मॉन्सून उद्या दिल्लीत 

नैऋत्य मोसमी वारे (मॉन्सून) वेगाने उत्तरेत प्रगती करत आहेत. रविवारी (ता. १३) मॉन्सून मध्य प्रदेश, उत्तर प्रदेश, बिहार, झारखंड, पश्चिम बंगालच्या अनेक भागांत दाखल झाला आहे.
13 june
13 june

पुणे : नैऋत्य मोसमी वारे (मॉन्सून) वेगाने उत्तरेत प्रगती करत आहेत. रविवारी (ता. १३) मॉन्सून मध्य प्रदेश, उत्तर प्रदेश, बिहार, झारखंड, पश्चिम बंगालच्या अनेक भागांत दाखल झाला आहे. उद्या (ता. १५) दिल्ली, हरियाना, आणि पंजाबपर्यंत मजल मारण्याचे संकेत हवामान विभागाच्या सूत्रांनी दिले. त्यानंतर लवकरच मॉन्सून देश व्यापणार असल्याचे स्पष्ट केले. 

महाराष्ट्रात ५ जून रोजी मॉन्सून दाखल झाल्यानंतर जवळपास पाच दिवसांत महाराष्ट्र व्यापला होता. त्यानंतर वेगाने उत्तरेकडे मजल मारत ईशान्य भारतातील काही राज्यांत चाल करत दिल्लीकडे कूच केली आहे. शनिवारी (ता.१२) बंगालच्या उपसागर, ओडिशाचा काही भाग, पश्चिम बंगाल, झारखंड आणि बिहारच्या काही भागांत प्रगती केली असून हळूहळू पुढे वाटचाल करत आहे. आज मॉन्सून उत्तर भारतातील राज्यात प्रगती करण्याची शक्यता आहे. 

सध्या मॉन्सूनचा प्रवास वेगाने सुरू आहे. रविवारी (ता.१३) मध्य प्रदेशासह, छत्तीसगड, ओडिशा, पश्चिम बंगाल, झारखंड आणि बिहार, उत्तर प्रदेश, उत्तराखंड, हिमाचल प्रदेश, जम्मू आणि काश्मीर, लडाख, गिलगीत-बाल्टिस्तान, मुझफ्फराबाद, उत्तर हरियाना, चंडिगढ आणि उत्तर पंजाबपर्यंत मॉन्सूनने मुसंडी मारली आहे. मॉन्सूनने दीव, सुरत, नंदूरबार, भोपाळ, नाऊगाऊ, हमिरपूर, बाराबंकी, बरेली, शहारानपूर, अंबाला आणि अमृतसरपर्यंत मजल मारली आहे. मॉन्सूनला पुढे  सरकण्यासाठी आणखी पोषक वातावरण आहे. त्यामुळे आणखी काही भागांत दाखल होण्याचे संकेत आहे. अनेक भागांत मेघगर्जना व विजांच्या कडकडाटासह मुसळधार पाऊस पडत आहे.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com