Agriculture news in marathi With torrential rain Sindhudurg district was razed | Page 2 ||| Agrowon

मुसळधार पावसाने सिंधुदुर्ग जिल्ह्याला झोडपले

टीम अॅग्रोवन
बुधवार, 16 जून 2021

सिंधुदुर्ग जिल्ह्यात सलग तिसऱ्या दिवशी मुसळधार पाऊस सुरू आहे. जिल्ह्याच्या काही भागात सोमवारी (ता. १४) मुसळधार पावसाने झोडपून काढले.  बांदा शहरात पाणीच पाणी असून, काही दुकानांमध्ये पाणी शिरल्यामुळे तारांबळ उडाली.

सिंधुदुर्गनगरी : सिंधुदुर्ग जिल्ह्यात सलग तिसऱ्या दिवशी मुसळधार पाऊस सुरू आहे. जिल्ह्याच्या काही भागात सोमवारी (ता. १४) मुसळधार पावसाने झोडपून काढले. पुराचे पाणी पुलावरून वाहत असल्यामुळे अनेक ठिकाणी वाहतुकीचा खोळंबा झाला. बांदा शहरात पाणीच पाणी असून, काही दुकानांमध्ये पाणी शिरल्यामुळे तारांबळ उडाली. काही ठिकाणी शेतीत पाणी घुसून नुकसान झाले. पावसामुळे जनजीवन विस्कळित झाले आहे.

जिल्ह्यात गेले तीन दिवस मुसळधार पाऊस सुरू आहे. सोमवारी जिल्ह्यातील दोडामार्ग, वेंगुर्ला, कुडाळ, मालवण या तालुक्यांना पावसाने चांगलेच झोडपले. या चार तालुक्यांत १३० मि.मी पेक्षा अधिक पाऊस झाला. तर उर्वरित सावंतवाडी, देवगड, कणकवली तालुक्यात देखील जोरदार पाऊस झाला. मुसळधार पावसामुळे जनजीवन विस्कळित झाले. बांदा शहरात पूरस्थिती सदृशस्थिती निर्माण झाली. शहरात जिकडे तिकडे पाणीच पाणी झाले होते.

येथील काही भागात तीन फुटापर्यंत पाणी रस्त्यावर होते. त्यामुळे नागरिकांना त्या पाण्यातून वाट काढत घरचा रस्ता धरावा लागला. कामगाराच्या झोपडीमध्ये पावसाचे पाणी शिरल्यामुळे त्यांना सुरक्षितस्थळी नेऊन ठेवण्यात आले. बांदा-दोडामार्ग रस्त्यावर देखील पुराचे पाणी होते. त्यामुळे मार्गावरील वाहतूक देखील ठप्प 
झाली होती.

 ओरोस येथे महामार्ग चौपदरीकरणाच्या लगतच्या शेती, बागायतीमध्ये पुराचे पाणी शिरले होते. दरम्यान मंगळवार (ता. १५) सकाळपासून देखील जिल्ह्यात मुसळधार पाऊस सुरू होता. कुडाळ तालुक्यातील होडावडे पुलावरून पुराचे पाणी वाहत असल्यामुळे अनेक गावांचा संपर्क तुटला आहे. डिग्रस जाधववाडी येथील पुलावरून देखील पुराचे पाणी वाहत आहे. त्यामुळे त्या मार्गावरील वाहतूक देखील ठप्प झाली आहे. अनेक ठिकाणी रस्त्यावर 
झाडे कोसळल्यामुळे वाहतुकीचा खोळंबा झाला आहे.


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...