agriculture news in marathi torrent to Peth, Trimbakeshwar | Agrowon

पेठ, त्र्यंबकेश्वरला मुसळधार

टीम अॅग्रोवन
शनिवार, 24 जुलै 2021

नाशिक : जिल्ह्याच्या पश्चिम पट्ट्यात पेठ, त्र्यंबकेश्वर तालुक्यात अतिवृष्टी झाली. पेठ तालुक्यात गुरुवारी (ता. २२) ३१५ मि.मी. इतक्या विक्रमी पावसाने थैमान घातले.

नाशिक : जिल्ह्याच्या पश्चिम पट्ट्यात पेठ, त्र्यंबकेश्वर तालुक्यात अतिवृष्टी झाली. पेठ तालुक्यात गुरुवारी (ता. २२) ३१५ मि.मी. इतक्या विक्रमी पावसाने थैमान घातले. तालुक्याच्या विविध भागात अतिवृष्टीमुळे भात उत्पादक शेतकऱ्यांचे मोठे नुकसान झाले. 

भात उत्पादक पट्ट्यातील शेतकरी दमदार पावसाच्या प्रतीक्षेत होते. रविवार (ता.१९) पासून पावसाने जिल्ह्याच्या विविध भागात हजेरी लावली. त्यात पश्चिम भागात पेठ, त्र्यंबकेश्वर, इगतपुरी तालुक्यात पावसाचा जोर दिसून आला. 

पेठ व त्रंबकेश्वर तालुक्यात पावसाचे थैमान पाहायला मिळाले. बऱ्याच गावांतील संपर्क तुटला होता. अनेक शेतकऱ्यांनी थोड्याफार पावसावर भात रोपे तयार केली होती. तर काहींनी लागवडी केल्या होत्या. मात्र पाऊस अधिक असल्याने भाताच्या खाचारात पाणी तुंबून बांध फुटले. त्यामुळे भात रोपे व लागवडी वाहून 
गेल्या. 

पेठ तालुक्यातील इनामबारी, श्रीमंत, हरणगाव, लिंगवणे, शिंदे, पाटे हे लघु पाटबंधारे गेल्या तीन दिवसांच्या पावसामुळे मोठ्या प्रमाणावर भरले. मात्र रस्त्यांचे मोठे नुकसान झाले. आदिवासी भागात अनेक गावांचा संपर्क तुटला. त्यामुळे जनजीवन विस्कळीत झाले. गेल्या काही वर्षात विक्रमी पाऊस झाल्याचे येथील स्थानिकांनी सांगितले.

वाड्या-वस्त्यांचा संपर्क तुटला

पेठकडून हरसूलकडे जाणारा भुवन घाट रस्त्यावर व करंजाळीकडून हरसूलकडे जाणारा वाघ्याचा बारीचा घाट दरड कोसळल्यामुळे बंद झाला होता. त्यामुळे वाड्या-वस्त्यांचा संपर्क तुटला. या भागातील दमणगंगा नदी दुथडी भरून वाहिली. पहिल्याच झालेल्या पावसामुळे नदी भरून वाहिल्याचे पाहायला मिळाले. अनेक छोट्या पाड्यांवर जाणारे रस्त्यांच्या मोठया पाण्याच्या प्रवाहामुळे खचल्याने वाहून गेल्या आहेत. 
 


इतर ताज्या घडामोडी
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...