उगले, सहाय्यक प्राध्यापक, कीटकशास्र विभाग, के के वाघ कृषि महाविद्यालय,नाशिक
 
असे आहे टोमॅटोचे नुकसान 

  • सततच्या पावसामुळे मुळ्याची सड होऊन झाडे बाधित.
  • उत्पादनात ५० टक्के घट शक्य.
  • सततच्या पावसामुळे फळांना तडे.
  • फुलकळी गळ, फळांना काळे डाग.
  • करपा अधिक असल्याने पानांची गळ.
  • एकरी उत्पादन खर्च सुमारे २५ हजारांनी वाढला.

इतर ताज्या घडामोडी
कोल्हापुरात पुष्प प्रदर्शनास प्रारंभकोल्हापूर  : गार्डन्स क्लब आणि कोल्हापूर...
कळवण येथे शेतकरी संघटनेचे निर्बंधमुक्ती...नाशिक  : शेतकरी संघटनेचे संस्थापक शरद जोशी...
नुकसानीमुळे पीककर्जाकडे शेतकऱ्यांचा कल पुणे ः अतिपावसामुळे खरीप पिकांचे नुकसान...
सटाणा शहरात कचऱ्यापासून होणार...नाशिक : सटाणा शहराने स्वच्छतेच्या बाबतीत...
पुणे जिल्हा परिषद अध्यक्ष पदासाठी आज...पुणे ः पुणे जिल्हा परिषदेच्या अध्यक्ष पदासाठी...
औरंगाबाद, जालना, बीड जिल्ह्यांत कापूस...औरंगाबाद : आधी दुष्काळाचा ताण, त्यानंतर...
पुणे जिल्ह्यात ग्रामपंचायतींच्या...पुणे ः जिल्ह्यात पुढील वर्षी जुलै ते डिसेंबर २०२०...
काळ्या ज्वारीमुळे शासकीय खरेदीला ब्रेकअमरावती  ः अचलपूर खरेदी विक्री संघाला ज्वारी...
मराठवाड्यातील १४ लाख ५५ हजार हेक्‍टरवर...उस्मानाबाद : मराठवाड्यातील आठही जिल्ह्यांत १४ लाख...
अकोल्यात सोयाबीन पोचले ४१०० पर्यंतअकोला ः येथील कृषी उत्पन्न बाजार समितीत सोयाबीनला...
माकडांच्या उच्छादामुळे बोराच्या बागेचे...मानोरा जि. वाशीम ः तालुक्यातील  कारखेडा...
वाळवा तालुक्‍यात द्राक्ष उलाढालीत सात...वाळवा, जि. सांगली : अतिवृष्टीने द्राक्षशेतीचे...
कोल्हापूर जिल्ह्यात बँकांना २५००...कोल्हापूर : ‘‘जिल्ह्यात सर्वच बॅंकांना २ हजार ४३०...
कांदा साठवणूक निर्बंधाचा फेरविचार करानाशिक : गेल्या आठवड्याच्या तुलनेत या आठवड्यात...
नांदेड विभागातील १ लाख ८५ हजार टन उसाचे...नांदेड : चार जिल्ह्यांतील ८ कारखान्यांनी यंदाच्या...
चुकीच्या तापमान नोंदीमुळे रत्नागिरीतील...रत्नागिरी  : जिल्ह्यात आंबा, काजू पिकांसाठी...
जागते रहो... कांदाचोरांचा अजून सुळसुळाट...फलटण शहर, जि. सातारा   ः सध्या...
सांगली जिल्ह्यात हळद पिकावर कंदकुज,...सांगली  ः महापूर आणि अतिवृष्टीमुळे कंदकुज...
ओला दुष्काळ जाहीर न केल्यास आंदोलन करू...कोल्हापूर   ः दक्षिण महाराष्ट्रात ओला...
खानदेश, मराठवाडा, विदर्भातील काही...पुणे  ः राज्यातील काही भागांत ढगाळ हवामान...