Agriculture news in marathi Tomatoes can not be harvested | Page 2 ||| Agrowon

तोडणीला परवडेना टोमॅटो 

टीम अॅग्रोवन
मंगळवार, 20 एप्रिल 2021

जिल्ह्यातील गंगापूर, कन्नड तालुक्यातील उन्हाळी टोमॅटो उत्पादन घेणाऱ्या शेतकऱ्यांना पडलेल्या दरामुळे तोडणीलाही टोमॅटो परवडत नसल्याचे चित्र आहे. शेतात ठेऊन तरी करावं काय या विवंचनेतून काही शेतकरी माल तोडत असले तरी काही शेतकऱ्यांनी मात्र माल न तोडणेच पसंत केले आहे.

औरंगाबाद : जिल्ह्यातील गंगापूर, कन्नड तालुक्यातील उन्हाळी टोमॅटो उत्पादन घेणाऱ्या शेतकऱ्यांना पडलेल्या दरामुळे तोडणीलाही टोमॅटो परवडत नसल्याचे चित्र आहे. शेतात ठेऊन तरी करावं काय या विवंचनेतून काही शेतकरी माल तोडत असले तरी काही शेतकऱ्यांनी मात्र माल न तोडणेच पसंत केले आहे. 

औरंगाबाद जिल्ह्यातील कन्नड व गंगापूर तालुक्यातील कन्नड, बहिरगाव, हातनुर, टापरगाव, आलापूर, देवगाव, माळीवाडगाव, सावंगी, गवळीशिवरा, गाजगाव आदी गावांमध्ये टोमॅटोची सातत्याने उत्पादन घेतले जाते. ही गावे टोमॅटोची आगार म्हणून ओळखली जातात. खरिपात व रब्बीत त्यानंतर उन्हाळी टोमॅटो उत्पादन घेण्याचे काम या गावांमधील शेतकरी प्राधान्याने करतात. साधारणतः १५ डिसेंबर नंतर या गावांमध्ये झालेल्या टोमॅटो लागवडीचे उत्पादन जवळपास महिनाभरापासून सुरू आहे. 

सुरुवातीला २७० ते ३०० रुपये प्रति कॅरेट पर्यंत दर मिळाला. परंतु कोरोना संकटामुळे कडक लॉकडाउनचा विषय पुढ आला. त्यामुळे टोमॅटोचे प्रति कॅरेट दर जवळपास ११० ते १२० रुपये पर्यंत खाली आले. अलीकडच्या काही दिवसात तर प्रति कॅरेट ३० ते ४० रुपये दर मिळत असल्याची माहिती शेतकऱ्यांनी दिली. मिळणाऱ्या दरातून ८० रुपये भाडे, १५ रुपये प्रति कॅरेट तोडणी खर्च जाता, पदरात काहीच पडत नसल्याने टोमॅटो उत्पादकांची परवड सुरू आहे. विविध ठिकाणचे बंद असलेले आठवडी बाजार याचाही टोमॅटोच्या खरेदीवर थेट परिणाम झाला असल्याचे शेतकरी सांगतात. 

कन्नड परिसरातून इतर राज्यातही टोमॅटो पाठविला जातो. परंतु कोरोना संकटाच्या पार्श्वभूमीवर त्यातही अडचण येत असल्याने व विविध ठिकाणच्या बाजारपेठा कधी बंद कधी सुरू राहत असल्याने टोमॅटोची मागणी रोडावली आहे. अनेक शेतकऱ्यांनी टोमॅटोला खर्चाला परवडणारी दर मिळत नसल्याने टोमॅटो न तोडण्याचा पसंत केले आहे. 

यंदा सहा एकरांत उन्हाळ्यात टोमॅटोचे उत्पादन मिळेल, असे नियोजन केले. आतापर्यंत दीड हजार कॅरेट उत्पादन झाले. आणखी साडेतीन हजार कॅरेट उत्पादन होण्याची आशा आहे. परंतु कोरोना संकटामुळे आठवडी बाजार बंद तर अनेक बाजारपेठा कधी बंद कधी सुरू राहत असल्याने टोमॅटोचे दर कमालीचे पडले आहेत. खर्च साडेचार लाख व उत्पन्न लाखभर रुपये अशी आमची आता अवस्था आहे. 
- विलास गवळी, 
टोमॅटो उत्पादक, माळीवाडगाव, जि. औरंगाबाद. 
 


इतर बातम्या
नाशिकमध्ये २३ मेपर्यंत  कडक लॉकडाऊननाशिक : जिल्ह्यात लागू करण्यात आलेल्या अंशत:...
भुईमुगाच्या अल्प उत्पादनाने ...श्रीरामपूर, जि. यवतमाळ : भुईमुगाचे बोगस बियाणे व...
नाचणी खरेदीचा प्रस्ताव पणन मंडळामार्फत...कोल्हापूर : नाचणी उत्पादक शेतकऱ्यांना किमान आधार...
कोरोनाच्या निर्बंधांमुळे पीककर्ज वाटपात...अकोला : आगामी खरीप हंगामासाठी आता अवघे काही दिवसच...
सिंधुदुर्गमध्ये आंबा काढणीला गती;...सिंधुदुर्गनगरी : जिल्ह्याच्या पूर्वपट्ट्यातील...
मॉन्सूनच्या प्रवाहाला पोषक स्थिती पुणे : गेल्या दोन ते तीन दिवसांपासून अरबी...
महिनाभरातच गाईच्या दूधदरात ८ रुपये कपात नगर ः कोरोना लॉकडाउनमुळे दुधाची मागणी कमी...
काबुली हरभऱ्याच्या दरात घसरणीची शक्यता...नवी दिल्ली ः देशात यंदा काबुली हरभऱ्याचे उत्पादन...
ग्राम कृषी विकास समित्या स्थापन करा :...पुणे ः कोरोना लॉकडाउनमुळे राज्याच्या खरीप...
पीकविम्यासाठी राज्यात बीड मॉडेल ः ...अमरावती : प्रशासकीय खर्च आणि दहा टक्के नफा अशी...
माढा, उत्तर सोलापूर, अक्कलकोटला पाऊससोलापूर ः जिल्ह्यात रविवारी (ता.९) काही भागात...
उजनीचे पाणी पळविण्याचा प्रश्न...सोलापूर ः उजनी जलाशयातील पाच टीएमसी पाण्याला...
जळगाव जिल्ह्यातील पीक कर्जवाटपाला गती...जळगाव ः जिल्ह्यात खरिपासंबंधी पीक कर्जवाटप गेल्या...
वार्सा येथे पाणीटंचाईशी पंधरा...वार्सा, जि. धुळे : धज्या आंबापाडा येथील...
बीडमध्ये वादळी पावसाचा दुसऱ्या दिवशीही...बीड : जिल्ह्यात दुसऱ्या दिवशीही वादळी पावसाचा...
नांदेड जिल्ह्यात पावसाचा तडाखा सुरुच नांदेड : जिल्ह्यात पूर्व मोसमी पावसाने मुक्काम...
‘लिंबोटी’चे पाणी २३ गावांना मिळणारनांदेड : कंधार तसेच लोहा तालुक्यातील संभाव्य...
साताऱ्यात आले लागवडपूर्व कामांना गतीसातारा ः जिल्ह्यात अक्षय तृतीयेच्या शुभ...
पुणे बाजार समितीमध्ये लसीकरणाला प्रारंभपुणे ः गुलटेकडी येथील पुणे बाजार समितीच्या वतीने...
केवळ जाहिरातींद्वारे कोरोना संपणार नाही...मुंबई ः कोरोना परिस्थिती लक्षात घेता ‘एक देश एक...