नगर : व्यापाऱ्यांकडून शेतकरी, ग्राहकांची लूट

नगर ः कोरोना संसर्गाच्या पाश्वभूमीवर नगर जिल्ह्यामध्ये नगर बाजार समिती वगळता अन्य बाजार समित्यात भाजीपाला, फळांची खरेदी विक्री बंद आहे. आठवडे बाजारही बंद आहेत. त्यामुळे नगरला खरेदीदारापेक्षा उत्पादक शेतकरी अधिक येत असल्याने खरेदीदार अगदी दर पाडून भाजीपाला, फळांची खरेदी करत आहेत. तर ग्राहकांना मात्र दुप्पट, तिप्पट दराने विक्री करत आहेत. त्यामुळे लाॅकडाऊनच्या काळात विक्रेत्यांपेक्षा खरेदीदारच मालामाल होत आहेत. विशेष म्हणजे भाजीपाला, फळांच्या पडलेल्या दरांबाबत कोणीही बोलत नाहीत. 

कोरोना संसर्गाच्या पाश्वभूमीवर भाजीबाजार बंद असल्याने भाजीपाला, फळे विकण्याचा प्रश्न निर्माण झाला. नगरला जिल्हाभरातील बाजार समित्या बंद करण्यात आल्या आहेत. आठवडीबाजार बंदं आहेत. मात्र सर्वाधिक खरेदी-विक्री होत असलेल्या नगर बाजार समितीत भाजीपाला, फळांची खरेदी-विक्री सुरु ठेवण्याची कृषी विभागाने विनंती केल्यानंतर नगरएवजी नेप्ती उपबाजारात फळे, भाजीपाल्याची खेरदी विक्री सुरु ठेवण्याला परवानगी दिल्यानंतर पंधरा दिवसापासून ती सुरु आहे. येथे नगरसह शेजारच्या जिल्ह्यातील शेतकरी माल विक्रीसाठी घेऊन येत आहेत. आतापर्यत सुमारे एक हजार टनापेक्षा अधिक भाजीपाला, फळांची विक्री झाली असल्याचे कृषी विभाग सांगत आहे. मात्र येथे खरेदीदारापेक्षा उत्पादक शेतकरीच अधिक येत आहेत. 

शेतकरी थेट किरकोळ विक्री करणाऱ्यांना विक्री करत असले तरी खरेदीदार दर पाडूनच खरेदी करतात. बाजारात आलेल्या शेतकऱ्यांना मात्र विकल्याशिवाय पर्याय उरलेला दिसत नाही. किरकोळ विक्रेते ग्राहकांना मात्र शेतकऱ्यांकडून खरेदी केलल्या दराच्या तिप्पट दराने विक्री करत आहेत. त्यामुळे नगर जिल्ह्यात उत्पादकांपेक्षा खरेदीदारच अधिक मालामाल होत आहेत. शेतकऱ्यांचा माल सर्रासपणे दर पाडून खरेदी केला जात असल्याने त्याबाबत कोणीही बोलायला तयार नाही.  शेतकरी आणि ग्राहक दर (प्रतीकिलो/रुपये )