सिंधुदुर्गात मुसळधार सुरूच, पुरस्थिती कायम

सिंधुदुर्ग ः जिल्ह्यात मुसळधार पाऊस सुरूच आहे. जिल्ह्याच्या अनेक भागात पुरस्थिती कायम आहे. अतिवृष्टीचा सर्वाधिक फटका कसाल, ओरोस (ता.कुडाळ) भागाला बसला आहे.
The torrential downpour continues in Sindhudurg
The torrential downpour continues in Sindhudurg

सिंधुदुर्ग  ः जिल्ह्यात मुसळधार पाऊस सुरूच आहे. जिल्ह्याच्या अनेक भागात पुरस्थिती कायम आहे. अतिवृष्टीचा सर्वाधिक फटका कसाल, ओरोस (ता.कुडाळ) भागाला बसला आहे. आतापर्यंत १६ हुन अधिक कुटुंबांना सुरक्षित स्थळी हलविले आहे. या भागातील २५ घरांमध्ये पुराचे पाणी भरले आहे. अनेक मुख्य मार्गांवरील पुलावरून पुराचे पाणी वाहत आहे. त्यामुळे वाहतुक ठप्प, तर जनजीवन विस्कळीत झाले आहे. 

जिल्ह्यात गेल्या तीन दिवसांपासून मुसळधार पाऊस सुरू आहे. बुधवारी (ता. ८) सकाळपासून पावसाचा जोर अधिकच वाढला. सावंतवाडी, कुडाळ, मालवण, कणकवली या तालुक्यांना पावसाने अक्षरक्ष झोडपून काढले. गुरूवारी (ता.९) सकाळपासून पुन्हा मुसळधार पाऊस सुरू आहे. त्यामुळे जिल्ह्यात पुरस्थिती कायम आहे. कुडाळ तालुक्यातील कसाल, ओरोस या परिसराला पुराचा मोठा तडाखा बसला आहे. महामार्गालगतच्या या परिसराला पाण्याने वेढले आहे. या भागात नदीचे स्वरूप प्राप्त झाले आहे.

सुमारे २५ हुन अधिक घरांमध्ये पाणी घुसले आहे. १६ कुटुंबाना सुरक्षित स्थळी हलविले आहे. महामार्गाच्या भरावामुळेच ही परिस्थिती ओढवली असल्याचे स्थानिकांचे मत आहे.

पुराच्या पाणी शेती, बागायतीमध्ये घुसल्यामुळे मोठे नुकसान झाले आहे. नांदगाव (ता. कणकवली) परिसरात पुरामुळे भातशेतीचे  नुकसान झाले. पाण्याचा प्रवाह वाढत असल्यामुळे आणखी नुकसानीची शक्यता आहे. शुक आणि शांती नदी तुडुंब भरून वाहत असल्यामुळे खारेपाटण शहरात पुरस्थितीची शक्यता आहे. घरे, गोठ्यांची भिंती कोसळण्याचे प्रकार देखील घडले आहेत. पावसामुळे नुकसानीचे पंचनामे करण्यात व्यत्यय येत आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com