agriculture news in marathi tomato crop damage nashik maharashtra | Agrowon

नाशिक जिल्ह्यात टोमॅटोला गेले तडे ! ५० टक्क्यांपर्यंत नुकसान

टीम अॅग्रोवन
गुरुवार, 21 नोव्हेंबर 2019

टोमॅटोच्या फळांचा लिंबासारखा आकार होत असताना, फळांवर डाग पडायला सुरुवात झाली आहे. ऑगस्टच्या पहिल्या आठवड्यात लागवडी झाल्या. मात्र आता शेवटचे खुडे होणार नसल्याने उत्पादन घटणार आहे. त्यामुळे चालू वर्षी मोठे नुकसान झाले आहे. 
- प्रफुल पवार, टोमॅटो उत्पादक, वणी खुर्द, ता. दिंडोरी, जि. नाशिक.

नाशिक  : मॉन्सूनोत्तर पावसाच्या तडाख्यामुळे टोमॅटो पिकाचे मोठ्या प्रमाणावर नुकसान झाले आहे. जिल्ह्यातील ५३ हजार ४०० हेक्टरवरील भाजीपाला पिके पावसामुळे बाधित झाली आहेत. यात टोमॅटोचाही समावेश असून, पिकाचे ४० ते ५० टक्क्यांपर्यंत नुकसान झाले आहे .

ऑगस्ट महिन्याच्या मध्यावधीत जिल्ह्यात टोमॅटो लागवड करण्यात आली. साधारणतः डिसेंबरपर्यंत टोमॅटो काढणी हंगाम चालतो. मात्र अनेक ठिकाणी टोमॅटो पीक पावसाच्या तडाख्यात सापडले. त्यामुळे पुनर्लागवडी कराव्या लागल्या. सततच्या पावसामुळे भुरी, लवकर व उशिरा येणारा करपा या रोगांसह नाग अळीचा प्रादुर्भाव या पिकावर झाला.

त्यामुळे दिंडोरी तालुक्यातील पूर्व व पश्चिम भाग, चांदवड तालुक्यातील पश्चिम भाग, निफाडचा पूर्व भाग व नाशिक तालुक्यातील पश्चिम पट्ट्यातील टोमॅटोचे पीक मोठ्या प्रमाणावर बाधित झाले. काही ठिकाणी अनेक शेतकरी दुहेरी फुटवा घेऊन टोमॅटो उत्पादन घेतात. मात्र सकाळी दव व धुके वाढत असल्याने या पिकावर मोठ्या प्रमाणावर रोगांचा प्रादुर्भाव होत आहे. 

तापमानातील बदलामुळे झाडे तणावात आहेत. करप्यामुळे पाने खराब होऊन गळून पडली. त्यामुळे  फुलकळ्यांची मोठ्या प्रमाणावर गळ झाली. फळे पण खराब होत असून डाग पडले आहेत. फळांची फुगवण होत नाही. पावसामुळे नवी फळे बाधित झाल्या आहेत. फुलगळ मोठ्या प्रमाणावर झाली आहे. जिल्ह्यात टोमॅटोचे सर्वसाधारण एकरी १२०० क्रेट उत्पादन असते. मात्र प्रतिकूल हवामानाच्या फटक्यामुळे सध्या हे उत्पादन ५०० क्रेटपेक्षा कमी येत आहे. सध्या निघत असलेल्या फुलकळ्या सततच्या दव व धुक्यामुळे खराब होत आहेत. त्यामुळे उत्पादन हाती येण्याची शक्यता नसल्याने अनेक शेतकऱ्यांनी टोमॅटोचे प्लॉट उपटून टाकण्याचा निर्णय घेतला आहेत. अजून तरी किमान एक महिना टोमॅटो तोडे चालणे अपेक्षित होते, मात्र रोगांमुळे संपूर्ण पीक बाधित होत आहे. परिणामी, टोमॅटो उत्पादक हवालदिल झाले आहेत.
 

प्रतिक्रिया
टोमॅटो पिकासाठी भरपूर खर्च केला, चांगल्या उत्पादनाची अपेक्षा मातीमोल झाली. पावसामुळे टोमॅटो पीक खराब झाले आहे. तडे जाऊन ५० टक्के माल खराब झाला आहे.
- राजू निफाडे, शिरवाडे वणी, ता. निफाड, जि. नाशिक. 

सध्याच्या प्रतिकूल वातावरणामुळे टोमॅटोवर करपा रोगाचा प्रादुर्भाव दिसत आहेत. काही भागात किडींचाही प्रादुर्भाव झाला आहे. कीड,रोगांच्या प्रादुर्भावाची लक्षणे तपासून तज्ज्ञांच्या सल्यानेच उपाययोजना कराव्यात. 
- तुषार उगले, सहाय्यक प्राध्यापक, कीटकशास्र विभाग, के के वाघ कृषि महाविद्यालय,नाशिक
 
असे आहे टोमॅटोचे नुकसान 

  • सततच्या पावसामुळे मुळ्याची सड होऊन झाडे बाधित.
  • उत्पादनात ५० टक्के घट शक्य.
  • सततच्या पावसामुळे फळांना तडे.
  • फुलकळी गळ, फळांना काळे डाग.
  • करपा अधिक असल्याने पानांची गळ.
  • एकरी उत्पादन खर्च सुमारे २५ हजारांनी वाढला.

इतर बातम्या
काटेवाडीत होणार पहिला व्यावसायिक मुरघास...पुणे  ः दुष्काळी स्थितीत जनांवरासाठी चारा...
अजितदादा पालकमंत्री होण्याच्या...पुणे ः राष्ट्रवादी काँग्रेस पक्षाचे नेते आमदार...
ऊस वाहतूक नियमांचे काटेकोर पालन करा ः...पुणे ः चालू वर्षी पुणे जिल्ह्यातील साखर...
नांदेड : रब्बीच्या पेरणीने सर्वसाधारण...नांदेड ः नांदेड जिल्ह्यात बुधवार (ता. ११) पर्यंत...
सांगली जिल्ह्यात प्रतिकूल हवामानाचा तूर...सांगली  : जिल्ह्यात पोषक हवामानाअभावी तूर...
तीन जिल्ह्यांत मुगाचे दोन कोटी ४० लाख ...नांदेड  ः किंमत समर्थन मूल्य योजनेअंतर्गत...
बारदान्याअभावी वाढल्या धान...भंडारा ः धान उत्पादकांसमोरील अडचणी संपता संपत...
कोल्हापूर जिल्ह्यात एकरकमी एफआरपी...कोल्हापूर : नव्या सरकारकडून कर्जमाफीची शक्यता...
नक्षलग्रस्त जिल्हे पाणीपट्टी सवलतीतून...गोंदिया  ः नक्षलग्रस्त भाग, तसेच पंतप्रधान...
कोल्हापुरात पुष्पप्रदर्शनाला मोठा...कोल्हापूर : स्वागत कमानीपासूनच विविध प्रकारच्या...
हिवाळी अधिवेशनाला आजपासून प्रारंभनागपूर : राज्य विधिमंडळाच्या हिवाळी अधिवेशनाला...
फडणवीस सरकारच्या शिवस्मारकाच्या निविदा...नागपूर : मुंबईतील बहुचर्चित शिवस्मारकाच्या...
अवकाळीग्रस्तांना हेक्टरी २५ हजारांची...नागपूर : ओला दुष्काळग्रस्त शेतकऱ्यांना...
कापूस वेचणी यंत्राचा पर्याय कधी मिळणार...अमरावती ः राज्यात कापसाचे सरासरी सुमारे ४० लाख...
...आता बटाट्याचीही टंचाईकोल्हापूर: कांद्यापाठोपाठ आता बाजारपेठांमध्ये...
कर्जमाफीची `कट ऑफ डेट` ३१ ऑगस्ट ठेवासोलापूर : युती सरकारने दीड लाखाची कर्जमाफी देऊनही...
गारठ्यात हळूहळू वाढपुणे  ः कोरड्या हवामानामुळे किमान तापमानात...
हिवाळी अधिवेशनात कर्जमाफी घोषणेची...पुणे : महाविकास आघाडीच्या किमान समान...
हिवाळी अधिवेशनात अंतिम आठवडा प्रस्तावच...मुंबई  ः येत्या सोमवारपासून नागपूर येथे सुरू...
गायीच्या दूध खरेदी दरात एक रुपयाने वाढपुणे  ः परराज्यांसह भुकटी उद्योगांकडून...