आटपाडी, खानापुरातही मंत्र्यांचा धावता दौरा

आटपाडी, खानापुरातही मंत्र्यांचा धावता दौरा
आटपाडी, खानापुरातही मंत्र्यांचा धावता दौरा

सांगली : ते आले... त्यांनी पाहिलं... आणि पुढं निघून गेले... याचीच सध्या जत, आटपाडी परिसरात चर्चा आहे. जिल्ह्याचे पालकमंत्री सुभाष देशमुख दुष्काळी दौऱ्यावर आले होते. त्यांनी हा दौरा धावता केला. पालकमंत्री गावाच्या बाहेरूनच गेले. त्यामुळे मदत मिळणार का? असा प्रश्‍न शेतकरी उपस्थित करू लागले आहेत.

जिल्ह्यातील दुष्काळी भागातील आटपाडी, जत आणि खानापूर तालुक्‍यात शनिवारी (ता. १३) जिल्ह्याचे पालकमंत्री सुभाष देशमुख यांनी एका गावाला भेट दिली. दरम्यान, केवळ दुष्काळाची पाहणी करण्यासाठी आले होते. त्यामुळे शेतकरी आपली कैफियत मांडण्यासाठी सकाळपासूनच गावात जमले होते. मंत्री सुभाष देशमुख ठरलेल्या ठिकाणी आल्यानंतर रस्त्याकडेला गाड्या लावून पालकमंत्री श्री. देशमुख बाजूच्याच शेतात गेले. अवघ्या दहा मिनिटांतच दौरा केला. दरम्यान, ग्रामपंचायतीसमोर साहेबांच्या प्रतीक्षेत अनेक ग्रामस्थांना त्यांची कैफियत मांडतादेखील आली नाही.  

जिल्ह्याचे पालकमंत्री तथा सहकारमंत्री सुभाष देशमुख सांगली जिल्ह्यातील तळवडे (ता. आटपाडी) कुंभारी (ता. जत) आणि हिवरे (ता. खानापूर) या तीन गावांतील दुष्काळाची परिस्थिती जाणून घेण्यासाठी आले होते. पालकमंत्री श्री. देशमुख प्रत्येक गावातील दुष्काळाचा आढावा घेऊन पुढे गेले. ‘साहेब, पेरायलाच पाऊस नाही तिथं उगवायचा प्रश्न नाही. पिण्याच्या पाण्याचे आणि जित्राबाच्या चाऱ्याचे वांदे झाले आहेत,’ अशी कैफियत शेतकऱ्यांनी मांडण्याचा प्रयत्न केला. मात्र, त्यांची कैफियत ऐकूनच घेतली नसल्याचे शेतकऱ्यांनी सांगितले.

मदत मिळणार का? मुख्यमंत्र्यांनी दुष्काळातील परिस्थितीचा आढावा घेण्यास मंत्र्यांना सांगितले आहे. मात्र, मंंत्र्यांनी केवळ धावता दौरा केल्याने शेतकऱ्यांनी तीव्र नाराजी व्यक्त केली आहे. दुष्काळी दौरा केला असला, तरी मदत मिळणार का, असा प्रश्‍न शेतकरी उपस्थित करू लागले आहेत. ‘आमच्या गावात पालकमंत्री आल्यानंतर आमचे गाऱ्हाणे न ऐकताच ते निघून गेले. आम्हाला शासनाने मदत करावी, अशी आमची मागणी आहे.’ दाजी पाटील, शेतकरी, कुंभारी, ता. जत

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com